സുബ്​ഹാന്​ മടക്കയാത്രയൊരുക്കി എയർ ഇന്ത്യ

ദുബൈ: അഞ്ചുദിവസം മുമ്പ്​​ സാ​ങ്കേതിക കാരണത്തി​െൻറ പേരിൽ എയർ ഇന്ത്യ എക്​സ്​പ്രസ്​ യാത്രാ അനുമതി നിഷേധിച്ച 11 വയസ്സുകാരന്​ വീണ്ടും യാത്രയൊരുക്കി എയർ ഇന്ത്യ.

ഷാർജയിലുള്ള മലപ്പുറം തിരുത്തിയാട്​ സ്വദേശി ഇംതിയാസ്​ ചാനത്തി​െൻറ മകൻ സുബ്​ഹാനാണ്​ എയർഇന്ത്യ എക്​സ്​പ്രസി​െൻറ വിമാനത്തിൽ ശനിയാഴ്​ച ഷാർജയിലെത്തിയത്​. യു.എ.ഇ സർക്കാർ നിർദേശിച്ച അനുമതികളെല്ലാം നേടിയിട്ടും അഡ്വാൻസ്​ഡ്​ പാസഞ്ചർ ഇൻഫർമേഷൻ (എ.പി.ഐ) അനുമതി വേണമെന്ന കാരണം ചൂണ്ടിക്കാണിച്ച്​ സുബ്​ഹാൻ ഉൾപ്പെടെയുള്ള 17 പേരുടെ യാത്ര മുടങ്ങിയത്​ വാർത്തയായിരുന്നു. ഇതിന്​ പിന്നാലെ പിതാവ്​ ഇംതിയാസ്​ എയർഇന്ത്യ അധികൃതർക്ക്​ പരാതി നൽകിയതോടെയാണ്​ ശനിയാഴ്​ച വീണ്ടും യാത്രയൊരുക്കിയത്​. മറ്റുള്ള യാത്രക്കാരും ഇതേവഴി പിന്തുടർന്ന്​ പരാതി നൽകിയാൽ തുടർനടപടികളുണ്ടാവുമെന്ന്​ ഇംതിയാസ്​ പറയുന്നു.

എയർഇന്ത്യ അനുമതി നിഷേധിച്ചത​ിനെ തുടർന്ന്​ ചില യാത്രക്കാർ വേറെ ടിക്കറ്റെടുത്ത്​ എമിറേറ്റ്​സ്​, ​ൈഫ്ല ദുബൈ വിമാനങ്ങളിൽ യു.എ.ഇയിലെത്തിയിരുന്നു. എന്നാൽ, ഇംതിയാസ് എയർഇന്ത്യയുടെ എല്ലാ അതോറിറ്റികൾക്കും പരാതി അയക്കുകയായിരുന്നു. തൊട്ടടുത്ത ദിവസം തന്നെ എയർ ഇന്ത്യയുടെ ദുബൈ ഓഫിസിൽനിന്ന്​ വിളിച്ചു.

22ന്​ രാവിലെ 8.30നുള്ള വിമാനത്തിൽ യാത്ര ചെയ്യാമെന്നായിരുന്നു അവരുടെ അറിയിപ്പ്​. എ.പി.ഐ അനുമതിയുടെ പ്രശ്​നമുണ്ടാവില്ലെന്നും അവർ ഉറപ്പുനൽകിയതി​െൻറ അടിസ്​ഥാനത്തിലാണ്​ മകനെ വീണ്ടും വിമാനത്താവളത്തിൽ എത്തിക്കാൻ നാട്ടിലുള്ള കുടുംബക്കാരെ അറിയിച്ചത്​. ഉച്ചക്ക്​ 11.30ന്​ ഷാർജയിൽ എത്തിയ സുബ്​ഹാൻ പിതാവിനൊപ്പം ക്വാറൻറീനിലാണ്​.

എ.പി.ഐ അനുമതി വേണമെന്ന കാരണത്താൽ യാത്ര മുടങ്ങുന്നവർ മറ്റു വിമാനങ്ങളെ ആശ്രയിക്കുന്നതോടെ ആദ്യ ടിക്കറ്റി​െൻറ തുക നഷ്​ടമാകും. ഇതിന്​ പകരം, ഇംതിയാസ്​ ചെയ്​തതുപോലെ എയർ ഇന്ത്യയുമായി ബന്ധപ്പെട്ട്​ വീണ്ടും യാത്രക്ക്​ ശ്രമിക്കുന്നതാവും ഉചിതം.