അതിശയകരം ഭൂമി; നാം സംരക്ഷിക്കണം -അൽ നിയാദി

ദു​ബൈ: ബ​ഹി​രാ​കാ​ശ നി​ല​യ​ത്തി​ൽ​നി​ന്ന്​ ഭൂ​മി​യു​ടെ കാ​ഴ്ച അ​തി​ശ​യ​ക​ര​മാ​ണെ​ന്നും എ​ന്നാ​ൽ മ​ലി​നീ​ക​ര​ണ​ത്തി​ന്‍റെ തീ​വ്ര​ത കാ​ണാ​നാ​കു​ന്നു​ണ്ടെ​ന്നും യു.​എ.​ഇ ബ​ഹി​രാ​കാ​ശ യാ​ത്രി​ക​ൻ സു​ൽ​ത്താ​ൻ അൽ നിയാദി ദു​ബൈ ഫ്യൂ​ച​ർ മ്യൂ​സി​യ​ത്തി​ൽ മാ​ധ്യ​മ​പ്ര​വ​ർ​ത്ത​ക​ർ​ക്കാ​യി സം​ഘ​ടി​പ്പി​ച്ച ത​ത്സ​മ​യ സം​വാ​ദ പ​രി​പാ​ടി​യി​ലാ​ണ്​ അ​ദ്ദേ​ഹം ഇ​ക്കാ​ര്യം വെ​ളി​പ്പെ​ടു​ത്തി​യ​ത്. ബ​ഹി​രാ​കാ​ശ നി​ല​യ​ത്തി​ൽ​നി​ന്ന്​ ഭൂ​മി​യി​ലേ​ക്ക്​ നോ​ക്കു​മ്പോ​ൾ സു​ന്ദ​ര​മാ​യ ഭൂ​മി​യു​ടെ ചി​ത്രം മ​ന​സ്സി​ലാ​ക്കാ​ൻ ക​ഴി​യു​ന്നു​ണ്ട്.

ച​രി​ത്ര​ത്തി​ന്‍റെ സ​ഞ്ചാ​ര​ത്തി​ൽ ഗ്ര​ഹ​ത്തി​ന്​ സം​ഭ​വി​ക്കു​ന്ന മാ​റ്റ​ങ്ങ​ളെ​യും തി​രി​ച്ച​റി​യാ​ൻ ക​ഴി​യു​ന്നു. ഭൂ​മി​യെ സം​ര​ക്ഷി​ച്ചു നി​ർ​ത്തേ​ണ്ട​ത്​ അ​നി​വാ​ര്യ​മാ​ണെ​ന്നാ​ണ്​ വ്യ​ക്​​തി​പ​ര​മാ​യി എ​നി​ക്ക്​ അ​നു​ഭ​വ​പ്പെ​ട്ട​ത്​- അ​ദ്ദേ​ഹം കൂ​ട്ടി​ച്ചേ​ർ​ത്തു. തു​ട​ർ​ന്ന്​ ഹി​മാ​ല​യ പ​ർ​വ​ത നി​ര​ക​ൾ​ക്ക്​ മു​ക​ളി​ൽ കാ​ണാ​നാ​യ കാ​ഴ്ച​യും അ​ദ്ദേ​ഹം പ​ങ്കു​വെ​ച്ചു. ഇ​ന്ന്​ ഞാ​ൻ ഹി​മാ​ല​യ​ത്തി​ന്​ മു​ക​ളി​ലൂ​ടെ സ​ഞ്ച​രി​ച്ചു.

ഒ​രു ഭാ​ഗ​ത്ത്​ വാ​യു മ​ലി​നീ​ക​ര​ണ​ത്തി​ന്‍റെ തീ​വ്ര​ത​യും മ​റ്റൊ​രു ഭാ​ഗ​ത്ത്​ മേ​ഘ​ക്കൂ​ട്ട​ങ്ങ​ളും കാ​ണാ​നാ​യി. ഭൂ​മി​യെ സം​ര​ക്ഷി​ക്കേ​ണ്ട​ത്​ സ​ന്തോ​ഷ​ത്തോ​ടെ ജീ​വി​ക്കാ​ൻ​ ആ​വ​ശ്യ​മാ​ണ്. വൃ​ത്തി​യാ​യും ശു​ചി​ത്വം പാ​ലി​ച്ചും ഭൂ​മി​യെ സം​ര​ക്ഷി​ക്ക​ണം. അ​ങ്ങ​നെ​യെ​ങ്കി​ൽ ന​മു​ക്ക്​ ദീ​ർ​ഘ​കാ​ലം ജീ​വി​ക്കാം -അ​ദ്ദേ​ഹം വ്യ​ക്​​ത​മാ​ക്കി.

ബ​ഹി​രാ​കാ​ശ നി​ല​യ​ത്തി​ൽ ക​ഴി​യു​മ്പോ​ൾ ഭൂ​മി​യി​ൽ സു​ല​ഭ​മാ​യ വെ​ള്ള​ത്തി​ന്‍റെ​യും ഓ​ക്സി​ജ​ന്‍റെ​യും വി​ല​യ​റി​യാ​ൻ സാ​ധി​ക്കു​ന്നു​വെ​ന്നും അ​​ൽ നി​യാ​ദി ചോ​ദ്യ​ത്തി​ന്​ മ​റു​പ​ടി​യാ​യി പ​റ​ഞ്ഞു.

ഭാ​ര​മി​ല്ലാ​യ്മ എ​നി​ക്ക് ആ​വേ​ശ​മാ​ണ്​

ഭൂ​മി​യി​ൽ നി​ന്ന്​ ഏ​റെ ദൂ​രെ ക​ഴി​യു​മ്പോ​ൾ മാ​ന​സി​ക​മാ​യ പി​രി​മു​റു​ക്കം അ​നു​ഭ​വ​പ്പെ​ടി​ല്ലേ​ എ​ന്ന ചോ​ദ്യ​ത്തി​ന്​ പു​ഞ്ചി​രി​ച്ചു​കൊ​ണ്ടാ​ണ്​ അ​ൽ നി​യാ​ദി മ​റു​പ​ടി പ​റ​ഞ്ഞ​ത്. ഭൂ​മി​യി​ൽ നി​ങ്ങ​ൾ സ​ന്തു​ഷ്ട​രെ​ങ്കി​ൽ ഞാ​നും സ​ന്തു​ഷ്ട​നാ​ണ്. മാ​ന​സി​ക​മാ​യി ന​ല്ല നി​ല​യി​ലാ​ണ്. ​

ശാ​രീ​രി​ക​ഭാ​രം സ്ഥി​ര​മാ​യി നി​ല​നി​ർ​ത്തി​യാ​ണ്​ മു​ന്നോ​ട്ടു​പോ​കു​ന്ന​ത്. ബ​ഹി​രാ​കാ​ശ​ത്ത്​ സ​മ​യം വ​ള​രെ വേ​ഗ​ത്തി​ലാ​ണ്​ കൊ​ഴി​ഞ്ഞു തീ​രു​ന്ന​ത്. ഒ​രോ ദി​വ​സ​വും 16 ത​വ​ണ സൂ​ര്യോ​ദ​യ​വും അ​സ്ത​മ​യ​വും കാ​ണു​ന്നു. എ​ന്നാ​ലി​പ്പോ​ൾ ഈ ​ജൈ​വ​ഘ​ടി​കാ​ര​വു​മാ​യി പൊ​രു​ത്ത​പ്പെ​ട്ടു​ക​ഴി​ഞ്ഞു.

ആ​ദ്യം ഉ​റ​ങ്ങാ​ൻ അ​ൽ​പം ബു​ദ്ധി​മു​ട്ട് തോ​ന്നി​യെ​ങ്കി​ലും പി​ന്നീ​ട് അ​ത് ആ​സ്വ​ദി​ക്കാ​ൻ തു​ട​ങ്ങി. ഭാ​ര​മി​ല്ലാ​യ്മ എ​നി​ക്ക് വി​വ​രി​ക്കാ​ൻ ക​ഴി​യാ​ത്ത ഒ​രു ആ​വേ​ശ​മാ​ണ് -അ​ദ്ദേ​ഹം പ​റ​ഞ്ഞു. ബ​ഹി​രാ​കാ​ശ​ത്ത്​ വെ​ല്ലു​വി​ളി​ക​ൾ ഏ​റെ​യു​ണ്ടെ​ന്നും ചി​ല​പ്പോ​ഴൊ​ക്കെ സ​ങ്കീ​ർ​ണ​ത​ക​ളു​ണ്ടാ​വാ​റു​ണ്ടെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു. എ​ല്ലാ ദി​വ​സ​വും കൃ​ത്യ​മാ​യി വ്യാ​യാ​മം ചെ​യ്ത്​ മ​സി​ലു​ക​ളു​ടെ ശ​ക്​​തി നി​ല​നി​ർ​ത്തു​ന്ന​താ​യും എ​ല്ലാ ദി​വ​സ​വും കു​ടും​ബ​വു​മാ​യി ഇ-​മെ​യി​ൽ, വോ​യ്​​സ്​ കാ​ൾ, വി​ഡി​യോ കാ​ൾ എ​ന്നി​വ വ​ഴി ബ​ന്ധ​പ്പെ​ടാ​ൻ സൗ​ക​ര്യ​മു​ണ്ടെ​ന്നും അ​ദ്ദേ​ഹം വി​ശ​ദീ​ക​രി​ച്ചു.

ഗ​വേ​ഷ​ണ​ങ്ങ​ൾ പു​രോ​ഗ​മി​ക്കു​ന്നു

ബ​ഹി​രാ​കാ​ശ​ത്ത്​ നി​ശ്ച​യി​ച്ച ഗ​വേ​ഷ​ണ​ങ്ങ​ൾ പു​രോ​ഗ​മി​ക്കു​ന്ന​താ​യി അ​ൽ നി​യാ​ദി മാ​ധ്യ​മ​പ്ര​വ​ർ​ത്ത​ക​രു​ടെ ചോ​ദ്യ​ത്തി​ന്​ മ​റു​പ​ടി​യാ​യി പ​റ​ഞ്ഞു. ഭൂ​മി​യി​ലെ ഗു​രു​ത്വാ​ക​ർ​ഷ​ണ​ത്തി​ൽ ചി​ല പ​രീ​ക്ഷ​ണ​ങ്ങ​ൾ ശ​രി​യാ​യി ന​ട​ത്താ​ൻ ക​ഴി​യി​ല്ല. അ​തി​നാ​ലാ​ണ്​ ബ​ഹി​രാ​കാ​ശം ഇ​തി​നാ​യി തെ​ര​ഞ്ഞെ​ടു​ക്കു​ന്ന​ത്. നി​ര​വ​ധി ശാ​സ്ത്രീ​യ പ​രീ​ക്ഷ​ണ​ങ്ങ​ൾ ന​ട​ത്തി​ക്കൊ​ണ്ടി​രി​ക്ക​യാ​ണ്. ഓ​രോ ദി​വ​സ​വും നി​ശ്ചി​ത ല​ക്ഷ്യ​ങ്ങ​ളു​ണ്ട്​ -അ​ദ്ദേ​ഹം കൂ​ട്ടി​ച്ചേ​ർ​ത്തു. ബ​ഹി​രാ​കാ​ശ​ത്ത്​ നാ​ൽ​പ​ത്​ ദി​വ​സം പി​ന്നി​ടു​മ്പോ​ൾ ആ​കാം​ക്ഷ വ​ർ​ധി​ക്കു​ക​യാ​ണെ​ന്നും സാ​ധാ​ര​ണ മ​നു​ഷ്യ​ർ​ക്കു​ള്ള വി​കാ​ര​ങ്ങ​ൾ ത​ന്നെ​യാ​ണ്​ ത​നി​ക്കു​മെ​ന്നും അ​ദ്ദേ​ഹം ചോ​ദ്യ​ത്തി​ന്​ മ​റു​പ​ടി​യാ​യി പ​റ​ഞ്ഞു. ദൗ​ത്യ​ത്തി​നി​ട​യി​ൽ സം​ഭ​വി​ക്കു​ന്ന സാ​​ങ്കേ​തി​ക​മാ​യ വെ​ല്ലു​വി​ളി​ക​ളെ നേ​രി​ടാ​ൻ പ​രി​ശീ​ലി​ക്ക​പ്പെ​ട്ട​തി​നാ​ൽ ആ​ശ​ങ്ക​യി​ല്ലെ​ന്നും അ​ടു​ത്ത മാ​സ​ങ്ങ​ളി​ൽ സൗ​ദി​യി​ൽ നി​ന്ന്​ എ​ത്തി​ച്ചേ​രു​ന്ന ബ​ഹി​രാ​കാ​ശ യാ​ത്രി​ക​രെ സ്വീ​ക​രി​ക്കാ​ൻ സ​ന്തോ​ഷ​ത്തോ​ടെ കാ​ത്തി​രി​ക്ക​യാ​ണെ​ന്നും അ​ദ്ദേ​ഹം പ​റ​ഞ്ഞു.

20 മി​നി​റ്റ്​ നീ​ണ്ട ത​ത്സ​മ​യ സം​വാ​ദം ‘എ ​കാ​ൾ വി​ത്​ സ്​​പെ​യ്​​സ്​’ പ​രി​പാ​ടി​യു​ടെ ദു​ബൈ​യി​ലെ ര​ണ്ടാ​മ​ത്തെ എ​ഡി​ഷ​നാ​യി​രു​ന്നു. മാ​ധ്യ​മ​പ്ര​വ​ർ​ത്ത​ക​ർ​ക്കാ​യി പ്ര​ത്യേ​കം ഒ​രു​ക്കി​യ ച​ട​ങ്ങി​ൽ പ്ര​ദേ​ശി​ക, അ​ന്ത​ർ​ദേ​ശീ​യ ത​ല​ങ്ങ​ളി​ൽ നി​ന്ന്​ 130ലേ​റെ പേ​ർ പ​​​ങ്കെ​ടു​ത്തു. മു​ഹ​മ്മ​ദ്​ ബി​ൻ റാ​ശി​ദ്​ ബ​ഹി​രാ​കാ​ശ കേ​ന്ദ്രം ഡ​യ​റ​ക്ട​ർ ജ​ന​റ​ൽ സ​ലീം ഹു​മൈ​ദ്​ അ​ൽ മ​ർ​റി സം​വാ​ദ​ത്തി​ന്​ മു​മ്പാ​യി യു.​എ.​ഇ​യു​ടെ ബ​ഹി​രാ​കാ​ശ പ​ദ്ധ​തി​ക​ൾ വി​ശ​ദീ​ക​രി​ച്ച്​ സം​സാ​രി​ച്ചു. കേ​ന്ദ്ര​ത്തി​ന്‍റെ സ്​​ട്രാ​റ്റ​ജി​ക്​ ക​മ്യൂ​ണി​ക്കേ​ഷ​ൻ​സ്​ ഡ​യ​റ​ക്ട​ർ സ​ഊ​ദ്​ ക​ർ​മു​സ്ത​ജി അ​തി​ഥി​ക​ളെ സ്വാ​ഗ​തം ചെ​യ്തു.

‘ഇമാറാത്ത്​ ബീറ്റ്​സ്​’ പ്രത്യേകപേജ്​ ഏറ്റുവാങ്ങി

ദു​ബൈ: സു​ൽ​ത്താ​ൻ അ​ൽ നി​യാ​ദി​യെ കു​റി​ച്ച്​ ഗ​ൾ​ഫ്​ മാ​ധ്യ​മം ‘ഇ​മാ​റാ​ത്ത്​ ബീ​റ്റ്​​സ്​’ പ്ര​സി​ദ്ധീ​ക​രി​ച്ച പ്ര​ത്യേ​ക പേ​ജ്​ മു​ഹ​മ്മ​ദ്​ ബി​ൻ റാ​ശി​ദ്​ ബ​ഹി​രാ​കാ​ശ കേ​ന്ദ്രം(​എം.​ബി.​ആ​ർ.​എ​സ്.​സി) അ​ധി​കൃ​ത​ർ ഏ​റ്റു​വാ​ങ്ങി. ദു​ബൈ ഫ്യൂ​ച​ർ മ്യൂ​സി​യ​ത്തി​ൽ ന​ട​ന്ന ത​ത്സ​മ​യ മാ​ധ്യ​മ സം​വാ​ദ പ​രി​പാ​ടി​ക്കി​ടെ​യാ​ണ്​ എം.​ബി.​ആ​ർ.​എ​സ്.​സി സ്​​ട്രാ​റ്റ​ജി​ക്​ ക​മ്യൂ​ണി​ക്കേ​ഷ​ൻ ഡ​യ​റ​ക്ട​ർ സ​ഊ​ദ്​ ക​ർ​മു​സ്ത​ജി​ക്ക്​ ‘ഗ​ൾ​ഫ്​ മാ​ധ്യ​മ’​ത്തി​ന്‍റെ റി​പ്പോ​ർ​ട്ടു​ക​ൾ പ​രി​ച​യ​പ്പെ​ടു​ത്തു​ക​യും പേ​ജ്​ കൈ​മാ​റു​ക​യും ചെ​യ്ത​ത്​.

യു.​എ.​ഇ​യു​ടെ ബ​ഹി​രാ​കാ​ശ പ​ദ്ധ​തി​ക​ൾ വ​ള​രെ പ്രാ​ധാ​ന്യ​ത്തോ​ടെ പ്ര​സി​ദ്ധീ​ക​രി​ക്കു​ന്ന​തി​ൽ​ അ​ഭി​ന​ന്ദ​നം അ​റി​യി​ച്ച അ​ദ്ദേ​ഹം, ‘ഗ​ൾ​ഫ്​ മാ​ധ്യ​മം’ സം​ഘ​ത്തെ ബ​ഹി​രാ​കാ​ശ കേ​ന്ദ്ര​ത്തി​ലേ​ക്ക്​ ക്ഷ​ണി​ക്കു​ക​യും ചെ​യ്തു. ‘ഗ​ൾ​ഫ്​ മാ​ധ്യ​മം’ മി​ഡി​ലീ​സ്റ്റ്​ എ​ഡി​റ്റോ​റി​യ​ൽ ഹെ​ഡ്​ സാ​ലി​ഹ്​ കോ​ട്ട​പ്പ​ള്ളി, ദു​ബൈ ബ്യൂ​റോ ഹെ​ഡ്​ ശി​ഹാ​ബ്​ അ​ബ്​​ദു​ൽ ക​രീം എ​ന്നി​വ​ർ പ​​​ങ്കെ​ടു​ത്തു.