​സസ്​പെൻസായി പൊലീസി​െൻറ ഹാപ്പിനസ്​ ബലൂൺ

അബൂദബി: പെരുന്നാൾ നമസ്​കാരത്തിന്​ പോകാൻ കാറിനടുത്തെത്തിയ പലരും രാവിലെ തന്നെ ഞെട്ടി. കാറുകളിലെല്ലാം ആശംസ ബലൂണുകൾ. അബൂദബി പൊലീസാണ്​ രാത്രി കാറുകളിൽ 'ഈദ് മുബാറക് ഹാപ്പിനസ് ബലൂണുകൾ' സ്ഥാപിച്ചത്​. രാവിലെ ഈദ് പ്രാർഥനക്കു പുറപ്പെടുന്നവർക്ക്​ സസ്​പെൻസ്​ സമ്മാനിക്കാനായിരുന്നു റെസിഡൻഷ്യൽ ഏരിയകളിലെ വാഹനങ്ങളിൽ അബൂദബി പൊലീസ് ഈദ് ആശംസയുമായി ബലൂണുകൾ സ്​ഥാപിച്ചത്​.

പൊതുജനങ്ങൾക്കും പൗരന്മാർക്കും താമസക്കാർക്കും സന്ദർശകർക്കും സന്തോഷം പകരാനാണിതെന്ന്​ പൊലീസ് ചൂണ്ടിക്കാട്ടി. സന്തോഷം എന്നത്​ ജനങ്ങളുടെ അവകാശമാണ്​. ആരോഗ്യകരവും സുസ്ഥിരവുമായ സമൂഹത്തിന് അനുയോജ്യമായ അന്തരീക്ഷം ഒരുക്കാൻ സന്തോഷം നൽകുന്ന പങ്ക്​ ചെറുതല്ല. ഈ ലക്ഷ്യവുമായാണ്​ പൊലീസി​െൻറ പ്രവർത്തനമെന്നും അവർ പറഞ്ഞു.