സിനോഫാമിന്​ ഒമ്പതുമാസം രോഗപ്രതിരോധ ശേഷി

ദുബൈ: സിനോഫാം കോവിഡ്​ വാക്​സിൻ ഒമ്പതുമാസം രോഗപ്രതിരോധശേഷി നൽകുമെന്ന്​ അബൂദബി ആരോഗ്യ സേവന വിഭാഗം 'സേഹ' അറിയിച്ചു. ഇതി​െൻറ രണ്ട്​​ ഡോസെടുത്ത്​ ആറു മാസം കഴിഞ്ഞാൽ ബൂസ്​റ്റർ ഡോസ്​ സ്വീകരിക്കാമെന്നും സേഹയുടെ ട്വീറ്റിൽ വന്ന അന്വേഷണത്തിന്​ മറുപടി നൽകി.

സിനോഫാമെടുത്തവർ ഫൈസറി​െൻറ ഒരു ഡോസ്​ മാത്രമേ സ്വീകരിക്കാവൂവെന്നും അധികൃതർ വ്യക്​തമാക്കി. അതേസമയം ആരോഗ്യ പരിശോധനകൾക്കുശേഷം ബൂസ്​റ്റർ ഡോസായി സിനോഫാമോ ഫൈസറോ സ്വീകരിക്കാമെന്ന്​ അബൂദബി പൊതുജനാരോഗ്യ കേന്ദ്രം അറിയിച്ചു. ഇത്​ വ്യക്​തികൾക്ക്​ തീരുമാനിക്കാനും അനുവാദമുണ്ടാകും.

എ​ന്നാൽ, എല്ലാ ആറുമാസവും ബൂസ്​റ്റർ ഡോസ്​ സ്വീകരിക്കണോ എന്ന ചോദ്യത്തിന്​ അക്കാര്യത്തിൽ തീരുമാനമെടുക്കാൻ​ മറ്റു ആരോഗ്യ സ്​ഥാപനങ്ങളുമായി സഹകരിച്ച്​ പഠനം നടക്കുകയാണെന്ന്​ കേന്ദ്രം വാർത്തക്കുറിപ്പിൽ അറിയിച്ചു. ബൂസ്​റ്റർ ഡോസ്​ രോഗപ്രതിരോധ ശേഷി വർധിപ്പിക്കുന്നതിനൊപ്പം രോഗ സാധ്യത കുറക്കുകയും വന്നാൽ സങ്കീർണതകൾ ഒഴിവാക്കുകയും ചെയ്യുമെന്ന് വാർത്തക്കുറിപ്പിൽ അറിയിച്ചു.

ബൂസ്​റ്റർ ഷോട്ടുകളുടെ ഡോസേജിൽ വ്യത്യാസമുണ്ടാകില്ലെന്നും എല്ലാ വാക്​സിനുകളും ഒരേ അളവിലായിരിക്കുമെന്നും കേന്ദ്രം അറിയിച്ചു.വാക്​സിൽ ഫലിക്കാത്ത ശരീരപ്രക​ൃതി അപൂർവം പേരിൽ മാത്രമാണ്​ ഉണ്ടാകാറുള്ളതെന്ന്​ ആരോഗ്യ വിദഗ്​ധർ അഭിപ്രായപ്പെട്ടു. നൂറിൽ ഒരാൾക്കോ ആയിരത്തിൽ ഏതാനും പേർക്കോ മാത്രമേ ഇത്തരത്തിൽ ഫലിക്കാത്ത സാഹചര്യമുണ്ടാകൂ. ശരീരത്തി​െൻറ ഘടനയിലുള്ള പ്രശ്​നങ്ങൾ മൂലമാണ്​ ഇത്​ സംഭവിക്കുന്നത്​. ബൂസ്​റ്റർ ഡോസെടുത്താലും ജാഗ്രത പാലിക്കണമെന്നും അധികൃതർ ആവശ്യപ്പെട്ടു.സേഹയും ആരോഗ്യ വകുപ്പും ചേർന്നാണ്​ അബൂദബിയിൽ സിനോഫാം, ഫൈസർ വാക്​സിനുകൾ നൽകുന്നത്​. ​