വാ​ണി​ജ്യ ഗ​താ​ഗ​ത സേ​വ​ന​ങ്ങ​ൾ സംയോജിപ്പിക്കുന്നതിന്​ ‘തകാമുൽ പെർമിറ്റ്​’

ദു​ബൈ: ആ​ഡം​ബ​ര വാ​ഹ​ന​ങ്ങ​ളു​ടെ സേ​വ​നം ന​ൽ​കു​ന്ന ക​മ്പ​നി​ക​ളേ​യും കാ​ർ വാ​ട​ക സ്ഥാ​പ​ന​ങ്ങ​ളെ​യും സം​യോ​ജി​പ്പി​ക്കു​ന്ന​തി​ന്​ ‘ത​കാ​മു​ൽ ​പെ​ർ​മി​റ്റ്​’ എ​ന്ന പേ​രി​ൽ പു​തി​യ സം​വി​ധാ​നം അ​വ​ത​രി​പ്പി​ച്ച്​ ദു​ബൈ റോ​ഡ്​ ഗ​താ​ഗ​ത അ​തോ​റി​റ്റി (ആ​ർ.​ടി.​എ). ലി​മോ​സി​ൻ ക​മ്പ​നി​ക​ളും റെ​ന്‍റ്​ എ ​കാ​ർ ക​മ്പ​നി​ക​ളും ത​മ്മി​ൽ ത​ട​സ്സ​മി​ല്ലാ​ത്ത സ​ഹ​ക​ര​ണ​ത്തി​ന്​ വ​ഴി​യൊ​രു​ക്കു​ന്ന​താ​ണ്​ പു​തി​യ ​പെ​ർ​മി​റ്റ്​ സം​വി​ധാ​നം. ഇ​തു വ​ഴി​ കാ​ർ വാ​ട​ക​ക്ക്​ ന​ൽ​കു​ന്ന സ്ഥാ​പ​ന​ങ്ങ​ൾ​ക്ക്​ പ​ര​സ്പ​ര ധാ​ര​ണ​യു​ടെ അ​ടി​സ്ഥാ​ന​ത്തി​ൽ ആ​ഡം​ബ​ര വാ​ഹ​ന​ങ്ങ​ൾ താ​ൽ​കാ​ലി​ക​മാ​യി ഉ​പ​യോ​ഗി​ക്കാ​നാ​വും. അ​തോ​ടൊ​പ്പം വ്യ​ക്​​തി​ക​ൾ, വി​നോ​ദ സ​ഞ്ചാ​രി​ക​ൾ, താ​മ​സ​ക്കാ​ർ എ​ന്നി​വ​ർ​ക്ക്​ വ്യ​വ​സ്ഥ​ക​ൾ​ക്ക്​ വി​ധേ​യ​മാ​യി ല​ക്ഷ്വ​റി വാ​ഹ​ന​ങ്ങ​ൾ ഡ്രൈ​വ​ർ ഉ​ൾ​പ്പെ​ടെ ഒ​രു മാ​സം വ​രെ വാ​ട​ക​ക്ക്​ എ​ടു​ക്കാ​നും പു​തി​യ സം​വി​ധാ​ന​ത്തി​ലൂ​ടെ ക​ഴി​യു​മെ​ന്ന്​ ആ​ർ.​ടി.​എ​യു​ടെ കൊ​മേ​ഴ്​​സ്യ​ൽ ട്രാ​ൻ​സ്​​പോ​ർ​ട്ട്​ വ​കു​പ്പ്​ ഡ​യ​റ​ക്ട​ർ ജ​മാ​ൽ അ​ൽ സ​ദാ​ഹ്​ പ​റ​ഞ്ഞു.

കാ​ർ വാ​ട​ക​ക്ക്​ ന​ൽ​കു​ന്ന എ​ല്ലാ വി​ഭാ​ഗ​ളെ​യും ഉ​ൾ​കൊ​ള്ളി​ച്ച്​ സ​മ​ഗ്ര​വും സു​ഗ​വു​മാ​യ നി​യ​മ ച​ട്ട​ക്കൂ​ട്​ ഉ​ൾ​കൊ​ള്ളു​ന്ന സം​വി​ധാ​ന​മാ​ണ്​ ‘ത​കാ​മു​ൽ പെ​ർ​മി​റ്റ്​’. വാ​ട​ക ക​രാ​റു​ക​ളു​ടെ ര​ജി​സ്ട്രേ​ഷ​ൻ, ഡീ​ല​ക്​​സ്​ വാ​ഹ​ന ക​മ്പ​നി​ക​ളു​ടെ എ​ൻ​റോ​ളി​ങ്, ഇ​ല​ക്​​ട്രോ​ണി​ക്​ ട്രാ​ൻ​സ്​​പോ​ർ​ട്ട്​ ആ​കി​വി​റ്റീ​സ്​ റെ​ന്‍റ​ൽ സി​സ്റ്റ (ടി.​എ.​ആ​ർ.​എ​സ്)​ത്തി​ൽ ഡ്രൈ​വ​ർ​മാ​രു​ടെ പ​ട്ടി​ക ത​യ്യാ​റാ​ക്ക​ൽ എ​ന്നി​വ ഉ​ൾ​പ്പെ​ടെ​യു​ള്ള പ്ര​വ​ർ​ത്ത​ന​ങ്ങ​ളെ​ല്ലാം ‘ത​കാ​മു​ൽ പെ​ർ​മി​റ്റ്​’ വ​ഴി നി​യ​മ​വി​ധേ​യ​മാ​ക്കും. ത​കാ​മു​ൽ പെ​ർ​മി​റ്റി​ന്​ അം​ഗീ​കാ​രം ല​ഭി​ക്കു​ന്ന​തി​ന്​ അം​ഗ​ങ്ങ​ളു​ടെ പ​ട്ടി​ക​യും അ​വ​രു​ടെ വാ​ണി​ജ്യ ​ലൈ​സ​ൻ​സും ക​മ്പ​നി​ക​ൾ പ​ങ്കു​വെ​ക്ക​ണം. ആ​ർ.​ടി.​എ വെ​ബ്​​സൈ​റ്റി​ലൂ​ടെ ഉ​പ​ഭോ​ക്​​താ​ക്ക​ൾ​ക്ക്​ പെ​ർ​മി​റ്റി​ന്​ അ​പേ​ക്ഷ സ​മ​ർ​പ്പി​ക്കാം.