ചിത്രമെടുക്കൂ, സമ്മാനം നേടൂ

ദുബൈ: ചിത്രങ്ങൾ പകർത്തി സമ്മാനം നേടാൻ ആർ.ടി.എ അവസരമൊരുക്കുന്നു. 45,000 ദിർഹമാണ്​ സമ്മാനത്തുക. ​ഫോ​ട്ടോഗ്രഫി ​പ്രഫഷനും ഹോബിയുമായവർക്ക്​ പ​ങ്കെടുക്കാം. സന്ദർശക വിസയിലെത്തിയവർക്കും താമസക്കാർക്കും പ​ങ്കെടുക്കാമെന്നതാണ്​ പ്രത്യേകത. ജൂൺ 27 മുതൽ മൂന്ന്​ ആഴ്​ച​ത്തേക്കാണ്​ മത്സരം​. ദുബൈയിലെ പൊതുഗതാഗം പ്രോത്സാഹിപ്പിക്കാൻ ലക്ഷ്യമിട്ടാണ്​ മത്സരം​.

ഹംദാൻ ബിൻ മുഹമ്മദ്​ ബിൻ റാശിദ്​ ആൽ മക്​തൂം ഇൻറർനാഷനൽ ഫോ​ട്ടോഗ്രഫി അവാർഡുമായി (എച്ച്​.ഐ.പി.എ) ചേർന്നാണ്​ ആർ.ടി.എ മത്സരം നടത്തുന്നത്​. ഏറ്റവും മികച്ച ഫോ​ട്ടോ​​ഗ്രാഫർക്ക്​ 10,000 ദിർഹം, രണ്ടാം സ്​ഥാനത്തിന്​ 7000 ദിർഹം, മൂന്നാം സ്​ഥാനത്തിന്​ 3000 ദിർഹം വീതമാണ്​ സമ്മാനം. ഇതിന്​ പുറമെ 25 വിജയികൾക്ക്​ 1000 ദിർഹം മൂല്യമുള്ള നോൾ കാർഡും നൽകും.

എങ്ങനെ പ​ങ്കെടുക്കാം

http://www.hipa.ae എന്ന വെബ്​സൈറ്റ്​ വഴി 27 മുതലാണ്​ ചിത്രങ്ങൾ സമർപ്പിക്കേണ്ടത്​. ഒരാൾ മൂന്ന്​ ചിത്രമെങ്കിലും നൽകണം. മൂന്ന്​ തീമുകളിലാണ്​ മത്സരം. മൂന്നെണ്ണത്തി​െൻറയും ഓരോ ചിത്രങ്ങൾ വീതമാണ്​ നൽകേണ്ടത്​. ആർട്ട്​ ആൻഡ്​ ആർക്കിടെക്​ചർ വിഭാഗത്തിൽ ദുബൈയിലെ പ്രധാന ലാൻഡ്‌മാർക്കുകൾ, അടിസ്​ഥാന സൗകര്യങ്ങൾ, സൈറ്റുകൾ, തെരുവ് ചിത്രങ്ങൾ തുടങ്ങിയവയാണ്​ ചിത്രീകരിക്കേണ്ടത്​. പബ്ലിക്​ ട്രാൻസ്​പോർട്ട്​ വിഭാഗത്തിൽ ദുബൈ മെട്രോ, ട്രാം, ടാക്​സി, ബസ്​, ജലഗതാഗതം എന്നിവ സമർപ്പിക്കണം.

ഇമാറാത്തി കൾചർ ആൻഡ്​ ലൈഫ്​ സ്​റ്റൈൽ വിഭാഗത്തിൽ പ്രധാന സ്​ഥലങ്ങൾ, പരിപാടികൾ, പ്രാദേശിക സംസ്​കാരം, രുചിഭേദങ്ങൾ എന്നിവയുടെ ചിത്രങ്ങൾ നൽകാം.