10 കോ​ടി ദി​ർ​ഹ​മി​ന്‍റെ നി​കു​തി വെ​ട്ടി​പ്പ്​: 15 പേ​ർ​ക്കെ​തി​രെ കേ​സ്​

ദു​ബൈ: 10.7 കോ​ടി ദി​ർ​ഹ​മി​ന്‍റെ നി​കു​തി വെ​ട്ടി​പ്പു​മാ​യി ബ​ന്ധ​പ്പെ​ട്ട കേ​സി​ൽ​ 15 പേ​രെ ക്രി​മി​ന​ൽ കോ​ട​തി​യി​ലേ​ക്ക്​ റ​ഫ​ർ ചെ​യ്ത്​ അ​റ്റോ​ർ​ണി ജ​ന​റ​ൽ. വ്യ​ത്യ​സ്ത രാ​ജ്യ​ങ്ങ​ളി​ലെ അ​റ​ബ്​ പൗ​ര​ന്മാ​രാ​ണ്​ പ്ര​തി​ക​ൾ. പ്ര​തി​ക​ളി​ൽ ചി​ല​ർ ക​സ്റ്റ​ഡി​യി​ലാ​ണ്. ചി​ല​ർ​ക്കെ​തി​രെ അ​റ​സ്റ്റു വാ​റ​ന്റു​ണ്ട്. അ​റ്റോ​ർ​ണി ജ​ന​റ​ൽ ഡോ. ​ഹ​മ​ദ്​ സെ​യ്​​ഫ്​ അ​ൽ ശം​സി​യാ​ണ്​ ഉ​ത്ത​ര​വി​ട്ട​ത്. വ്യാ​ജ​രേ​ഖ ച​മ​ക്ക​ൽ, ക​ള്ള​പ്പ​ണം വെ​ളു​പ്പി​ക്ക​ൽ, നി​കു​തി​വെ​ട്ടി​പ്പ് തു​ട​ങ്ങി​യ കു​റ്റ​ങ്ങ​ൾ ചു​മ​ത്ത​പ്പെ​ട്ട 12 ക​മ്പ​നി​ക​ളും കു​റ്റ​പ​ത്ര​ത്തി​ലു​ണ്ട്. അ​റ്റോ​ണി ജ​ന​റ​ലി​ന്‍റെ മേ​ൽ​നോ​ട്ട​ത്തി​ൽ നി​കു​തി വെ​ട്ടി​പ്പു​ക​ൾ ക​ണ്ടെ​ത്താ​നു​ള്ള​ ഫെ​ഡ​റ​ൽ പ്രോ​സി​ക്യൂ​ഷ​ൻ ന​ട​ത്തി​യ അ​ന്വേ​ഷ​ണ​ത്തി​ലാ​ണ്​ ത​ട്ടി​പ്പ്​ പു​റ​ത്താ​യ​ത്​.

നി​കു​തി വെ​ട്ടി​പ്പ്​ ന​ട​ത്താ​ൻ ക്രി​മി​ന​ൽ സം​ഘ​ത്തി​ന്​ പ്ര​തി​ക​ൾ രൂ​പം ന​ൽ​കി​യി​രു​ന്നു. കൂ​ടാ​തെ സാ​മ്പ​ത്തി​ക മ​ന്ത്രാ​ല​യം, ചേം​ബ​ർ ഓ​ഫ്​ കൊ​മേ​ഴ്​​സ്, ക​സ്റ്റം​സ്​ അ​തോ​റി​റ്റി​ക​ൾ, മ​റ്റ്​ സ​ർ​ക്കാ​ർ സ്ഥാ​പ​ന​ങ്ങ​ൾ എ​ന്നി​വ​യു​ടെ ഔ​ദ്യോ​ഗി​ക രേ​ഖ​ക​ൾ വ്യാ​ജ​മാ​യി നി​ർ​മി​ക്കു​ക​യും ചെ​യ്തു. ഈ ​രേ​ഖ​ക​ൾ ഉ​പ​യോ​ഗി​ച്ച്​ മൂ​ല്യ വ​ർ​ധി​ത നി​കു​തി (വാ​റ്റ്) നി​യ​മ​വി​രു​ദ്ധ​മാ​യി റീ​ഫ​ണ്ടി​നാ​യി ക്ലെ​യിം ചെ​യ്യു​ക​യാ​യി​രു​ന്നു. ക​ട​ലാ​സ്​ ക​മ്പ​നി​ക​ളെ ഉ​പ​യോ​ഗി​ച്ച്​ സാ​ധ​ന​ങ്ങ​ൾ വാ​ങ്ങി​ച്ച​താ​യി രേ​ഖ​ക​ൾ ഉ​ണ്ടാ​ക്കു​ക​യും ഈ ​സാ​ധ​ന​ങ്ങ​ൾ വി​ദേ​ശ​ത്തേ​ക്ക്​ ക​യ​റ്റു​മ​തി ചെ​യ്ത​താ​യും അ​വ​കാ​ശ​പ്പെ​ടു​ക​യും ചെ​യ്തു. തു​ട​ർ​ന്നാ​ണ്​ പ​ർ​ച്ചേ​സ്​ ചെ​യ്ത സാ​ധ​ന​ങ്ങ​ളു​ടെ വാ​റ്റ്​ നി​കു​തി ക്ലെ​യിം ചെ​യ്യു​ന്ന​ത്. ഫെ​ഡ​റ​ൽ ടാ​ക്‌​സ് അ​തോ​റി​റ്റി​ക്ക് അ​ട​ക്കേ​ണ്ട ഇ​റ​ക്കു​മ​തി​യു​ടെ വാ​റ്റ് തു​ക​യും പ്ര​തി​ക​ൾ ദു​രു​പ​യോ​ഗം ചെ​യ്ത​താ​യും അ​ന്വേ​ഷ​ണ​ത്തി​ൽ ക​ണ്ടെ​ത്തി.