തുല്ല്യതാ സർട്ടിഫിക്കറ്റ്​ പ്രശ്​നം പരിഹരിച്ചില്ല;  ഇന്ത്യൻ അധ്യാപകർക്ക്​ ജോലി പോയേക്കും 

ദുബൈ: ഇന്ത്യയിലെ സർവകലാശാലകളിൽ നിന്ന്​ പ്രൈവറ്റ്​ രജിസ്​ട്രേഷൻ, വിദൂര വിദ്യാഭ്യാസം തുടങ്ങിയ രീതികളിലൂടെ പഠനം പൂർത്തിയാക്കിയ യു.എ.ഇയിലെ അധ്യാപകർക്ക്​ തുല്ല്യതാ സർട്ടിഫിക്കറ്റ്​ ലഭിക്കാത്ത പ്രശ്​നത്തിന്​ പരിഹാരമായില്ല. ഇൗ സർട്ടിഫിക്കറ്റ്​ നൽകാത്തവർക്ക്​ ജോലി നഷ്​ടമാകുമെന്ന്​ കഴിഞ്ഞ വർഷം അവസാനത്തോടെ യു.എ.ഇ. വിദ്യാഭ്യാസ മന്ത്രാലയം മുന്നറിയിപ്പ്​ നൽകിയിരുന്നു. യു.എ.ഇയിലെ നിയമമനുസരിച്ച്​ അധ്യാപക ജോലി കിട്ടണമെങ്കിൽ യു.എ.ഇ വിദ്യാഭ്യാസ വകുപ്പിൽ നിന്ന്​ തുല്യതാ സർട്ടിഫിക്കറ്റ്​ നേടിയിരിക്കണം. ഇത്​ കിട്ടണമെങ്കിൽ എല്ലാ യോഗ്യതകളും ശരിയാണെന്ന്​ തെളിയിക്കുന്ന സാക്ഷ്യപത്രം അതത്​ അപേക്ഷകരുടെ രാജ്യത്തി​​​െൻറ നയതന്ത്രകാര്യാലയം നൽകണം. കോൺസലേറ്റ്​ വഴി അപേക്ഷക​​​െൻറ സർട്ടിഫിക്കറ്റുകൾ അതത്​ സർവകലാശാലക്ക്​ അയച്ചുകൊടുക്കുകയാണ്​ ആദ്യപടി. ഇൗ സർട്ടിഫിക്കറ്റുകൾ ശരിയാണോ എന്ന്​ പരിശോധിച്ച്​ റിപ്പോർട്ട്​ സഹിതം സർവകലാശാലകൾ തിരിച്ച്​ അയക്കും. ഒപ്പം രേഖകൾ ശരിയാണെന്ന്​ തെളിയിക്കുന്ന കത്ത്​ അപേക്ഷകനും നൽകും. ഇൗ കത്തി​​​െൻറ അടിസ്​ഥാനത്തിലാണ്​ യു.എ.ഇ വിദ്യാഭ്യാസ വകുപ്പ്​ തുല്ല്യതാ സർട്ടിഫിക്കറ്റ്​ നൽകുന്നത്​. എന്നാൽ ഇൗ സർട്ടിഫിക്കറ്റിൽ പഠന രീതി എന്ത്​ എന്ന ചോദ്യത്തിന്​ സർവകലാശാലയിൽ നിന്ന്​ പ്രൈവറ്റ്​ എന്നാണ്​ എഴുതിയിരിക്കുന്നതെങ്കിൽ തുല്ല്യതാ സർട്ടിഫിക്കറ്റ്​ നിരസിക്കപ്പെടും. ഇൗ കെണിയിലാണ്​ നൂറുകണക്കിന്​ അധ്യാപകർ അകപ്പെട്ടിരിക്കുന്നത്​. 

അധ്യാപകർ നടത്തിയ നിരന്തരശ്രമങ്ങൾക്കൊടുവിൽ അധ്യാപകർക്ക്​ അനുകൂലമായി സർട്ടിഫിക്കറ്റ്​ നൽകാൻ കാലിക്കറ്റ്​ സർവകലാശാലയടക്കം തീരുമാനിച്ചിരുന്നു. എന്നാൽ ഏത്​ സ്​ഥാപനത്തിലാണ്​ പഠിച്ചത്​ എന്നത്​ സംബന്ധിച്ച്​ സ്വയം തയാറാക്കുന്ന സത്യവാങ്​മൂലം ഇന്ത്യൻ എംബസിയുടെ അംഗീകാരത്തോടെ നൽകിയാൽ മാത്ര​ം സർട്ടിഫിക്കറ്റ്​ നൽകിയാൽ മതിയെന്നാണ്​ നിർദേശിച്ചത്​. ഇതനുസരിച്ച്​ എംബസിയെ സമീപിച്ച അധ്യാപകർക്ക്​ മുന്നിൽ കൈമലർത്തുകയാണ്​ അധികൃതർ. സത്യവാങ്​മൂലത്തിലെ വിവരങ്ങൾ സത്യമാണോയെന്ന്​ പരിശോധിക്കാൻ സംവിധാനമില്ലെന്നാണ്​ അവരുടെ നിലപാട്​. ഇതോടെ നൂറുകണക്കിന്​ അധ്യാപകരുടെ ഭാവി തുലാസിലായി. നിലവിൽ ആർക്കും തുല്ല്യതാ സർട്ടിഫിക്കറ്റ്​ ഹാജരാക്കാൻ കളിഞ്ഞിട്ടില്ല. അടുത്ത സെപ്​റ്റംബറിനകം സർട്ടിഫിക്കറ്റ്​ ഹാജരാക്കാനായില്ലെങ്കിൽ പിരിഞ്ഞുപോകണമെന്ന്​ ആവ​ശ്യപ്പെട്ട്​ വിവിധ സ്​കൂളുകളിലെ 400 ഒാളമ അധ്യാപകർക്ക്​ അന്തിമ നോട്ടീസ്​ ലഭിച്ചുകഴിഞ്ഞു. പ്രശ്​നം പരിഹരിക്കണ​െമന്നാവശ്യപ്പെട്ട്​ കേന്ദ്ര-സംസ്​ഥാന മന്ത്രിമാർ, ഗവർണ്ണർ, മനുഷ്യാവകാശ കമ്മീഷൻ തുടങ്ങിയവർക്കൊക്കെ നിവേദനം നൽകിയിട്ടുണ്ടെങ്കിലും നടപടിയുണ്ടായിട്ടില്ല.

പ്രൈവറ്റ്​ കോളജുകളിൽ വർഷങ്ങളോളം പഠിച്ച്​ റഗുലർ വിദ്യാർത്ഥികൾക്കൊപ്പം പരീക്ഷയെഴുതി പാസായവർക്കുപോലും തുല്ല്യതാ സർട്ടിഫിക്കറ്റ്​ ലഭിക്കുന്നില്ല​. യു.ജി.സിയുടെ മാർഗനിർദേശമനുസരിച്ച്​ റഗുലർ വിദ്യാഭ്യാസം, വിദൂര വിദ്യാഭ്യാസം എന്നിങ്ങനെ മാത്രമാണ്​ തരം തിരിവുള്ളത്​. എന്നാൽ പ്രൈവറ്റ്​ കോളജുകളിൽ പഠിച്ചിറങ്ങുന്നവർക്ക്​ സർവകലാശാലകൾ നൽകുന്ന സ്​ഥിരീകരണ സർട്ടിഫിക്കറ്റിൽ ​ൈപ്രവറ്റ്​ എന്ന്​ രേഖപ്പെടുത്തുകയാണ്​ പതിവ്​. ഇതിന്​ യു.എ.ഇയിൽ അംഗീകാരമില്ല​. മാർക്ക്​ ലിസ്​റ്റിൽ രേഖപ്പെടുത്തിയ ഇ​​േൻറണൽ, എക്​സ്​റ്റേണൽ മാർക്കുകൾ തമ്മിലെ വേർതിരിവും വിനയാകുന്നുണ്ട്​. ഇ​േൻറണൽ മാർക്ക്​ എന്താണെന്ന്​ യു.എ.ഇ. വിദ്യാഭ്യാസ മന്ത്രാലയത്തെ ധരിപ്പിക്കാൻ സർവകലാശാലകൾക്ക്​ കഴിഞ്ഞിട്ടില്ല. അതുകൊണ്ട്​ തന്നെ ഇ​േൻറണൽ മാർക്ക്​ മിക്കയിടങ്ങളിലും പരിഗണിക്കപ്പെടുന്നുമില്ല. ഇത്​ ബോധ്യപ്പെടുത്തേണ്ട ചുമതലും എംബസിക്കുണ്ട്​.