ജോലിക്കിടെ അപകടം; തലശ്ശേരി സ്വദേശി ദുബൈയിൽ മരിച്ചു

ദുബൈ: ജോലിക്കിടെ ഉണ്ടായ അപകടത്തിൽ തലശ്ശേരി സ്വദേശി മരിച്ചു. ദുബൈയിലെ സ്വകാര്യ കമ്പനിയിൽ ലിഫ്റ്റ് ടെക്നീഷ്യനായി ജോലി ചെയ്യുന്ന തലശ്ശേരി കോടിയേരി സ്വദേശി റഷിത്ത് കാട്ടിൽ മുല്ലോളി (29)യാണ്​ മരിച്ചത്​. ജബൽ അലിയിൽ ലിഫ്റ്റുകൾ അസംബിൾ ചെയ്യുന്നതിനിടെയായിരുന്നു അപകടം.

കോടിയേരി മുല്ലോളി രവീന്ദ്ര​​​െൻറയും ശ്യാമളയുടെയും മകനാണ്. സഹോദരങ്ങൾ: റനീഷ്, റന്യ. മൃതദേഹം നടപടിക്രമങ്ങൾ പൂർത്തിയാക്കി സ്വദേശത്തേക്ക് കൊണ്ടുപോകും.