ചൂടിൽനിന്ന്​ രക്ഷക്ക്​ പള്ളികളിൽ സൺഷേഡ്​ സ്ഥാപിച്ച്​ മതകാര്യ വകുപ്പ്​

ദുബൈ: തിളച്ചുമറിയുന്ന ചൂടിൽനിന്ന്​ വിശ്വാസികൾക്ക്​ സംരക്ഷണമൊരുക്കാൻ പള്ളിമുറ്റങ്ങളിൽ സൺഷേഡ്​ ഒരുക്കി മതകാര്യ വകുപ്പ്​. ആദ്യഘട്ടമായി 18 പള്ളികളിലാണ്​ ഇസ്​ലാമിക്​ അഫയേഴ്​സ്​ ആൻഡ്​ ചാരിറ്റബി​ൾ ആക്​ടിവിറ്റീസ്​ ഡിപ്പാർട്ട്​മെൻറി​െൻറ നേതൃത്വത്തിൽ​ ഷേഡുകൾ സ്​ഥാപിച്ചത്​.

രാജ്യത്തെ താപനില 50 ഡിഗ്രി സെൽഷ്യസ്​ കവിഞ്ഞ പശ്ചാത്തലത്തിൽ നിർജലീകരണത്തിൽനിന്ന്​ വിശ്വാസികളെ സംരക്ഷിക്കാനാണ്​ നടപടിയെന്ന്​ അധികൃതർ വ്യക്​തമാക്കി. സഹായമനസ്​കരുടെ സ്​പോൺസർഷിപ്പിലാണ്​ ഇവ സ്​ഥാപിക്കുന്നത്​. 10​ ലക്ഷം ദിർഹം ലഭിച്ചിട്ടുണ്ട്​.

കോവിഡ്​ നിയന്ത്രണങ്ങൾമൂലം പള്ളികളുടെ ഉള്ളിൽ പരിമിത വി​ശ്വാസികൾക്ക്​ മാത്രമാണ്​ പ്രവേശനം. വെള്ളിയാഴ്​ചകളിൽ ഭൂരിപക്ഷം വിശ്വാസികളും പള്ളിമുറ്റങ്ങളിലാണ്​ നമസ്​കരിക്കുന്നത്​. ഈ സാഹചര്യത്തിലാണ്​ ഷേ​ഡുകൾ സ്​ഥാപിക്കുന്നത്​. കനത്ത ചൂട്​ അടിച്ചാൽ സൂര്യാതപവും നിർജലീകരണവും ഉണ്ടാകാൻ സാധ്യതയുണ്ട്​. ഈ സാഹചര്യത്തിൽ തൊഴിലാളികൾക്ക്​ ഉച്ചവിശ്രമ സമയം പ്രഖ്യാപിച്ചിട്ടുണ്ട്​.

എന്നാൽ, വെള്ളിയാഴ്​ചകളിൽ നട്ടുച്ചക്കാണ്​ വിശ്വാസികൾ പൊരിവെയിലിൽ നമസ്​കരിക്കുന്നത്​്. നിലവിൽ പല പള്ളികളുടെയും മുറ്റങ്ങളിൽ സൺഷേഡുണ്ട്​. എന്നാൽ, ഇതുംകവിഞ്ഞ്​ ഭൂരിപക്ഷവും പുറത്താണ്​ നമസ്​കരിക്കുന്നത്​.