ദുബൈ മെട്രോ ഓടും ഇടതടവില്ലാതെ

ദു​ബൈ: ആ​ഘോ​ഷ​ങ്ങ​ൾ അ​വ​സാ​നി​ക്കാ​ത്ത ദു​ബൈ ന​ഗ​ര​ത്തി​ൽ പു​തു​വ​ത്സ​രാ​ഘോ​ഷം പ്ര​മാ​ണി​ച്ച് ദു​ബൈ മെ​ട്രോ വി​ശ്ര​മ​മി​ല്ലാ​ത്ത സ​ർ​വി​സി​നൊ​രു​ങ്ങു​ന്നു. പു​തു​വ​ത്സ​ര ത​ലേ​ന്ന് ആ​രം​ഭി​ക്കു​ന്ന സ​ർ​വി​സ് ജ​നു​വ​രി ര​ണ്ടു വ​രെ ഇ​ട​ത​ട​വി​ല്ലാ​തെ തു​ട​രാ​നാ​ണ് തീ​രു​മാ​നം. വി​ദേ​ശി​ക​ൾ​ക്കും താ​മ​സ​ക്കാ​ർ​ക്കും ഇ​ഷ്​​ടാ​നു​സ​ര​ണം സ​ഞ്ച​രി​ക്കാ​നും ആ​ഘോ​ഷ​ങ്ങ​ളി​ൽ പ​ങ്കാ​ളി​ക​ളാ​വാ​നു​മു​ള്ള അ​വ​സ​ര​മൊ​രു​ക്കു​ക​യാ​ണ് ല​ക്ഷ്യം.

ദു​ബൈ മെ​ട്രോ​യു​ടെ റെ​ഡ് ലൈ​നി​ൽ ഡി​സം​ബ​ർ 31 വ്യാ​ഴാ​ഴ്ച പു​ല​ർ​ച്ച അ​ഞ്ചു മ​ണി മു​ത​ൽ സ​ർ​വി​സ് തു​ട​ങ്ങും. ഓ​രോ ര​ണ്ടു മി​നി​റ്റി​ലും സ​ർ​വി​സ് തു​ട​രും. പു​തു​വ​ത്സ​രാ​ഘോ​ഷ​വും ക​ഴി​ഞ്ഞ് ജ​നു​വ​രി 2 ശ​നി​യാ​ഴ്ച രാ​ത്രി ഒ​ന്ന്​ വ​രെ​യാ​യി​രി​ക്കും ഇൗ ​ലൈ​നി​ലെ മെ​ട്രോ സേ​വ​നം. ഗ്രീ​ൻ ലൈ​നി​ലും ഡി​സം​ബ​ർ 31 വ്യാ​ഴാ​ഴ്ച പു​ല​ർ​ച്ച 5.30ന് ​തു​ട​ങ്ങി ജ​നു​വ​രി 2 ശ​നി​യാ​ഴ്ച മു​ത​ൽ ഒ​രു മ​ണി വ​രെ സ​ർ​വി​സ് തു​ട​രും.

പൊ​തു​ഗ​താ​ഗ​ത സം​വി​ധാ​ന​ത്തി​നാ​യി ബു​ർ​ജ് ഖ​ലീ​ഫ​ക്ക്​ ചു​റ്റു​മു​ള്ള കേ​ന്ദ്ര​ങ്ങ​ളി​ൽ ആ​ർ.‌​ടി‌.​എ​യി​ലെ ഏ​കീ​കൃ​ത നി​യ​ന്ത്ര​ണ കേ​ന്ദ്ര​വും ദു​ബൈ ഇ​ൻ​റ​ലി​ജ​ൻ​റ് ട്രാ​ഫി​ക് സി​സ്​​റ്റം​സ് സെൻറ​റും സ​ജ്ജ​മാ​ണെ​ന്ന് ആ​ർ‌.​ടി‌.​എ ഡ​യ​റ​ക്ട​ർ ജ​ന​റ​ൽ മ​ത്താ​ർ അ​ൽ താ​യ​ർ പ​റ​ഞ്ഞു. ട്രാ​ഫി​ക് കാ​ര്യ​ക്ഷ​മ​ത ഉ​റ​പ്പു​വ​രു​ത്തും. അ​പ​ക​ട​ങ്ങ​ളോ​ട് പെ​ട്ടെ​ന്ന് പ്ര​തി​ക​രി​ക്കു​ന്ന പ്ര​ത്യേ​ക സം​ഘ​ങ്ങ​ളു​ടെ എ​ണ്ണ​വും വ​ർ​ധി​പ്പി​ക്കും.