ചൂ​ട്​ കൂ​ടു​ന്നു; വാ​ഹ​ന​ങ്ങ​ൾ​ക്ക്​ വേ​ണം പ​രി​ച​ര​ണ​വും പ​രി​ശോ​ധ​ന​യും

ദു​ബൈ: രാ​ജ്യ​ത്ത്​ ചൂ​ട്​ ക​ന​ക്കു​ക​യാ​ണ്. പ​ല​യി​ട​ത്തും 50 ഡി​ഗ്രി​ക്ക്​ മു​ക​ളി​ലാ​ണ്​ ചൂ​ട്. ഈ ​സാ​ഹ​ച​ര്യ​ത്തി​ൽ ദീ​ർ​ഘ നേ​രം കാ​റു​ക​ൾ പാ​ർ​ക്ക്​ ചെ​യ്ത്​ പോ​കു​ന്ന​​ത്​ അ​പ​ക​ട​ത്തി​നി​ട​യാ​ക്കു​മെ​ന്നാ​ണ്​​​ ആ​ഭ്യ​ന്ത​ര മ​ന്ത്രാ​ല​യം ഡ്രൈ​വ​ർ​മാ​ർ​ക്ക് ന​ൽ​കു​ന്ന​ മു​ന്ന​റി​യി​പ്പ്.

ചു​ട്ടു​പൊ​ള്ളു​ന്ന വേ​ന​ൽ കാ​റി​നും ഡ്രൈ​വ​ർ​ക്കും ഒ​രു​പോ​ലെ അ​പ​ക​ടം വ​രു​ത്താ​ൻ സാ​ധ്യ​ത​യേ​റെ​യാ​ണ്. ‘അ​പ​ക​ട​ര​ഹി​ത​മാ​യ വേ​ന​ൽ’ കാ​മ്പ​യി​നി​ന്‍റെ ഭാ​ഗ​മാ​യാ​ണ്​ മു​ന്ന​റി​യി​പ്പ്.

കാ​റി​ന്​ തീ​പി​ടി​ക്കു​ന്ന​ത്​ സം​ബ​ന്ധി​ച്ചും ചൂ​ടു​മാ​യി ബ​ന്ധ​പ്പെ​ട്ടു​ള്ള മ​റ്റ്​ വാ​ഹ​നാ​പ​ക​ട​ങ്ങ​ളെ​ക്കു​റി​ച്ചും പൊ​ലീ​സ് ബോ​ധ​വ​ത്​​ക​ര​ണ​വു​മാ​യി രം​ഗ​ത്തു​ണ്ട്.

മു​ന്ന​റി​യിപ്പുകളുമായി ആഭ്യന്തര മന്ത്രാലയം

3 കാ​ര്യ​ങ്ങ​ൾ ശ്ര​ദ്ധി​ക്കാം

1.കു​ട്ടി​ക​ളെ ഒ​രു​കാ​ര​ണ​വ​ശാ​ലും കാ​റി​ലി​രു​ത്തി പു​റ​ത്തു​പോ​ക​രു​ത്​
2.വാ​ഹ​ന​ങ്ങ​ൾ ഓ​ഫ്​ ചെ​യ്യാ​തെ ദീ​ർ​ഘ നേ​ര​ത്തേ​ക്ക്​ പാ​ർ​ക്ക്​ ചെ​യ്യാ​തി​രി​ക്കു​ക
3.കാ​റി​ന​ക​ത്ത്​ തീ​പി​ടി​ക്കാ​ൻ സാ​ധ്യ​ത​യു​ള്ള വ​സ്തു​ക്ക​ൾ സൂ​ക്ഷി​ക്ക​രു​ത്

തീ​പി​ടി​ക്കാ​ൻ സാ​ധ്യ​ത​യു​ള്ള വ​സ്തു​ക്ക​ൾ

പെ​ർ​ഫ്യൂ​മു​ക​ൾ

ഡി​യോ​ഡ​റ​ന്‍റു​ക​ൾ

ക്ലീ​നി​ങ്​ സ്​​പ്രേ​ക​ൾ

ലൈ​റ്റ​റു​ക​ൾ

ഇ​ന്ധ​നം നി​റ​ക്കു​മ്പോ​ൾ വാ​ഹ​നം ഓ​ഫ്​ ചെ​യ്യു​ക

പെ​​ട്രോ​ൾ പ​റ​മ്പു​ക​ളി​ൽ നി​ന്ന്​ ഇ​ന്ധ​നം നി​റ​ക്കു​മ്പോ​ൾ വാ​ഹ​നം ഓ​ഫ്​ ചെ​യ്യാ​ൻ മ​റ​ക്ക​രു​ത്. ഇ​ന്ധ​നം നി​റ​ക്കു​മ്പോ​ൾ ഉ​ണ്ടാ​കു​ന്ന ഗ്യാ​സ്​ ഇ​ഗ്നി​ഷ​ൻ പോ​യ​ന്‍റി​ൽ നി​ന്നും മ​റ്റു​മു​ള്ള വൈ​ദ്യു​തി ത​രം​ഗ​ങ്ങ​ളു​മാ​യി ചേ​ർ​ന്നാ​ൽ തീ​പി​ടി​ക്കാ​ൻ സാ​ധ്യ​ത​യേ​റെ​യാ​ണ്. കൂ​ടാ​തെ പ​മ്പു​ക​ളി​ൽ വെ​ച്ച്​ പു​ക​വ​ലി​യും പാ​ടി​ല്ല. യു.​എ.​ഇ നി​യ​മ​പ്ര​കാ​രം ഇ​ത്​ ശി​ക്ഷാ​ർ​ഹ​വു​മാ​ണ്.

എ​ൻ​ജി​ൻ ഓ​യി​ൽ, കൂ​ള​ന്‍റ്​ പ​രി​ശോ​ധി​ക്ക​ണം

എ​ൻ​ജി​ൻ ഡാ​ഷ്‌​ബോ​ർ​ഡി​ൽ വാ​ഹ​ന​ത്തി​ന്‍റെ ഓ​യി​ൽ, കൂ​ള​ന്‍റ്​ എ​ന്നി​വ പ​ര്യാ​പ്ത​മാ​യ അ​ള​വി​ലാ​ണോ എ​ന്ന് പ​രി​ശോ​ധി​ക്കാ​ൻ സം​വി​ധാ​നം ഉ​ൾ​പ്പെ​ടു​ത്തി​യി​ട്ടു​ണ്ടെ​ങ്കി​ലും ബോ​ണ​റ്റ്​ തു​റ​ന്ന്​ സ്വ​യം പ​രി​ശോ​ധി​ക്കു​ന്ന​ത്​ ഉ​ചി​ത​മാ​യി​രി​ക്കും.

എ​ൻ​ജി​ന്‍റെ പ്ര​വ​ർ​ത്ത​നം സു​ഗ​മ​മാ​ക്കു​ന്ന​തി​ൽ എ​ൻ​ജി​ൻ ഓ​യി​ലു​ക​ളു​ടെ പ​ങ്ക്​ നി​ർ​ണാ​യ​ക​മാ​ണ്. ഓ​യി​ൽ കു​റ​ഞ്ഞാ​ൽ എ​ൻ​ജി​ൻ പ​ണി​മു​ട​ക്കു​ക​യും വാ​ഹ​നം വ​ഴി​യി​ൽ കു​ടു​ങ്ങു​ക​യും ചെ​യ്യും. മാ​ത്ര​മ​ല്ല, ഭീ​മ​മാ​യ വ​ർ​ക്​​ഷോ​പ്​ ബി​ല്ല്​ ഒ​ഴി​വാ​ക്കു​ന്ന​തി​നും സ​ഹാ​യി​ക്കും. അ​തോ​ടൊ​പ്പം പ്ര​ധാ​ന​പ്പെ​ട്ട​താ​ണ്​ കൂ​ള​ന്‍റ്. വാ​ഹ​ന​ത്തി​ന്‍റെ എ​ൻ​ജി​ൻ അ​മി​ത​മാ​യി ചൂ​ടാ​കു​ന്ന​തി​ൽ നി​ന്ന്​ നി​യ​ന്ത്രി​ക്കു​ന്ന​തി​ന്​ സ​ഹാ​യി​ക്കു​ന്ന​താ​ണ്​ കൂ​ള​ന്‍റ്.

അ​ഗ്നി​ശ​മ​ന ഉ​പ​ക​ര​ണ​ത്തി​ന്‍റെ പ്ര​വ​ർ​ത്ത​നം ഉ​റ​പ്പു​വ​രു​ത്തു​ക

വാ​ഹ​ന​ത്തി​ന​ക​ത്ത്​ അ​ഗ്നി​ശ​മ​ന ഉ​പ​ക​ര​ണം നി​ർ​ബ​ന്ധ​മാ​യും സൂ​ക്ഷി​ക്ക​ണ​മെ​ന്നാ​ണ്​ യു.​എ.​ഇ​യി​ലെ നി​യ​മം. അ​ടി​യ​ന്ത​ര ഘ​ട്ട​ങ്ങ​ളി​ൽ അ​ഗ്നി​ശ​മ​ന ഉ​പ​ക​ര​ണം കൃ​ത്യ​മാ​യി ഉ​പ​യോ​ഗി​ക്കാ​നും അ​റി​ഞ്ഞി​രി​ക്ക​ണം.

ട​യ​റു​ക​ളി​ൽ മ​തി​യാ​യ കാ​റ്റ്​ ഉ​റ​പ്പാ​ക്ക​ണം

വാ​ഹ​ന​ത്തി​ന്‍റെ ട​യ​റു​ക​ളി​ൽ മ​തി​യാ​യ കാ​റ്റ്​ നി​റ​ച്ചി​ല്ലെ​ങ്കി​ൽ സ​മ്മ​ർ​ദം കൂ​ടു​ക​യും ഓ​ടി​ക്കൊ​ണ്ടി​രി​ക്കെ പൊ​ട്ടി​ത്തെ​റി​ക്കു​ക​യും ചെ​യ്യും. യു.​എ.​ഇ​യി​ലെ എ​ല്ലാ പെ​ട്രോ​ൾ പ​മ്പു​ക​ളി​ലും കാ​റ്റ്​ നി​റ​ക്കാ​നു​ള്ള സൗ​ക​ര്യ​മു​ണ്ടെ​ന്ന്​ ഓ​ർ​ക്കു​ക.

അ​തോ​ടൊ​പ്പം അം​ഗീ​കൃ​ത ഏ​ജ​ൻ​സി​ക​ളി​ൽ നി​ന്ന്​ മാ​ത്രം ട​യ​റു​ക​ൾ വാ​ങ്ങാ​ൻ ശ്ര​ദ്ധി​ക്ക​ണം. നാ​ല്​ ട​യ​റു​ക​ളും ഒ​രു​മി​ച്ച്​ മാ​റ്റാ​ൻ ശ്ര​മി​ക്ക​ണം. ഓ​രോ വാ​ഹ​ന​ത്തി​ന്‍റെ​യും ശേ​ഷി അ​നു​സ​രി​ച്ച്​ ട​യ​റു​ക​ളു​ടെ അ​ലൈ​ൻ​മെ​ന്‍റ്​ കൃ​ത്യ​മാ​യ ഇ​ട​വേ​ള​ക​ളി​ൽ പ​രി​ശോ​ധി​ക്ക​ണം.