ചു​രു​ളി​യി​ലെ ഭാ​ഷ സ​മൂ​ഹ​ത്തി​ന്​ ദോ​ഷ​മാ​യി​ട്ടി​ല്ല -വി​നോ​യ് തോ​മ​സ്

ഷാ​ർ​ജ: ചു​രു​ളി എ​ന്ന സി​നി​മ​യി​ലെ ഭാ​ഷ​മൂ​ലം സ​മൂ​ഹ​ത്തി​ന് ഒ​രു ദോ​ഷ​വും സം​ഭ​വി​ച്ചി​ട്ടി​ല്ലെ​ന്ന് സി​നി​മ​ക്ക് ആ​ധാ​ര​മാ​യ ‘ക​ളി​ഗെ​മി​നാ​റി​ലെ കു​റ്റ​വാ​ളി​ക​ൾ’ എ​ന്ന ക​ഥ​യു​ടെ എ​ഴു​ത്തു​കാ​ര​ൻ വി​നോ​യ് തോ​മ​സ് പ​റ​ഞ്ഞു. എ​ന്നാ​ൽ, ന​ല്ല​ത് എ​ന്ന വി​ശേ​ഷ​ണ​ത്തി​ൽ പു​റ​ത്തി​റ​ങ്ങു​ന്ന സി​നി​മ​ക​ളും സാ​ഹി​ത്യ കൃ​തി​ക​ളും സ​മൂ​ഹ​ത്തി​ന് ദോ​ഷ​മു​ണ്ടാ​ക്കു​ന്ന​വ​യാ​ണെ​ന്നും അ​ദ്ദേ​ഹം പ​റ​ഞ്ഞു.

ഷാ​ർ​ജ രാ​ജ്യാ​ന്ത​ര പു​സ്ത​ക​മേ​ള​യി​ൽ ത​ന്‍റെ ഏ​റ്റ​വും പു​തി​യ പു​സ്ത​ക​മാ​യ ‘പ്രോ​ത്താ​സീ​സി​ന്‍റെ ഇ​തി​ഹാ​സം’ എ​ന്ന കൃ​തി​യെ ആ​ധാ​ര​മാ​ക്കി ന​ട​ന്ന സം​വാ​ദ​ത്തി​ൽ സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം. കു​ട്ടി​ക​ളു​ടെ പാ​ഠ​പു​സ്ത​ക​ങ്ങ​ൾ കാ​ല​ഹ​ര​ണ​പ്പെ​ട്ടു.

ഇ​ന്ന​ത്തെ കാ​ല​ഘ​ട്ട​ത്തി​ലെ കു​ട്ടി​ക​ളെ പാ​ഠ്യ​ക്ര​മം അ​ഭി​മു​ഖീ​ക​രി​ക്കു​ന്നി​ല്ല. മ​ല​യാ​ളം അ​ധ്യാ​പ​ക​ർ പ​ല​പ്പോ​ഴും കോ​മ​ഡി​യാ​ണ് ക്ലാ​സി​ൽ ചെ​യ്യു​ന്ന​തെ​ന്ന് അ​ദ്ദേ​ഹം വി​മ​ർ​ശി​ച്ചു. മ​ല​യാ​ള ഭാ​ഷ​യെ ഇ​പ്പോ​ൾ സം​ര​ക്ഷി​ക്കു​ന്ന​ത് പ്രാ​ദേ​ശി​ക ഭാ​ഷാ ഭേ​ദ​ത്തി​ൽ എ​ഴു​തു​ന്ന ക​ട​ക​ളു​ടെ ബോ​ർ​ഡു​ക​ളാ​ണ്.

ജീ​വി​ക്കു​ന്ന മ​ല​യാ​ളം ഇ​താ​ണെ​ന്നും അ​ദ്ദേ​ഹം നി​രീ​ക്ഷി​ച്ചു. എ​ഴു​ത്തു​കാ​ര​ൻ എ​ന്ന​ത് എ​ഴു​തു​മ്പോ​ൾ മാ​ത്ര​മു​ള്ള അ​വ​സ്ഥ​യാ​ണ്, മ​റ്റു സ​മ​യ​ങ്ങ​ളി​ൽ എ​ഴു​ത്തു​കാ​ര​ൻ എ​ന്ന ലേ​ബ​ലി​ന് പ്ര​സ​ക്തി​യി​ല്ല. ചെ​റു​പ്രാ​യ​ത്തി​ൽ​ത​ന്നെ പ്ര​തി​ഭ​യാ​ണെ​ന്ന് വി​ശേ​ഷി​പ്പി​ച്ച് അം​ഗീ​ക​രി​ക്കു​ന്ന​ത് എ​ഴു​ത്തു​കാ​രോ​ട് ചെ​യ്യു​ന്ന ദ്രോ​ഹ​മാ​ണ്. ത​ന്‍റെ പു​തി​യ നോ​വ​ൽ ആ​കാ​ശ വി​സ്മ​യം അ​ടു​ത്ത വ​ർ​ഷം മാ​ർ​ച്ച് മാ​സ​ത്തോ​ടെ പ്ര​സി​ദ്ധീ​ക​രി​ക്കും.