യു.എ.ഇയിൽ ഈ വർഷത്തെ ഏറ്റവും കുറവ്​ കോവിഡ്​ രോഗികൾ

ദുബൈ: യു.എ.ഇയിൽ വെള്ളിയാഴ്​ച റിപ്പോർട്ട്​ ചെയ്​തത്​ ഈ വർഷത്തെ ഏറ്റവും കുറവ്​ കോവിഡ്​ ബാധിതർ. 1215 പേർക്കാണ്​ ഇന്നലെ രോഗം സ്​ഥിരീകരിച്ചത്​.മേയ്​ 16ന്​ 1229 പേർക്ക്​ കോവിഡ്​ റിപ്പോർട്ട്​ ചെയ്​തതായിരുന്നു ഈ വർഷത്തെ ഏറ്റവും കുറവ്​ കണക്ക്​.

തുടർച്ചയായി മൂന്നാം ദിവസമാണ്​ രാജ്യത്ത്​ 1300ൽ താഴെ കേസുകൾ റിപ്പോർട്ട്​ ചെയ്യുന്നത്​. കഴിഞ്ഞ മാസം 2000ന്​ മുകളിൽ റിപ്പോർട്ട്​ ചെയ്​തിരുന്ന സ്​ഥാനത്താണ്​ രോഗികളുടെ എണ്ണം ഗണ്യമായി കുറഞ്ഞത്​. 24 മണിക്കൂറിനിടെ 2.77 ലക്ഷം പി.സി.ആർ പരിശോധനകൾ നടത്തി. ഇതുവരെ രാജ്യത്ത്​ 69 ദശലക്ഷം പരിശോധനകളാണ്​ നടത്തിയത്​. 6.99 ലക്ഷം പേർക്കാണ്​ രോഗം റിപ്പോർട്ട്​ ചെയ്​തത്​. ഇന്നലെ രണ്ടു​ പേർ കൂടി മരിച്ചതോടെ മരണസംഖ്യ 1994 ആയി. 1390 പേർ കൂടി രോഗമുക്​തരായതോടെ അതിജീവിച്ചവരുടെ എണ്ണം 6.76 ലക്ഷമായി ഉയർന്നു. നിലവിൽ 20,431 പേരാണ്​ രോഗബാധിതരായി ചികിത്സയിൽ കഴിയുന്നത്​.

വാക്​സിനേഷൻ നടപടികൾ വ്യാപകമാക്കിയതാണ്​ രോഗികളുടെ എണ്ണം കുത്തനെ കുറയാൻ കാരണമായത്​. 17.2 ദശലക്ഷം വാക്​സിനാണ്​ ഇതുവരെ രാജ്യത്ത്​ വിതരണം ചെയ്​തത്​. രാജ്യത്തെ ജനസംഖ്യയുടെ 81.67 ശതമാനവും വാക്​സി​െൻറ ഒരു ഡോസെങ്കിലും സ്വീകരിച്ച്​ കഴിഞ്ഞു. 72.68 ശതമാനവും രണ്ട്​ ഡോസ്​ വാക്​സിനുമെടുത്തു.