ആദായനികുതി ഏർപ്പെടുത്താൻ ആലോചനയില്ലെന്ന്​ മന്ത്രാലയം

ദു​ബൈ: വ്യ​ക്തി​ക​ൾ​ക്ക്​ ആ​ദാ​യ​നി​കു​തി ഏ​ർ​പ്പെ​ടു​ത്താ​ൻ ആ​ലോ​ച​ന​യി​ല്ലെ​ന്ന്​ ധ​ന​കാ​ര്യ മ​ന്ത്രാ​ല​യം അ​ണ്ട​ർ സെ​ക്ര​ട്ട​റി യൂ​നു​സ്​ അ​ൽ ഖൗ​റി. അ​റ​ബ്​ നാ​ണ​യ നി​ധി​യു​ടെ നേ​തൃ​ത്വ​ത്തി​ൽ സം​ഘ​ടി​പ്പി​ച്ച അ​റ​ബ്​ രാ​ജ്യ​ങ്ങ​ളി​ലെ ധ​ന​കാ​ര്യ മ​ന്ത്രാ​ല​യം അ​ണ്ട​ർ സെ​ക്ര​ട്ട​റി​മാ​രു​ടെ ഒ​മ്പ​താ​മ​ത്​ യോ​ഗ​ത്തി​ലാ​ണ്​ അ​ദ്ദേ​ഹം ഇ​ക്കാ​ര്യം വെ​ളി​പ്പെ​ടു​ത്തി​യ​ത്. അ​റ​ബ്​ രാ​ജ്യ​ങ്ങ​ളി​ലെ സാ​മ്പ​ത്തി​ക ന​യ​ങ്ങ​ളും പൊ​തു​ബ​ജ​റ്റു​ക​ളു​ടെ​യും കാ​ലാ​വ​സ്ഥ വ്യ​തി​യാ​ന​ത്തി​ന്‍റെ​യും ധ​ന​കാ​ര്യ വെ​ല്ലു​വി​ളി​ക​ളും ച​ർ​ച്ച ചെ​യ്യു​ന്ന​തി​നാ​ണ്​ യോ​ഗം ചേ​ർ​ന്ന​ത്.

അ​ന്താ​രാ​ഷ്ട്ര നാ​ണ​യ​നി​ധി, വേ​ൾ​ഡ്​ ബാ​ങ്ക്, ഓ​ർ​​ഗ​നൈ​സേ​ഷ​ൻ ഫോ​ർ ഇ​ക്ക​ണോ​മി​ക്​ കോ​ർ​പ​റേ​ഷ​ൻ ആ​ൻ​ഡ്​ ഡെ​വ​ല​പ്​​മെ​ന്‍റ്​ എ​ന്നീ കൂ​ട്ടാ​യ്മ​ക​ളി​ൽ നി​ന്നു​ള്ള വി​ദ​ഗ്​​ധ​രു​ടെ സം​ഘ​വും യോ​ഗ​ത്തി​ൽ സം​ബ​ന്ധി​ക്കു​ന്നു​ണ്ട്.

വി​വി​ധ രാ​ജ്യ​ങ്ങ​ളി​ലെ അ​നു​ഭ​വ​ങ്ങ​ൾ പ​ങ്കു​വെ​ക്കു​ന്ന​തി​ന്​ ആ​കെ ആ​റ്​ സം​വാ​ദ സെ​ഷ​നു​ക​ളും മൂ​ന്ന്​ ച​ർ​ച്ച സെ​ഷ​നു​ക​ളു​മാ​ണ്​ ര​ണ്ടു​ദി​വ​സ​ത്തെ യോ​ഗ​ത്തി​ൽ ഉ​ൾ​പ്പെ​ടു​ത്തി​യി​രു​ന്ന​ത്. ആ​ദാ​യ​നി​കു​തി ഏ​ർ​പ്പെ​ടു​ത്താ​ൻ ആ​ലോ​ച​ന​യി​ല്ലെ​ന്ന്​ സൗ​ദി അ​റേ​ബ്യ​യും സ​മീ​പ​കാ​ല​ത്ത്​ വെ​ളി​പ്പെ​ടു​ത്തി​യി​രു​ന്നു.

ജൂ​ൺ മു​ത​ൽ യു.​എ.​ഇ​യി​ൽ കോ​ർ​പ​റേ​റ്റ്​ നി​കു​തി നി​ല​വി​ൽ വ​ന്നി​രു​ന്നു. 2024 ക​ല​ണ്ട​ർ വ​ർ​ഷം മു​ത​ൽ വാ​ർ​ഷി​ക വ​രു​മാ​നം 10 ല​ക്ഷം ദി​ർ​ഹ​മി​ൽ കൂ​ടു​ത​ലു​ള്ള, എ​ല്ലാ​വ​രും കോ​ർ​പ​റേ​റ്റ്​ നി​കു​തി​ക്ക്​ ര​ജി​സ്​​ട്രേ​ഷ​ൻ പൂ​ർ​ത്തി​യാ​ക്കി ര​ജി​സ്റ്റ​ർ ന​മ്പ​ർ നേ​ടി​യി​രി​ക്ക​ണ​മെ​ന്നാ​ണ്​ നി​ർ​ദേ​ശി​ച്ചി​ട്ടു​ള്ള​ത്. രാ​ജ്യ​ത്ത്​ താ​മ​സ​ക്കാ​ര​ല്ലാ​ത്ത വ്യ​ക്​​തി​ക​ൾ​ക്ക്​ യു.​എ.​ഇ​യി​ൽ സ്ഥി​രം സ്ഥാ​പ​ന​മു​ണ്ടാ​വു​ക​യും 10 ല​ക്ഷം ദി​ർ​ഹ​മി​ൽ കൂ​ടു​ത​ൽ വ​രു​മാ​നം ല​ഭി​ക്കു​ക​യും ചെ​യ്താ​ലാ​ണ്​ നി​കു​തി അ​ട​ക്കേ​ണ്ട​താ​യി വ​രു​ക. എ​ന്നാ​ൽ, ജോ​ലി​യി​ൽ​നി​ന്നു​ള്ള വ​രു​മാ​നം, വ്യ​ക്​​തി​പ​ര​മാ​യ നി​ക്ഷേ​പ​ത്തി​ൽ​നി​ന്നു​ള്ള വ​രു​മാ​നം, റി​യ​ൽ എ​സ്​​റ്റേ​റ്റ്​ നി​ക്ഷേ​പ വ​രു​മാ​നം എ​ന്നി​വ​ക്ക്​ കോ​ർ​പ​റേ​റ്റ്​ നി​കു​തി​യി​ൽ ഇ​ള​വു​ണ്ട്.

ബി​സി​ന​സ് സ്ഥാ​പ​ന​ങ്ങ​ൾ ഒ​മ്പ​ത് ശ​ത​മാ​ന​മാ​ണ്​ കോ​ർ​പ​റേ​റ്റ് ടാ​ക്സ് ന​ൽ​കേ​ണ്ട​ത്. സ​ർ​ക്കാ​ർ സ്ഥാ​പ​ന​ങ്ങ​ൾ, സ​ർ​ക്കാ​ർ നേ​രി​ട്ട് നി​യ​ന്ത്രി​ക്കു​ന്ന സ്ഥാ​പ​ന​ങ്ങ​ൾ, ഖ​ന​ന മേ​ഖ​ല​യി​ലെ സ്ഥാ​പ​ന​ങ്ങ​ൾ തു​ട​ങ്ങി​യ​വ​യെ വി​വി​ധ മാ​ന​ദ​ണ്ഡ​ങ്ങ​ളു​ടെ അ​ടി​സ്ഥാ​ന​ത്തി​ൽ കോ​ർ​പ​റേ​റ്റ് നി​കു​തി​യി​ൽ​നി​ന്ന് ഒ​ഴി​വാ​ക്കി​യ​താ​യി നേ​ര​ത്തെ ധ​ന​കാ​ര്യ​മ​ന്ത്രാ​ല​യം വ്യ​ക്ത​മാ​ക്കി​യി​ട്ടു​ണ്ട്.