11 വർഷത്തിനുശേഷം മാതാവ്​ മക്കളെ കണ്ടുമുട്ടി

ഷാർജ: നഷ്​ടപ്പെട്ടെന്നു കരുതിയ മക്കളെ തിരിച്ചുകിട്ടിയപ്പോൾ 11 വർഷത്തിനുശേഷം ആ അമ്മ മനസ്സുനിറഞ്ഞ്​ ചിരിച്ചു. സന്തോഷം അണപൊട്ടിയപ്പോൾ അവർ വാവിട്ടു കരഞ്ഞു.

ചുംബനങ്ങൾകൊണ്ട് മക്കളുടെ മുഖത്ത് മാതൃത്വത്തി‍െൻറ മഹനീയ കാവ്യം കുറിച്ചു.കുടുംബപരമായ ചില പ്രശ്​നങ്ങളാണ് ഇവർക്കിടയിൽ മതിലുകൾ തീർത്തത്. ഷാർജ പൊലീസി​െൻറ സഹകരണത്തോടെ ഷാർജ സാമൂഹികസേവന വിഭാഗമാണ് ഇവരുടെ സമാഗമത്തിന് വഴിയൊരുക്കിയത്.

കുടുംബപരമായ പ്രശ്​നങ്ങളിലേക്ക് മക്കളെ വലിച്ചിഴച്ച് അവരെ അനാഥരാക്കരുതെന്ന് കുട്ടികളുടെയും കുടുംബ പരിരക്ഷാ കേന്ദ്രത്തി​െൻറയും ഡയറക്​ടർ അമീന അൽ റിഫായി പറഞ്ഞു. കുട്ടികളുടെ മനസ്സിനെയും പെരുമാറ്റത്തെയും ഒറ്റപ്പെടൽ ദോഷകരമായി ബാധിക്കുമെന്നും ചൂഷണങ്ങൾക്ക് കുട്ടികൾ ഇരയാകുമെന്നും അവർ കൂട്ടിച്ചേർത്തു. കുട്ടികളുമായി ബന്ധപ്പെട്ട ഏതൊരു പരാതിയും 80070 എന്ന ഹോട്ട്‌ലൈൻ വഴി നൽകാമെന്ന് അവർ പറഞ്ഞു.