ഉമ്മുൽ ഖുവൈനിലെ തനി നാടൻ മാർക്കറ്റ്

നാട്ടു തനിമ കൈവിടാത്ത ഒരു മാര്‍ക്കറ്റുണ്ട് ഉമ്മുല്‍ഖുവൈനില്‍. നാട്ടിലെ മാര്‍ക്കറ്റില്‍ എത്തിയ പ്രതീതിയാണ് ഇവിടെ എത്തിയാല്‍. അലങ്കാര പക്ഷികള്‍ക്കൊപ്പം നാടന്‍ കോഴികളും ഉമ്മുല്‍ഖു​ൈവന്‍ മാര്‍ക്കറ്റി​െൻറ പ്രത്യേകതയാണ്. നാടന്‍ പഴം പച്ചക്കറികളും ബോട്ടുകളിലെ മത്സ്യവും നേരിട്ട് എത്തിക്കുന്നു എന്നതാണ് മറ്റു മാർക്കറ്റുകളെ ​അപേക്ഷിച്ച്​ ഉമ്മുല്‍ഖുവൈന്‍ മാര്‍ക്കറ്റി​െൻറ പ്രത്യേകത. സഞ്ചാരികളെ ആകര്‍ഷിക്കുന്ന ഘടകമാണ് മാര്‍ക്കറ്റി​െൻറ പരിസരങ്ങളിലെ ബോട്ടുജെട്ടികള്‍. സാധനങ്ങൾ വാങ്ങാൻ മാ​ത്രമല്ല,ഈ കാഴ്​ചകൾ കാണാനായി എത്തുന്നവരും നിരവധി. നേരംപോക്കിനായി ചൂണ്ടയിട്ടിരിക്കുന്നവരുമുണ്ടാവും. ആഴ്ചയില്‍ ഒരിക്കലെങ്കിലും മാർക്കറ്റിലെത്തി പർച്ചേസ്​ നടത്താത്തവർ സമീപ പ്രദേശങ്ങളില്‍ കുറവായിരിക്കും. മത്സ്യ ചത്വരത്തിലെ തലയെടുപ്പില്‍ നില്‍ക്കുന്ന മത്സ്യപ്രതിമ പഴമയുടെ പുതിയ പ്രതീകമാണ്.