ദുബൈ ഭരണാധികാരിയുടെ ഈ രണ്ട്​ ചിത്രങ്ങൾ പറയും, 5 വർഷത്തിനിടെ സംഭവിച്ച 'മാജിക്കിന്‍റെ' കഥ

ദുബൈ: ആറ്​ വർഷം മുൻപ്​ ദുബൈ എക്​സ്​പോ നഗരി എങ്ങിനെയായിരുന്നു എന്ന്​ ചിന്തിച്ചിട്ടുണ്ടോ. യു.എ.ഇ വൈസ്​ പ്രസിഡൻറും ​പ്രധാനമന്ത്രിയും ദുബൈ ഭരണാധികാരിയുമായ ശൈഖ്​ മുഹമ്മദ്​ ബിൻ റാശിദ്​ ആൽ മക്​തൂമി​െൻറ പ്രോ​ട്ടോകോൾ ചെയർമാൻ ഖലീഫ സഈദ്​ സുലൈമാൻ പങ്കുവെച്ച ചിത്രം വിളിച്ചുപറയുന്നുണ്ട്​ എക്​സ്​പോയിലേക്കുള്ള ദുബൈയുടെ വളർച്ച.

2016ലും കഴിഞ്ഞ ദിവസവും ശൈഖ്​ മുഹമ്മദ്​ എക്​സ്​പോ സൈറ്റ്​ സന്ദർശിച്ചപ്പോഴുള്ള ചിത്രങ്ങളാണ്​ അദ്ദേഹം ഇൻസ്​റ്റയിൽ പങ്കുവെച്ചത്​. ഈ ചിത്രം സോഷ്യൽ മീഡിയ ഏറ്റെടുത്തു. 2016ൽ മരുഭൂമിയായി നിരന്നുകിടന്ന സ്​ഥലത്താണ്​ അഞ്ച്​ വർഷം കൊണ്ട്​ ദുബൈ വലിയൊരു നഗരം സൃഷ്​ടിച്ചെടുത്തിരിക്കുന്നത്​.

പ്രകൃതിയെ നശിപ്പിക്കുന്ന നിർമിതികളൊന്നും​ ഇവിടെയില്ല. എക്​സ്​പോക്ക്​ ശേഷം ഇവ പൊളിച്ചുമാറ്റാതെ ഡിസ്​ട്രിക്​ട്​ 2020 എന്ന പേരിൽ നഗരമായി നിലനിർത്താനാണ്​ പദ്ധതി.