സി​റി​യ​ൻ ദൗ​ത്യം പൂ​ർ​ത്തി​യാ​ക്കി രക്ഷാസം​ഘം തി​രി​ച്ചെ​ത്തി

ദു​ബൈ: ഭൂ​ക​മ്പം ത​ക​ർ​ത്ത സി​റി​യ​യി​ലെ ര​ക്ഷാ​ദൗ​ത്യം പൂ​ർ​ത്തി​യാ​ക്കി യു.​എ.​ഇ ദൗ​ത്യ സം​ഘം മ​ട​ങ്ങി​യെ​ത്തി. നി​ര​വ​ധി പേ​രെ ര​ക്ഷി​ക്കു​ക​യും ചി​കി​ത്സ ന​ൽ​കു​ക​യും മൃ​ത​ദേ​ഹ​ങ്ങ​ൾ പു​റ​ത്തെ​ടു​ക്കു​ക​യും ചെ​യ്ത ശേ​ഷ​മാ​ണ്​ സം​ഘം മ​ട​ങ്ങി​യ​ത്. തു​ർ​ക്കി​യ​യി​ലെ ദൗ​ത്യം അ​വ​സാ​നി​പ്പി​ച്ച്​ സം​ഘം നേ​ര​ത്തെ മ​ട​ങ്ങി​യെ​ത്തി​യി​രു​ന്നു.

ജീ​വി​ച്ചി​രി​ക്കു​ന്ന​വ​ർ​ക്കാ​യു​ള്ള തി​ര​ച്ചി​ൽ അ​വ​സാ​നി​പ്പി​ച്ച​താ​യി തു​ർ​ക്കി​യ നേ​ര​ത്തെ പ്ര​ഖ്യാ​പി​ച്ചി​രു​ന്നു. ഇ​തോ​ടെ​യാ​ണ്​ ദൗ​ത്യം അ​വ​സാ​നി​പ്പി​ക്കാ​ൻ തീ​രു​മാ​നി​ച്ച​ത്. ഓ​പ​റേ​ഷ​ൻ ഗാ​ല​ൻ​ഡ്​ നൈ​റ്റ്​ -2 എ​ന്ന്​ പേ​രി​ട്ട ര​ക്ഷാ​ദൗ​ത്യ​ത്തി​ന്‍റെ ഭാ​ഗ​മാ​യി തു​ർ​ക്കി​യ​യി​ലും സി​റി​യ​യി​ലു​മാ​യി 134 പേ​രെ നി​യോ​ഗി​ച്ചി​രു​ന്നു. 136 വി​മാ​ന​ങ്ങ​ളി​ലാ​യി 3772 ട​ൺ സ​ഹാ​യ​വ​സ്തു​ക്ക​ളാ​ണ്​ ഇ​വി​ടെ എ​ത്തി​ച്ച​ത്.

തു​ർ​ക്കി​യ​യി​ൽ ര​ണ്ട്​ ഫീ​ൽ​ഡ്​ ആ​ശു​പ​ത്രി​യും തു​റ​ന്നു. ആ​ദ്യം 50 ​പേ​ർ​ക്കു​ള്ള ആ​ശു​പ​ത്രി തു​റ​ന്ന യു.​എ.​ഇ പി​ന്നീ​ട്​ 200 പേ​രെ കി​ട​ത്തി​ച്ചി​കി​ത്സി​ക്കാ​വു​ന്ന ആ​ശു​പ​ത്രി​യും തു​റ​ന്നി​രു​ന്നു. കെ​ട്ടി​ടാ​വ​ശി​ഷ്ട​ങ്ങ​ൾ​ക്കി​ട​യി​ൽ കു​ടു​ങ്ങി ദി​വ​സ​ങ്ങ​ളോ​ളം ക​ഴി​ഞ്ഞ​വ​രെ ജീ​വ​നോ​ടെ പു​റ​ത്തെ​ടു​ക്കാ​നും സേ​ന​ക്ക്​ ക​ഴി​ഞ്ഞു.

പ​രി​ക്കേ​റ്റ 10 സി​റി​യ​ക്കാ​രെ അ​ബൂ​ദ​ബി​യി​ൽ ചി​കി​ത്സ​ക്ക്​ എ​ത്തി​ച്ചി​ട്ടു​ണ്ട്. അ​ഞ്ച്​ മു​തി​ർ​ന്ന​വ​രും അ​ഞ്ച്​ കു​ട്ടി​ക​ളു​മാ​ണ്​ ഈ ​സം​ഘ​ത്തി​ലു​ള്ള​ത്.