അബൂദബിയിലെ റോഡിന്​ ശൈഖ ഫാത്തിമയുടെ പേര്​

അബൂദബി: ഇമാറാത്തി വനിതാ ദിനത്തോടനുബന്ധിച്ച് അബൂദബിയിലെ റോഡിന്​ ജനറൽ വിമൻസ് യൂനിയൻ പ്രസിഡൻറും സുപ്രീംകൗൺസിൽ ഫോർ മദർഹുഡ് ആൻഡ് ചൈൽഡ്ഹുഡ് പ്രസിഡൻറും ഫാമിലി ഡെവലപ്‌മെൻറ് ഫൗണ്ടേഷൻ സുപ്രീംപ്രസിഡൻറുമായ ശൈഖ ഫാത്തിമ ബിൻത് മുബാറക്കി​െൻറ പേര്​ നൽകി. യു.എ.ഇ എക്‌സിക്യൂട്ടിവ് കൗൺസിൽ അംഗവും എക്‌സിക്യൂട്ടിവ് ഓഫിസ് മേധാവിയുമായ ശൈഖ് ഖാലിദ് ബിൻ മുഹമ്മദ് ബിൻ സായിദ് ആൽ നഹ്​യാനാണ്​ നാമകരണം നടത്തിയത്​. ശൈഖ ഫാത്തിമ ബിൻത്​ മുബാറക് സ്ട്രീറ്റ് അദ്ദേഹം ഉദ്ഘാടനം ചെയ്തു.

അബൂദബി കിരീടാവകാശിയും യു.എ.ഇ സായുധ സേന ഡെപ്യൂട്ടി സുപ്രീംകമാൻഡറുമായ ശൈഖ് മുഹമ്മദ് ബിൻ സായിദ് ആൽ നഹ്‌യാനാണ്​ പേര്​ നിർദേശിച്ചത്​. ഖസർ അൽ ബഹറിലേക്കുള്ള പ്രധാന പാതക്കാണ്​ ശൈഖ ഫാത്തിമയുടെ പേരിട്ടത്​. രാജ്യത്തി​െൻറ പ്രയാണത്തിൽ ശൈഖ ഫാത്തിമ ബിൻത് മുബാറക് വഹിച്ച പങ്ക് വളരെ വലുതാണെന്ന്​ ശൈഖ് ഖാലിദ് ബിൻ മുഹമ്മദ് ബിൻ സായിദ് ചൂണ്ടിക്കാട്ടി.