തീവ്രവാദക്കേസ്​ ഫെഡറൽ അപ്പീൽ കോടതിയിലേക്ക്​ റഫർ ചെയ്തു

ദു​ബൈ: തീ​വ്ര​വാ​ദ പ്ര​വ​ർ​ത്ത​നം ക​ണ്ടെ​ത്തി​യ​തി​നെ തു​ട​ർ​ന്ന്​ 84 പ്ര​തി​ക​ളെ പ​ബ്ലി​ക്ക്​ പ്രോ​സി​ക്യൂ​ട്ട​ർ, സ്​​റ്റേ​റ്റ്​ സെ​ക്യൂ​രി​റ്റി കോ​ട​തി എ​ന്ന​റി​യ​പ്പെ​ടു​ന്ന അ​ബൂ​ദ​ബി ഫെ​ഡ​റ​ൽ അ​പ്പീ​ൽ കോ​ട​തി​യി​ലേ​ക്ക്​ റ​ഫ​ർ ചെ​യ്തു. പ്ര​തി​ക​ളി​ൽ ഭൂ​രി​ഭാ​ഗം പേ​രും മു​സ്​​ലിം ബ്ര​ദ​ർ​ഹു​ഡ് അം​ഗ​ങ്ങ​ളാ​ണ്. അ​റ്റോ​ർ​ണി ജ​ന​റ​ൽ ഡോ. ​ഹ​മ​ദ്​ അ​ൽ ശം​സി​യാ​ണ്​ ഫെ​ഡ​റ​ൽ കോ​ട​തി​യി​ലേ​ക്ക്​ കേ​സ്​ റ​ഫ​ർ ചെ​യ്ത​ത്.

പ്ര​തി​ക​ൾ യു.​എ.​ഇ മ​ണ്ണി​ൽ ​അ​ക്ര​മ​വും ഭീ​ക​ര​വാ​ദ​വും ന​ട​ത്തു​ന്ന​തി​ന്​ പു​തി​യ സം​ഘ​ട​ന രൂ​പ​വ​ത്ക​രി​ക്കു​ന്ന​തി​ന്​ ശ്ര​മി​ച്ചെ​ന്ന്​ കു​റ്റ​പ​ത്ര​ത്തി​ൽ വ്യ​ക്​​ത​മാ​ക്കു​ന്നു. 2013ലെ ​സ്റ്റേ​റ്റ് സെ​ക്യൂ​രി​റ്റി കേ​സ് ന​മ്പ​ർ 17ൽ ​അ​റ​സ്റ്റ് ചെ​യ്യ​പ്പെ​ടു​ന്ന​തി​നു​മു​മ്പ് പ്ര​തി​ക​ൾ കു​റ്റ​കൃ​ത്യ​വും അ​തി​ന്റെ തെ​ളി​വു​ക​ളും മ​റ​ച്ചു​വെ​ച്ച​താ​യും ‘വാം’ ​റി​പ്പോ​ർ​ട്ട്​ ചെ​യ്തു. അ​ന്വേ​ഷ​ണ​ത്തി​ലൂ​ടെ ശേ​ഖ​രി​ച്ച തെ​ളി​വു​ക​ളു​ടെ അ​ടി​സ്ഥാ​ന​ത്തി​ൽ, അ​റ്റോ​ർ​ണി ജ​ന​റ​ൽ ഈ ​കു​റ്റ​കൃ​ത്യ​ത്തി​ന്റെ വി​ശ​ദാം​ശ​ങ്ങ​ളെ​ക്കു​റി​ച്ച് അ​ന്വേ​ഷി​ക്കാ​നും ഉ​ത്ത​ര​വി​ട്ടു. ഏ​ക​ദേ​ശം ആ​റു​മാ​സ​ത്തെ അ​ന്വേ​ഷ​ണ​ത്തി​ൽ ക​മീ​ഷ​ന്​ മ​തി​യാ​യ തെ​ളി​വു​ക​ൾ ല​ഭി​ച്ച​തി​ന് ശേ​ഷ​മാ​ണ്​ അ​റ്റോ​ർ​ണി ജ​ന​റ​ൽ പ്ര​തി​ക​ളെ വി​ചാ​ര​ണ​ക്കാ​യി റ​ഫ​ർ ചെ​യ്ത​ത്. കേ​സി​ലെ സാ​ക്ഷി​ക​ളി​ൽ​നി​ന്ന് കോ​ട​തി വാ​ദം കേ​ൾ​ക്കാ​ൻ തു​ട​ങ്ങി​യി​ട്ടു​ണ്ട്. നി​യ​മ​പ്രാ​തി​നി​ധ്യ​മി​ല്ലാ​ത്ത പ്ര​തി​ക​ൾ​ക്ക്​ ഓ​രോ അ​ഭി​ഭാ​ഷ​ക​നെ നി​യ​മി​ച്ചാ​ണ് വി​ചാ​ര​ണ പു​രോ​ഗ​മി​ക്കു​ന്ന​ത്.