യു.എ.ഇ കായിക ലോകത്തി​െൻറ ആഗോള ഹബ്

ദുബൈ: ​കായിക ലോകത്തി​െൻറ ആഗോള ഹബായി യു.എ.ഇയുടെ സ്​ഥാനം ഉൗട്ടിയുറപ്പിക്കാൻ ഇന്ത്യൻ പ്രീമിയർ ലീഗ്​ (ഐ.പി.എൽ)സഹായിച്ചതായി ദുബൈ സ്​പോർട്​സ്​ കൗൺസിൽ​ ചെയർമാൻ ശൈഖ്​ മൻസൂർ ബിൻ മുഹമ്മദ്​ റാശിദ്​ ആൽ മക്​തൂം. കോവിഡിനെ രാജ്യം ആത്​മവിശ്വാസത്തോടെ നേരിട്ടതി​െൻറ തെളിവാണിതെന്നും അദ്ദേഹം പറഞ്ഞു.

​ആവേശകരമായാണ്​ ഐ.പി.എൽ മുന്നേറുന്നത്​. രണ്ടു​ മത്സരങ്ങൾ സമനിലയായത്​ ഐ.പി.എൽ ആവേശത്തി​െൻറ തെളിവാണ്​. ടീം ഉടമകൾക്ക്​ നന്ദി അറിയിക്കുന്നു. കാണികൾ ഇല്ലെങ്കിലും ഉജ്വലമായ പോരാട്ടവും ഉദ്വേഗജനകമായ ഫിനിഷും ടൂർണമെൻറി​െൻറ തിളക്കം കൂട്ടുന്നു. കായിക മത്സരമായാലും സാമ്പത്തിക മേഖലയുമായി ബന്ധപ്പെട്ട പരിപാടികളായാലും ഈ മണ്ണിലെത്തിയാൽ ഏറ്റെടുക്കാനും വിജയിപ്പിക്കാനും സുസജ്ജമായ നാടാണിത്​. യു.എ.ഇയുടെ ആതിഥ്യമര്യാദ ലോകത്തിന്​ മുഴുവൻ പരിചിതമാണ്​.

ഇതുകൊണ്ടൊക്കെയാണ് പ്രതിസന്ധി സമയത്തും​ സുഹൃദ്​ രാജ്യമായ ഇന്ത്യ ഇത്ര വലിയൊരു ടൂർണ​െമൻറിന്​ യു.എ.ഇയെ തെരഞ്ഞെടുത്തത്​. ലോകത്തി​െൻറ വിവിധ ഭാഗങ്ങളിലുള്ള താരങ്ങൾ ഐ.പി.എല്ലിനായി യു.എ.ഇയിൽ എത്തിയിട്ടുണ്ട്​. ഇവിടം സുരക്ഷിതമാണെന്ന്​ അവർക്ക്​ തോന്നിയതുകൊണ്ടാണ്​ മത്സരത്തിനായി എത്തിയത്​. യു.എ.ഇ രാഷ്​ട്ര നേതാക്കളുടെ ദീർഘ വീക്ഷണത്തോടെയുള്ള നടപടികളും ആരോഗ്യപ്രവർത്തകരുടെ കൃത്യമായ ഇടപെടലുമാണ്​ രാജ്യത്തെ ഇതിനായി സജ്ജമാക്കിയത്​. ഇപ്പോൾ എല്ലാ മേഖലയും സുരക്ഷിതമായി തുറന്നുകൊണ്ടിരിക്കുകയാണ്​. ഇതി​െൻറ ഏറ്റവും വലിയ തെളിവാണ്​ ഐ.പി.എൽ എന്നും അദ്ദേഹം പറഞ്ഞു.