ക​ണ്ണൂ​ർ സ്വ​ദേ​ശി​യു​ടെ തെ​യ്യം ചി​ത്ര​പ്ര​ദ​ർ​ശ​നം ശ്ര​ദ്ധേ​യ​മാ​യി

അ​ജ്മാ​ൻ: യു.​എ.​ഇ‌​യി​ൽ ആ​ദ്യ​മാ​യി ന​ട​ന്ന ക​ളി​യാ​ട്ട മ​ഹോ​ത്സ​വ​ത്തി​ൽ ക​ണ്ണൂ​ർ ഏ​ഴോം സ്വ​ദേ​ശി ജീ​വ​ൻ വ​ര​ച്ച തെ​യ്യ​ങ്ങ​ളു​ടെ ചി​ത്ര പ്ര​ദ​ർ​ശ​നം ശ്ര​ദ്ധേ​യ​മാ​യി. പ്ര​ധാ​ന തെ​യ്യ​ങ്ങ​ളാ​യ മ​ട​യി​ൽ ചാ​മു​ണ്ഡി, ന​മ്പാ​ല മു​ത്ത​പ്പ​ൻ, പു​ല​മാ​രു​ത​ൻ, ക​ക്ക​ര ഭ​ഗ​വ​തി, ബാ​ലി, ക​രി​ഗു​ളി​ക​ൻ, ക​ണ്ട​നാ​ർ കേ​ള​ൻ, നാ​ഗോ​ള​ങ്ങ​ര ഭ​ഗ​വ​തി, വ​സൂ​രി​മാ​ല, കാ​ളി, മൂ​വാ​ളം​കു​ഴി ചാ​മു​ണ്ഡി, മ​ണ​ത്ത​ണ കാ​ളി, മാ​ക്കം, ക​തി​വ​ന്നൂ​ർ വീ​ര​ൻ, മ​ണ​ത്ത​ണ പോ​തി തു​ട​ങ്ങി​യ തെ​യ്യ​ങ്ങ​ളു​ടെ ചി​ത്ര​ങ്ങ​ളാ​ണ് ക​ളി​യാ​ട്ട മ​ഹോ​ത്സ​വ​ത്തി​ൽ പ്ര​ദ​ർ​ശി​പ്പി​ച്ച​ത്.

അ​ക്രി​ലി​ക്കി​ലാ​ണ് ജീ​വ​ൻ ചി​ത്ര​ങ്ങ​ൾ വ​ര​ച്ചി​ട്ടു​ള്ള​ത്. അ​ജ്മാ​ൻ വി​ന്നേ​ഴ്സ് സ്പോ​ർ​ട്സ് ക്ല​ബി​ൽ ന​ട​ന്ന ക​ളി​യാ​ട്ട മ​ഹോ​ത്സ​വ​ത്തി​ലെ പ്ര​ദ​ർ​ശ​ന ന​ഗ​രി​യി​ൽ നി​ര​വ​ധി പേ​രാ​ണ് ചി​ത്ര​ങ്ങ​ൾ കാ​ണാ​നെ​ത്തി​യ​ത്. ചെ​റു​പ്പം മു​ത​ലേ ചി​ത്ര​ങ്ങ​ൾ വ​ര​ക്കു​ന്ന​തി​ൽ വ​ലി​യ താ​ൽ​പ​ര്യ​മു​ണ്ടാ​യി​രു​ന്ന ജീ​വ​ൻ ര​ണ്ടു​ത​വ​ണ സം​സ്ഥാ​ന ത​ല ഹൈ​സ്കൂ​ൾ ചി​ത്ര​ര​ച​ന മ​ത്സ​ര​ങ്ങ​ളി​ൽ ഒ​ന്നാം സ്ഥാ​നം നേ​ടി​യി​ട്ടു​ണ്ട്. ത​ന്‍റെ ക​ലാ​പ​ര​മാ​യ അ​ഭി​രു​ചി വി​ക​സി​പ്പി​ക്കാ​നാ​യി തൃ​ശൂ​ർ ഫൈ​ൻ ആ​ർ​ട്സ് കോ​ള​ജി​ൽ പ​ഠ​നം പൂ​ർ​ത്തി​യാ​ക്കി​യ അ​ദ്ദേ​ഹം ക​ഴി​ഞ്ഞ 16 വ​ർ​ഷ​മാ​യി ഷാ​ർ​ജ​യി​ലെ ഒ​രു പ്ര​മു​ഖ ക​മ്പ​നി​യി​ൽ ഡി​സൈ​ന​റാ​യി ജോ​ലി ചെ​യ്തു​വ​രു​ന്നു.

തെ​യ്യ​ങ്ങ​ളോ​ടു​ള്ള ആ​ത്മ​ബ​ന്ധ​മാ​ണ് ജീ​വ​നെ തെ​യ്യ​ങ്ങ​ളെ ആ​സ്പ​ദ​മാ​ക്കി ചി​ത്ര​ങ്ങ​ൾ വ​ര​ക്കാ​ൻ പ്രേ​രി​പ്പി​ച്ച​ത്. തെ​യ്യം ക​ട​ൽ ക​ട​ന്ന​തോ​ടെ ഈ ​പ്ര​ദ​ർ​ശ​ന​ത്തി​ലൂ​ടെ തെ​യ്യ​ങ്ങ​ൾ പ്ര​വാ​സ ലോ​ക​ത്തി​ന്‍റെ മു​ന്നി​ൽ അ​വ​ത​രി​പ്പി​ക്കാ​ൻ ക​ഴി​ഞ്ഞ​ത് ഏ​റെ സ​ന്തോ​ഷ​മു​ണ്ടെ​ന്ന് ജീ​വ​ൻ അ​ഭി​പ്രാ​യ​പ്പെ​ട്ടു. തെ​യ്യ​ങ്ങ​ൾ​ക്കൊ​പ്പം മ​റ്റു നി​ര​വ​ധി ചി​ത്ര​ങ്ങ​ളും വീ​ട്ടി​ൽ ഗാ​ല​റി രൂ​പ​ത്തി​ൽ സം​ര​ക്ഷി​ച്ചി​രി​ക്കു​ന്ന ജീ​വ​ൻ ഭാ​വി​യി​ൽ കൂ​ടു​ത​ൽ പ്ര​ദ​ർ​ശ​ന​ങ്ങ​ൾ ന​ട​ത്താ​നു​ള്ള ത​യാ​റെ​ടു​പ്പി​ലാ​ണ്.