പൊ​തു​സു​ര​ക്ഷ​ക്ക്​ ഭീ​ഷ​ണി; നൂ​റി​ലേ​റെ പേ​ർ​ക്കെ​തി​രെ വി​ചാ​ര​ണ​ക്ക്​ ഉ​ത്ത​ര​വ്​

അ​ബൂ​ദ​ബി: ഏ​ഴു​മാ​സം നീ​ണ്ട വി​പു​ല അ​ന്വേ​ഷ​ണ​ത്തി​ലൂ​ടെ പൊ​തു​സു​ര​ക്ഷ​ക്ക്​ ഭീ​ഷ​ണി​യെ​ന്ന്​ ക​ണ്ടെ​ത്തി​യ ക്രി​മി​ന​ൽ സം​ഘ​ത്തി​നെ​തി​രെ വി​ചാ​ര​ണ​ക്ക്​ ഉ​ത്ത​ര​വ്. നൂ​റി​ലേ​റെ പേ​ര​ട​ങ്ങി​യ ‘ബെ​ഹ്​​ലൂ​ൽ’ എ​ന്ന സം​ഘ​ത്തി​ലെ അം​ഗ​ങ്ങ​ളെ​യാ​ണ്​ യു.​എ.​ഇ അ​റ്റോ​ണി ജ​ന​റ​ൽ ഡോ. ​ഹ​മ​ദ്​ സൈ​ഫ്​ അ​ൽ ശം​സി​ വി​ചാ​ര​ണ​ക്ക്​ റ​ഫ​ർ ചെ​യ്​​ത​ത്​​.​​

അബുദബി അപ്പീൽ കോടതിയുടെ രാജ്യസുരക്ഷാ വകുപ്പാണ് രാ​ജ്യ​സു​ര​ക്ഷ, പൊ​തു​സു​ര​ക്ഷ, സാ​മൂ​ഹി​ക സ​മാ​ധാ​നം എ​ന്നി​വ​ക്ക്​ ഭീ​ഷ​ണി​യാ​യ കു​റ്റ​കൃ​ത്യ​ങ്ങ​ൾ ന​ട​ത്തി​യ സം​ഘ​ത്തി​നെ​തി​രെ വി​ചാ​ര​ണ ന​ട​പ​ടികൾ സ്വീകരിക്കുക​. പ്ര​തി​ക​ൾ ക്രി​മി​ന​ൽ സം​ഘം രൂ​പ​വ​ത്ക​രി​ക്കു​ന്ന​തി​ലും നി​യ​ന്ത്രി​ക്കു​ന്ന​തി​ലും പ​ങ്കാ​ളി​ക​ളാ​യ​താ​യി പ​ബ്ലി​ക് പ്രോ​സി​ക്യൂ​ഷ​ൻ അ​ന്വേ​ഷ​ണ​ത്തി​ൽ ക​ണ്ടെ​ത്തി​. അ​ധി​കാ​ര​വും സ്വാ​ധീ​ന​വും ചെ​ലു​ത്തി നി​യ​മ​വി​രു​ദ്ധ പ്ര​വ​ർ​ത്ത​ന​ങ്ങ​ളി​ൽ ഏ​ർ​പ്പെ​ടു​ക, അ​ന​ധി​കൃ​ത പ​ണ സ​മ്പാ​ദ​നം, വ​രു​മാ​നം അം​ഗ​ങ്ങ​ൾ​ക്കി​ട​യി​ൽ വി​ത​ര​ണം ചെ​യ്യു​ക തു​ട​ങ്ങി​യ കു​റ്റ​ങ്ങ​ൾ ചെ​യ്ത​താ​യും വെ​ളി​പ്പെ​ട്ടു.

സോ​ഷ്യ​ൽ മീ​ഡി​യ പ്ലാ​റ്റ്‌​ഫോ​മു​ക​ളി​ലൂ​ടെ ക്രി​മി​ന​ൽ പ്ര​വ​ർ​ത്ത​ന​ങ്ങ​ൾ പ്രോ​ത്സാ​ഹി​പ്പി​ക്കു​ക​, നി​രോ​ധി​ത ഉ​പ​ക​ര​ണ​ങ്ങൾ, ആ​യു​ധ​ങ്ങ​ൾ ഉ​പ​യോ​ഗി​ച്ച് ഇ​ര​ക​ളി​ൽ ഭ​യം വ​ള​ർ​ത്തു​ക​യും പ​ണം ത​ട്ടി​യെ​ടു​ക്കു​ക​യും ചെ​യ്ത​താ​യും ക​ണ്ടെ​ത്തി. കൂ​ടാ​തെ, വ​രു​മാ​ന സ്രോ​ത​സ്സ്​ മ​റ​ക്കാ​ൻ സം​ഘം ക​ള്ള​പ്പ​ണം വെ​ളു​പ്പി​ച്ച​താ​യും വി​ല​യി​രു​ത്തി​യിട്ടുണ്ട്. രാ​ജ്യ​ത്ത്​ ക്രി​മി​ന​ൽ പ്ര​വൃ​ത്തി​ക​ൾ ചെ​യ്യു​ക​യും മ​റ്റു​ള്ള​വ​രെ ദ്രോ​ഹി​ക്കു​ക​യും ഭ​യ​പ്പെ​ടു​ത്തു​ക​യും ചെ​യ്യു​ന്ന എ​ല്ലാ​വ​ർ​ക്കു​മെ​തി​രാ​യി പ​ബ്ലി​ക് പ്രോ​സി​ക്യൂ​ഷ​ൻ നി​യ​മം ന​ട​പ്പാ​ക്കു​മെ​ന്ന് അ​റ്റോ​ണി ജ​ന​റ​ൽ പ്ര​സ്താ​വ​ന​യി​ൽ പ​റ​ഞ്ഞു. രാ​ജ്യ​സു​ര​ക്ഷ നി​ല​നി​ർ​ത്തു​ന്ന​തി​നും താ​മ​സ​ക്കാ​രു​ടെ സു​ര​ക്ഷ ഉ​റ​പ്പാ​ക്കു​ന്ന​തി​നും നി​യ​മ​പ​ര​മാ​യ ന​ട​പ​ടി​ക്ര​മ​ങ്ങ​ള​നു​സ​രി​ച്ച്​ അ​തീ​വ ജാ​ഗ്ര​ത​യോ​ടെ​യാ​ണ് നി​യ​മ​പാ​ല​ക സം​വി​ധാ​ന​ങ്ങ​ൾ പ്ര​വ​ർ​ത്തി​ക്കു​ന്ന​തെ​ന്ന് അ​ദ്ദേ​ഹം കൂ​ട്ടി​ച്ചേ​ർ​ത്തു. യു.​എ.​ഇ​യെ വീ​ടാ​യി ക​ണ​ക്കാ​ക്കു​ന്ന എ​ല്ലാ പൗ​ര​ന്മാ​രും താ​മ​സ​ക്കാ​രും എ​ന്തെ​ങ്കി​ലും കു​റ്റ​കൃ​ത്യ​ങ്ങ​ൾ ശ്ര​ദ്ധ​യി​ൽ​പെ​ട്ടാ​ൽ ഉ​ട​ൻ റി​പ്പോ​ർ​ട്ട് ചെ​യ്യ​ണ​മെ​ന്നും അ​റ്റോ​ണി ജ​ന​റ​ൽ ആ​വ​ശ്യ​പ്പെ​ട്ടു.