കേരളത്തിൽനിന്ന് മൂന്ന്​ മന്ത്രിമാർ ഇന്ന്​ യു.എ.ഇയിൽ

ദുബൈ: കേ​ര​ള​ത്തി​ൽ​നി​ന്ന്​ മൂ​ന്ന്​ മ​ന്ത്രി​മാ​ർ ഉ​ൾ​പ്പെ​ടെ ആ​റ്​ ജ​ന​പ്ര​തി​നി​ധി​ക​ൾ ഇ​ന്ന്​ യു.​എ.​ഇ​യി​ലെ​ത്തും. ത​ദ്ദേ​ശ ഭ​ര​ണ, എ​ക്സൈ​സ്, പാ​ർ​ല​മെ​ന്‍റ​റി കാ​ര്യ​വ​കു​പ്പ്​ മ​ന്ത്രി എം.​ബി. രാ​ജേ​ഷ്, കാ​യി​ക മ​ന്ത്രി വി. ​അ​ബ്​​ദു​റ​ഹ്​​മാ​ൻ, കൃ​ഷി​മ​ന്ത്രി പി. ​പ്ര​സാ​ദ്, എം.​പി വി.​കെ. ശ്രീ​ക​ണ്ഠ​ൻ, എം.​എ​ൽ.​എ​മാ​രാ​യ എ.​കെ.​എം. അ​ഷ്​​റ​ഫ്, ജോ​ബ്​ മൈ​ക്കി​ൾ എ​ന്നി​വ​രാ​ണ്​ ഞാ​യ​റാ​ഴ്ച യു.​എ.​ഇ​യി​ൽ വി​വി​ധ പ​രി​പാ​ടി​ക​ളി​ൽ പ​​ങ്കെ​ടു​ക്കു​ന്ന​ത്.

യു.​എ.​ഇ​യി​ലെ ഏ​റ്റ​വും വ​ലി​യ മ​ല​യാ​ളി കൂ​ട്ടാ​യ്മ​യാ​യ ഷാ​ർ​ജ ഇ​ന്ത്യ​ൻ അ​സോ​സി​യേ​ഷ​ന്‍റെ ഓ​ണാ​ഘോ​ഷ പ​രി​പാ​ടി​ക​ളി​ൽ പ​​ങ്കെ​ടു​ക്കാ​നാ​ണ്​ മ​ന്ത്രി​മാ​രാ​യ എം.​ബി. രാ​ജേ​ഷ്, വി. ​അ​ബ്​​ദു​റ​ഹ്​​മാ​ൻ, പി. ​പ്ര​സാ​ദ്, എം.​പി വി.​കെ. ശ്രീ​ക​ണ്ഠ​ൻ, എം.​എ​ൽ.​എ എ.​കെ.​എം. അ​ഷ്​​റ​ഫ്​ എ​ന്നി​വ​ർ എ​ത്തു​ന്ന​ത്.

അ​ജ്​​മാ​നി​ലെ സ്വ​കാ​ര്യ പ​രി​പാ​ടി​യി​ൽ അ​തി​ഥി​യാ​യാ​ണ്​ ച​ങ്ങ​നാ​ശ്ശേ​രി നി​യോ​ജ​ക മ​ണ്ഡ​ലം പ്ര​തി​നി​ധി​യാ​യ ജോ​ബ്​ മൈ​ക്കി​ൾ എ​ത്തു​ന്ന​ത്. മ​ന്ത്രി​മാ​രെ​ക്കൂ​ടാ​തെ ക​ണ്ണൂ​ർ അ​ന്താ​രാ​ഷ്ട്ര വി​മാ​ന​ത്താ​വ​ള ബോ​ർ​ഡ്​ ഡ​യ​റ​ക്ട​ർ ഖാ​ദ​ർ തെ​രു​വ​ത്ത്​ ഉ​ൾ​പ്പെ​ടെ ഉ​ദ്യോ​ഗ​സ്ഥ പ്ര​മു​ഖ​രും ഷാ​ർ​ജ ഇ​ന്ത്യ​ൻ അ​സോ​സി​യേ​ഷ​ന്‍റെ 40ാം വാ​ർ​ഷി​ക​ത്തി​ന്‍റെ ഭാ​ഗ​മാ​യി ന​ട​ത്തു​ന്ന ഓ​ണാ​ഘോ​ഷ​ത്തി​ൽ പ​​ങ്കെ​ടു​ക്കു​ന്നു​ണ്ട്.