സ്വാതന്ത്ര്യദിനം ആഘോഷമാക്കാൻ പ്രവാസിസമൂഹം

ദുബൈ: ഇന്ത്യയുടെ 75ാം സ്വാതന്ത്ര്യദിനം ആഘോഷിക്കാനൊരുങ്ങി പ്രവാസ​ി സമൂഹം. ഇന്ത്യൻ എംബസിയും കോൺസുലേറ്റും പ്രവാസി സംഘടനകളും സ്​ഥാപനങ്ങളും സ്​കൂളുകളും വിവിധ പരിപാടികൾ സംഘടിപ്പിക്കും.

രാജ്യത്തി​െൻറ 75ാം സ്വാതന്ത്ര്യദിനമായതിനാൽ വിപുലമായ ആഘോഷം നടത്താനാണ്​ സംഘടനകളുടെ തീരുമാനം. എന്നാൽ, കോവിഡ്​ നിബന്ധനകൾ പാലിച്ചാകും ആഘോഷങ്ങൾ. കൂടുതൽ സംഘടനകളും വെർച്വൽ ​പരിപാടികൾക്കാണ്​ പദ്ധതിയിട്ടത്​. അവധി ആയതിനാൽ സ്​കൂളുകളിൽ നേരിട്ട്​ പരിപാടികളില്ല. എന്നാൽ, പല സ്​കൂളുകളും വെർച്വൽ പരിപാടികൾ നടത്തുന്നുണ്ട്​.

ആഘോഷങ്ങളുടെ ഭാഗമായി ഒരാഴ്​ചയായി വിവിധ പരിപാടികൾ നടക്കുന്നുണ്ട്​. 'ആസാദി കാ അമൃത്​​ മഹോത്സവ്​' പരിപാടിയിൽ യു.എ.ഇയിലെ നയതന്ത്രജ്ഞരും പ്രവാസികളും പങ്കാളികളായിരുന്നു. ദേശീയഗാനം ആലപിച്ച്​ ഓൺലൈനിൽ അപ്​ലോഡ്​ ചെയ്​താണ്​ കാമ്പയി​െൻറ ഭാഗമായത്​.

അബൂദബിയിലെ ഇന്ത്യൻ എംബസിയിലെയും ദുബൈ കോൺസുലേറ്റിലെയും ഉന്നത ഉദ്യോഗസ്​ഥർ കാമ്പയിനിൽ പ​ങ്കെടുക്കുന്ന വിഡിയോകൾ സമൂഹ മാധ്യമങ്ങളിൽ പങ്കുവെച്ചു. ഇന്ത്യൻ അംബാസഡർ പവൻ കുമാർ, കോൺസുൽ ജനറൽ ഡോ. അമൻ പുരി എന്നിവരും ഇതി​െൻറ ഭാഗമായി. പ്രവാസികളായ നിരവധി പേരും കാമ്പയിനിൽ പങ്കാളികളാവുകയും ഓൺലൈനിലൂടെ സർട്ടിഫിക്കറ്റ്​​ നേടുകയും ചെയ്​തു. വിവിധ സംഘടനകളു​െട നേതൃത്വത്തിൽ ക്വിസ്​, ദേശീയ ഗാനാലാപന പരിപാടികൾ തുടങ്ങിയവ നടത്തിയിരുന്നു. ഇന്ത്യൻ വ്യാപാരസ്​ഥാപനങ്ങളിൽ ഈ മാസം ആദ്യംതന്നെ പതാകകൾ വിൽപനക്ക്​ എത്തി.

അബൂദബി ഇന്ത്യൻ എംബസിയിൽ രാവിലെ 8.30ന്​ അംബാസഡർ പവൻ കപൂർ പതാക ഉയർത്തി രാഷ്​ട്രപതിയുടെ സന്ദേശം വായിക്കും. ഇന്ത്യൻ കൗൺസിൽ ഫോർ കൾചറൽ റിലേഷൻസ്​ അവതരിപ്പിക്കുന്ന പരിപാടിയും അരങ്ങേറും. ​എംബസിയുടെയും കോൺസുലേറ്റി​െൻറയും വെബ്​സൈറ്റുകൾ വഴി പരിപാടികൾ കാണാം.

ദുബൈ ഇന്ത്യൻ കോൺസുലേറ്റി​െൻറ ആഘോഷം രാവിലെ 7.30 മുതൽ ഓൺലൈൻ പ്ലാറ്റ്​ഫോമുകളിൽ അരങ്ങേറും.