ഖോർഫക്കാൻ നീന്തിക്കടന്ന്​ പൊള്ളുന്ന പ്രവാസ​ത്തിലേക്ക്​...

പേ​ര്​: അ​ബ്​​ദു​ൽ വാ​ഹി​ദ്​

സ്വ​ദേ​ശം: കൊ​ല്ലം നി​ല​മേ​ൽ​

യു.​എ.​ഇ​യി​ൽ എ​ത്തി​യ​ത്​: 1970

1970ക​ളു​ടെ തു​ട​ക്ക​കാ​ലം. ആ ​സ​മ​യ​ത്താ​യി​രു​ന്നു കോ​ഴി​ക്കോ​ട്ടു​നി​ന്ന് പേ​ർ​ഷ്യ​യി​ലേ​ക്ക്​​ പു​റ​പ്പെ​ട്ട പ​ത്തേ​മാ​രി എ​വി​ടെ​യോ മു​ങ്ങി നൂ​റോ​ളം പേ​ർ മ​ര​ണ​പ്പെ​ട്ട​ത്. ഇ​വ​രു​ടെ വീ​ടു​ക​ൾ സ​ന്ദ​ർ​ശി​ക്കു​േ​മ്പാ​ൾ എ​െൻറ മ​ന​സ്സ്​​ മു​ഴു​വ​ൻ അ​ടു​ത്ത​യാ​ഴ്​​ച​ത്തെ ഗ​ൾ​ഫ്​ യാ​ത്ര​യെ കു​റി​ച്ചു​ള്ള ചി​ന്ത​യി​ലാ​യി​രു​ന്നു. ചെ​റു​പ്പ​ത്തി​െൻറ ആ​വേ​ശം​കൊ​ണ്ടാ​വാം, ഞ​ങ്ങ​ളു​ടെ തീ​രു​മാ​ന​ത്തെ പി​ന്തി​രി​പ്പി​ക്കാ​ൻ പോ​ന്ന​താ​യി​രു​ന്നി​ല്ല ആ ​അ​പ​ക​ട വാ​ർ​ത്ത.

അ​ന്ന്​ വ​യ​സ്സ്​​ 19. ഖോ​ർ​ഫ​ക്കാ​ൻ ല​ക്ഷ്യ​മി​ട്ട് കോ​ഴി​ക്കോ​ട്ടു​നി​ന്ന്​​ ഞ​ങ്ങ​ളു​ടെ യാ​ത്ര തു​ട​ങ്ങി. കാ​റ്റും കോ​ളു​മേ​റ്റ യാ​ത്ര​യാ​യി​രു​ന്നെ​ങ്കി​ലും ദൈ​വാ​നു​ഗ്ര​ഹ​ത്താ​ൽ അ​പ​ക​ട​മൊ​ന്നും കൂ​ടാ​തെ 14 ദി​വ​സം ക​ഴി​ഞ്ഞ്​ ഷാ​ർ​ജ​ക്ക്​ സ​മീ​പ​ത്തെ ഖോ​ർ​ഫ​ക്കാ​നി​ലെ​ത്തി. മാ​മാ​യും ഒ​പ്പ​മു​ണ്ടാ​യി​രു​ന്നു. ഖോ​ർ​ഫ​ക്കാ​നി​ലെ​ത്തി​യ​പ്പോ​ൾ എ​ല്ലാ​വ​രോ​ടും ക​പ്പ​ലി​ൽ​നി​ന്ന്​ ചാ​ടി​ക്കോ​ളാ​ൻ പ​റ​ഞ്ഞു. അ​വി​ടെ​നി​ന്ന്​ നീ​ന്തി​യാ​ണ്​ ക​ര​ക്ക്​ ക​യ​റി​യ​ത്. വെ​റും​കൈ​യോ​ടെ​യാ​ണ്​ ക​ര​ക്ക്​ ക​യ​റി​യ​ത്. പാ​സ്​​പോ​ർ​​ട്ടോ വി​സ​യോ ഒ​ന്നു​മി​ല്ല. പോ​കു​ന്ന വ​ഴി​യി​ൽ പൊ​ലീ​സ്​ സ്​​റ്റേ​ഷ​നി​ൽ ക​യ​റ്റി. എ​ല്ലാ​വ​രു​ടെ​യും പേ​ര്​ എ​ഴു​തി​വെ​ച്ച ശേ​ഷം വി​ട്ട​യ​ച്ചു. ഷാ​ർ​ജ​യി​ൽ ഹോ​ട്ട​ൽ ന​ട​ത്തി​യി​രു​ന്ന പ​രി​ച​യ​ക്കാ​ര​നാ​ണ്​ ഭ​ക്ഷ​ണ​വും വ​സ്​​ത്ര​വും ചെ​രി​പ്പു​മെ​ല്ലാം ത​ന്ന​ത്.

ദു​ബൈ​യി​ൽ എ​ത്തി​യ​പ്പോ​ൾ ബാ​പ്പ​യു​ടെ നാ​ടാ​യ തി​രു​വ​ന​ന്ത​പു​ര​ത്തു​കാ​രോ​ടൊ​പ്പ​മാ​യി​രു​ന്നു താ​മ​സം. ബേ​ന​സീ​ർ ഭു​​ട്ടോ​യു​ടെ നേ​തൃ​ത്വ​ത്തി​െ​ല റാ​ശി​ദീ​യ​യി​ലെ സ്​​റ്റീ​ൽ പ്ലാ​ൻ​റി​ൽ ചെ​റി​യൊ​രു ജോ​ലി കി​ട്ടി. പി​ന്നീ​ട്​ റാ​സ​ൽ​ഖൈ​മ​യി​ലേ​ക്ക്​ മാ​റി. റോ​ഡ്​ പ​ണി​ക്കെ​ത്തി​യ​വ​ർ​ക്ക്​ ഭ​ക്ഷ​ണം എ​ത്തി​ച്ച്​ കൊ​ടു​ക്ക​ലാ​യി​രു​ന്നു പ്ര​ധാ​ന ജോ​ലി. ഇ​തി​നി​ട​യി​ലാ​ണ്​ യു.​എ.​ഇ രൂ​പം​കൊ​ള്ളു​ന്ന​തും പു​തി​യ നി​യ​മം വ​രു​ന്ന​തും. വി​വി​ധ രാ​ജ്യ​ങ്ങ​ളി​ൽ​നി​ന്നെ​ത്തി​യ​വ​ർ പാ​സ്​​പോ​ർ​ട്ട്​ ഹാ​ജ​രാ​ക്ക​ണ​മെ​ന്ന്​ നി​ർ​ദേ​ശം വ​ന്നു. ഇ​ന്ത്യ​യി​ൽ​നി​ന്നെ​ത്തി​യ​വ​ർ​ക്ക്​ പാ​സ്​​പോ​ർ​ട്ട്​ ല​ഭ്യ​മാ​ക്ക​ണ​മെ​ന്ന്​ യു.​എ.​ഇ സ​ർ​ക്കാ​ർ അ​ന്ന​ത്തെ പ്ര​ധാ​ന​മ​ന്ത്രി ഇ​ന്ദി​ര ഗാ​ന്ധി​യെ അ​റി​യി​ച്ചു. ഉ​ട​ൻ​ത​ന്നെ ഇ​ന്ദി​ര​യു​ടെ ഇ​ട​പെ​ട​ലു​ണ്ടാ​യി. വെ​രി​ഫി​ക്കേ​ഷ​നൊ​ന്നു​മി​ല്ലാ​തെ എ​ത്ര​യും വേ​ഗ​ത്തി​ൽ ഇ​ന്ത്യ​ക്കാ​ർ​ക്ക്​ പാ​സ്​​പോ​ർ​ട്ട്​ ന​ൽ​കാ​ൻ എം​ബ​സി​ക്ക്​ നി​ർ​ദേ​ശം ന​ൽ​കി. അ​ങ്ങ​നെ​യാ​ണ്​ ഇ​ന്ത്യ​ക്കാ​രു​ടെ യാ​ത്ര​ക്ക്​ ഔ​ദ്യോ​ഗി​ക പ​രി​വേ​ഷം ല​ഭി​ച്ച​ത്. ഒ​രു​മാ​സ​ത്തി​നു​ള്ളി​ൽ എ​ല്ലാ​വ​ർ​ക്കും പാ​സ്​​പോ​ർ​ട്ട്​ ല​ഭി​ച്ചു. അ​തി​നു​ മു​മ്പ്​​ പാ​സ്​​പോ​ർ​ട്ട്​ പോ​ലു​ള്ള കാ​ർ​ഡു​ണ്ടാ​യി​രു​ന്നു. അ​ത്​ ഇ​പ്പോ​ഴും എ​െൻറ കൈ​യി​ലു​ണ്ട്.

1973ലാ​ണ്​ ദു​ബൈ എ​യ​ർ​പോ​ർ​ട്ടി​ൽ ജോ​ലി​ക്ക്​ ക​യ​റി​യ​ത്. കാ​റ്റ​റി​ങ്​ സ​ർ​വി​സി​ൽ 15 വ​ർ​ഷം അ​വി​ടെ​യാ​യി​രു​ന്നു ജോ​ലി. ഗ​ൾ​ഫ്​ എ​യ​റി​െൻറ ത​ട്ട​കം ഷാ​ർ​ജ​യി​ലേ​ക്ക്​ മാ​റി​യ​പ്പോ​ൾ ഞാ​നും അ​വി​ടേ​ക്ക്​ മാ​റി. ര​ണ്ടു​ വ​ർ​ഷം ഷാ​ർ​ജ​യി​ലാ​യി​രു​ന്നു. ഈ ​സ​മ​യ​ത്താ​ണ്​ ദു​ബൈ പൊ​ലീ​സി​ലെ ര​ണ്ട്​ പൊ​ലീ​സ്​ ഉ​ദ്യോ​ഗ​സ്ഥ​രെ പ​രി​ച​യ​പ്പെ​ട്ട​ത്. എ​െൻറ ജീ​വി​ത​ത്തി​ലെ വ​ഴി​ത്തി​രി​വാ​യ​ത്​ ഇ​വ​രാ​ണ്. ബ്രി​ഗേ​ഡി​യ​ർ ജു​മാ​മാ​ൻ, റാ​ശി​ദ്​ മ​സ്​​റൂ​യി. എ​െൻറ ജോ​ലി​യി​ലു​ള്ള താ​ൽ​പ​ര്യം ക​ണ്ട്​ ഇ​ഷ്​​ട​പ്പെ​ട്ട അ​വ​ർ പൊ​ലീ​സി​ലെ ജോ​ലി​ക്ക്​ ത​യാ​റാ​ണോ എ​ന്ന്​ ചോ​ദി​ച്ചു. താ​ൽ​പ​ര്യം പ​റ​ഞ്ഞ​പ്പോ​ൾ ഒ​രു ദി​വ​സം ഓ​ഫി​സി​ലേ​ക്ക്​ വ​രാ​ൻ പ​റ​ഞ്ഞു. ഇ​ൻ​റ​ർ​വ്യൂ പോ​ലും ഇ​ല്ലാ​തെ​യാ​ണ്​ അ​ന്ന്​ ജോ​ലി​ക്ക്​ നി​യ​മി​ച്ച​ത്. ജ​ബ​ൽ അ​ലി​യി​ലെ പൊ​ലീ​സ്​ കോ​ള​ജി​ൽ (ഇ​പ്പോ​ൾ അ​ക്കാ​ദ​മി) സൂ​പ്പ​ർ​വൈ​സ​റാ​യാ​ണ്​ ക​യ​റി​യ​ത്. എ​ട്ടു വ​ർ​ഷം ക​ഴി​ഞ്ഞ​പ്പോ​ൾ ഫു​ഡ്​ ഇ​ൻ​സ്​​െ​പ​ക്​​ട​റാ​യി. ജ​യി​ലു​ക​ളി​ലെ ഭ​ക്ഷ​ണ പ​രി​ശോ​ധ​ന​യാ​യി​രു​ന്നു പ്ര​ധാ​ന ജോ​ലി. ജോ​ലി​യു​ടെ ഭാ​ഗ​മാ​യി യു.​എ.​ഇ​യു​ടെ ഒ​ട്ടു​മി​ക്ക സ്ഥ​ല​ങ്ങ​ളും സ​ന്ദ​ർ​ശി​ക്കാ​ൻ ക​ഴി​ഞ്ഞു. 35 വ​ർ​ഷ​ങ്ങ​ൾ​ക്കു ശേ​ഷം ക​ഴി​ഞ്ഞ​യാ​ഴ്​​ച​യാ​ണ്​ ദു​ബൈ പൊ​ലീ​സി​ൽ​നി​ന്ന്​ വി​ട​പ​റ​ഞ്ഞ​ത്.

എ​നി​ക്ക്​ മാ​ത്ര​മ​ല്ല, എ​െൻറ കു​ടും​ബ​ത്തി​നാ​ക​മാ​നം തു​ണ​യാ​യ​ത്​ ദു​ബൈ​യാ​ണ്. ഞ​ങ്ങ​ൾ സ​ഹോ​ദ​ര​ങ്ങ​ൾ നാ​ല്​ പേ​രും ദു​ബൈ പൊ​ലീ​സി​ലാ​യി​രു​ന്നു ജോ​ലി. ദു​ബൈ പൊ​ലീ​സി​െൻറ റ​ഡാ​റി​ൽ ആ​ദ്യ​മാ​യി ജോ​ലി ചെ​യ്​​ത മ​ല​യാ​ളി​യാ​ണ്​ എ​െൻറ അ​നു​ജ​ൻ സു​ബൈ​ർ അ​ബ്​​ദു​ൽ ഖാ​ദ​ർ. സ​ഹോ​ദ​ര​ങ്ങ​ളാ​യ അ​ബ്​​ദു​ൽ സ​മ​ദും സു​ലൈ​മാ​നും ​ദു​ബൈ പൊ​ലീ​സി​െൻറ ഭാ​ഗ​മാ​ണ്. 'അ​ന​ധി​കൃ​ത​മാ​യി' യു.​എ.​ഇ​യി​ലെ​ത്തി​യ​തി​െൻറ പേ​രി​ൽ ജ​യി​ൽ ഭ​ക്ഷ​ണം ക​ഴി​ക്കേ​ണ്ട എ​ന്നെ ജ​യി​ലി​ലു​ള്ള​വ​ർ​ക്ക്​ ഭ​ക്ഷ​ണം കൊ​ടു​ക്കാ​ൻ നി​യോ​ഗി​ച്ച​ത്​ ഈ ​നാ​ടി​െൻറ മ​ഹാ​മ​ന​സ്​​ക​ത​യാ​ണ്.