നമ്മൾ പുതച്ചുറങ്ങവെ അവർ നഗരം സുന്ദരമാക്കി 

ദുബൈ: മഴയിൽ മുങ്ങി ചളിപിളിയായ ഞായറാഴ്​ച ഗതാഗതക്കുരുക്കിൽ കുടുങ്ങി ഏറെ വൈകി വീട്ടിലെത്തിയവർ തിങ്കളാഴ്​ച ജോലിക്കും കച്ചവടങ്ങൾക്കുമായി പുറത്തിറങ്ങിയപ്പോൾ കണ്ടത്​ നല്ല തെളിഞ്ഞു ​െവടിപ്പായ റോഡുകൾ.ഇത്​ അറബിക്കഥയിലെ മാന്ത്രികതയല്ല, ദുബൈ നഗരസഭയുടെ കീഴിലെ ഒരു പറ്റം തൊഴിലാളികളുടെയും ഉദ്യോഗസ്​ഥരുടെയും  അത്യധ്വാനത്തി​​െൻറ പ്രതിഫലനമായിരുന്നു.

 മഴത്തണുപ്പിൽ നമ്മൾ പുതച്ചു മൂടി ഉറങ്ങവെ ആ ​മനുഷ്യർ തോടായി മാറിയ റോഡുകളിലെയെല്ലാം വെള്ളം വാർത്തു കളയുന്ന തിരക്കിലായിരുന്നു. നഗരസഭയുടെ ഘൈത്ത്​ ദുബൈ സംഘം റെക്കോർഡ്​ നേരം കൊണ്ട്​ നൂറു കണക്കിന്​ പ്രദേശങ്ങളിലാണ്. കാലാവസ്​ഥാ മുന്നറിയിപ്പ്​ കേന്ദ്രത്തിൽ നിന്നുള്ള അറിയിപ്പും മഴക്കോളും കണ്ടപ്പോൾ തന്നെ സജ്ജരായി നിൽക്കാൻ നിർദേശം നൽകിയതായി ​ ‘ഘൈത്ത്​ ദുബൈ’ക്ക്​ നേതൃത്വം നൽകുന്ന നഗരസഭ പരിസ്​ഥിതി^പൊതുജനാരോഗ്യ വിഭാഗം അസി. ഡി.ജി താലിബ്​ ജുൽഫർ പറഞ്ഞു. അടിയന്തിര സേവന വിഭാഗവും എഞ്ചിനീയർമാരും തൊഴിലാളികളും ഉപകരണങ്ങളും യന്ത്രങ്ങളും ഒരുക്കി വെച്ചു തയ്യാറായി നിന്നു. നിരവധി ടാങ്കുകളും 160 പമ്പുകളുമാണ്​ ദുബൈയുടെ വിവിധ ഭാഗങ്ങളിലേക്ക്​ വിതരണം ചെയ്​തത്​. നഗരസഭാ കാൾ ​െസൻററിൽ വെള്ളക്കെട്ട്​ സംബന്ധിച്ച പരാതികൾ ലഭിച്ച ഇടങ്ങളിലെല്ലാം സംഘം കുതിച്ചെത്തി കെട്ടിക്കിടന്ന വെള്ളം നീക്കം ചെയ്​തും തിരിച്ചുവിട്ടും ഇവർ ജനജീവിതവും ഗതാഗതവും സുഗമമാക്കി. 

ഇതിനൊപ്പം ക്രീക്കിലെ ഒാവുകൾക്ക്​ പുറമെ എല്ലാ അടിയന്തിര ജല ബഹിർഗമന മാർഗങ്ങളും തുറന്നിട്ടാണ്​ വെള്ളം വറ്റിച്ചത്​. റോഡുകളും ജംങ്​ഷനുകളുമെല്ലാം ഇതോടെ സാധാരണ നിലയിലായി. കാൾ സ​െൻററിലേക്ക്​ 300 വിളികളാണ്​ എത്തിയതെന്ന്​ ജുൽഫർ പറഞ്ഞു. 12 ഹൈപ്രഷർ ടാങ്കുകൾ, 40 സബ്​സ്​റ്റേഷനുകൾ, 110 വിവിധ വലിപ്പത്തിലെ പമ്പുകൾ എന്നിവക്കൊപ്പം ജീവനക്കാർ 24 മണിക്കൂറും സജീവമായി പ്രവർത്തിച്ചാണ്​ ഇതു സാധ്യമാക്കിയതെന്ന്​ ഡ്രൈനേജ്​ നെറ്റ്​വർക്​ വിഭാഗം ഡയറക്​ടർ എഞ്ചിനീയർ ഹസ്സൻ മക്കി പറഞ്ഞു.