ദുബൈയിലേക്ക്​ സഞ്ചാരികളുടെ എണ്ണത്തിൽ വൻ വർധന

ദുബൈ: ഇൗ വർഷത്തി​​​െൻറ ആദ്യ പാദത്തിൽ തന്നെ ദുബൈയി​ലേക്കുള്ള സഞ്ചാരികളുടെ ഒഴുക്കിന്​ വൻ മു​േന്നറ്റം. 47 ലക്ഷം അന്താരാഷ്​ട്ര സഞ്ചാരികളാണ്​ ജനുവരി മുതൽ മാർച്ച്​ വരെയുള്ള കാലഘട്ടത്തിൽ ദുബൈയിലെത്തി രാപ്പാർത്തത്​. മുൻവർഷത്തേക്കാൾ രണ്ടു ശതമാനത്തി​​​െൻറ മികവാണ്​ കൈവരിച്ചതെന്ന്​ ഡിപ്പാർട്ട്​മ​​െൻറ്​ ഒഫ്​ ടൂറിസം ആൻറ്​ കൊമേഴ്​സ്​ മാർക്കറ്റിങ്​- ദുബൈ ടൂറിസം വാർത്താ കുറിപ്പിൽ അറിയിച്ചു. ഇൗ വരവ്​ ഹോട്ടൽ, വ്യോമയാന മേഖലകളിൽ മികച്ച മുന്നേറ്റത്തിന്​ സഹായകമായെന്നും വരും നാളുകളിലും ഇതി​​​െൻറ ഗുണഫലം ലഭ്യമാകുമെന്നും ദുബൈ ടൂറിസം ഡയറക്​ടർ ജനറൽ ഹിലാൽ സഇൗദ്​ അൽ മറി പറഞ്ഞു.  ഇന്ത്യൻ സഞ്ചാരികളാണ്​ ഇക്കുറിയും മുന്നിൽ.617,000 പേർ. ഇത്​ മുൻവർഷത്തേക്കാൾ ഏഴു ശതമാനത്തി​െൻ വർധനവാണ്​. റഷ്യയിൽ നിന്നുള്ള വരവിൽ പക്ഷെ കുതിച്ചു കയറ്റം തന്നെയാണുള്ളത്​.

റഷ്യക്കാർക്ക്​ വിസ ഒാൺ അറൈവൽ സംവിധാനം നിലവിൽ വന്നതോടെ 106 ശതമാനം വർധനവാണ്​ സംഭവിച്ചത്​. 259,000 പേരാണ്​ എത്തിയത്​. വിസ ഒാൺ അറൈവൽ സൗകര്യം പ്രയോജനപ്പെടുത്തി ചൈനക്കാരും ഒഴുകിയെത്തി.  258,000 ചൈനീസ്​ സഞ്ചാരികളാണ്​ വന്നത്​. യൂറോപിൽ നിന്നുള്ള സഞ്ചാരികളുടെ വരവിലും മികച്ച മുന്നേറ്റമുണ്ട്​. മിക്ക രാജ്യങ്ങളിൽ നിന്നും മുൻവർഷത്തേക്കാൾ ഇരട്ടിപേർ. ജർമനിയിൽ നിന്ന്​ 194,000, ഫ്രാൻസിൽ നിന്ന്​ 103,000, ഇറ്റലിയിൽ നിന്ന്​  80,000 എന്നിങ്ങനെയാണ്​ എത്തിയ സഞ്ചാരികൾ.  2020 ആകു​േമ്പാഴേക്കും പ്രതിവർഷം 2 കോടി സഞ്ചാരികളെ സ്വീകരിക്കാൻ കഴിയുക എന്ന ടൂറിസം വിഷൻ പ്രാവർത്തികമാക്കാൻ സർക്കാർ^ സ്വകാര്യ പങ്കാളിത്തത്തിൽ മികച്ച ശ്രമങ്ങളാണ്​ നടന്നു വരുന്നത്​.