അ​ബൂ​ദ​ബി ലോ​ക​ത്തെ പ്ര​മു​ഖ സ്‌​പോ​ർ​ട്‌​സ് ടൂ​റി​സം ഡെ​സ്​​റ്റി​നേ​ഷ​ൻ

അ​ബൂ​ദ​ബി: വേ​ൾ​ഡ് ട്രാ​വ​ൽ അ​വാ​ർ​ഡി​ൽ ലോ​ക​ത്തെ പ്ര​മു​ഖ സ്‌​പോ​ർ​ട്‌​സ് ടൂ​റി​സം ഡെ​സ്​​റ്റി​നേ​ഷ​നാ​യി അ​ബൂ​ദ​ബി തെ​ര​ഞ്ഞെ​ടു​ക്ക​പ്പെ​ട്ടു. അ​ബൂ​ദ​ബി സാം​സ്‌​കാ​രി​ക ടൂ​റി​സം വ​കു​പ്പ് പ്ര​തി​നി​ധി​ക​ൾ ലോ​ക യാ​ത്രാ അ​വാ​ർ​ഡ് സ്വീ​ക​രി​ച്ചു.ഈ ​വ​ർ​ഷം അ​ബൂ​ദ​ബി നേ​ടി​യ ഒ​ട്ടേ​റെ അം​ഗീ​കാ​ര​ങ്ങ​ളി​ൽ ഏ​റ്റ​വും പു​തി​യ​താ​ണ് ഈ ​അ​വാ​ർ​ഡ്. ഡ​ബ്ല്യു.​ടി.​എ​യു​ടെ മി​ഡി​ൽ ഈ​സ്​​റ്റ്​​പ​രി​പാ​ടി​യി​ൽ മി​ഡി​ൽ ഈ​സ്​​റ്റി​​െൻറ പ്ര​മു​ഖ ബി​സി​ന​സ് ടൂ​റി​സം ഡെ​സ്​​റ്റി​നേ​ഷ​നാ​യി തെ​ര​ഞ്ഞെ​ടു​ക്ക​പ്പെ​ട്ടു. യു.​കെ.​യി​ലെ സെ​ല്ലി​ങ്​ ട്രാ​വ​ൽ ഏ​ജ​ൻ​റു​മാ​രു​ടെ ചോ​യ്‌​സ് അ​വാ​ർ​ഡു​ക​ളി​ൽ മി​ക​ച്ച സി​റ്റി ബ്രേ​ക്ക് അ​വാ​ർ​ഡും അ​ബൂ​ദ​ബി ക​ര​സ്ഥ​മാ​ക്കി.

സ്പെ​ഷ​ൽ ഒ​ളി​മ്പി​ക്‌​സ് പോ​ലു​ള്ള ലോ​ക​ത്തെ മി​ക​ച്ച കാ​യി​ക മ​ത്സ​ര​ങ്ങ​ൾ​ക്ക് ആ​തി​ഥേ​യ​ത്വം വ​ഹി​ച്ച​തി​നു ശേ​ഷം 2019ലെ ​സ്‌​പോ​ർ​ട്‌​സ് ടൂ​റി​സ​ത്തി​​െൻറ പ്രീ​മി​യം ഡെ​സ്​​റ്റി​നേ​ഷ​നാ​യി അ​ബൂ​ദ​ബി തി​ള​ങ്ങി. ലോ​ക ഗെ​യിം​സ് 2019, യു.​എ​ഫ്.​സി 242 ഷോ​ഡൗ​ൺ, ബ്ര​സീ​ൽ ദ​ക്ഷി​ണ കൊ​റി​യ അ​ന്താ​രാ​ഷ്​​ട്ര സൗ​ഹൃ​ദ മ​ത്സ​രം. ഫോ​ർ​മു​ല വ​ൺ ഇ​ത്തി​ഹാ​ദ് അ​ബൂ​ദ​ബി ഗ്രാ​ൻ​ഡ് പ്രീ, ​അ​ഡ്‌​നോ​ക് അ​ബൂ​ദ​ബി മാ​ര​ത്ത​ൺ, മു​ബാ​ദ​ല വേ​ൾ​ഡ് ടെ​ന്നി​സ് ചാ​മ്പ്യ​ൻ​ഷി​പ്, അ​ബൂ​ദ​ബി ഗോ​ൾ​ഫ് ചാ​മ്പ്യ​ൻ​ഷി​പ്, ഐ.​ടി.​യു വേ​ൾ​ഡ് ട്ര​യാ​ത​ല​ൺ അ​ബൂ​ദ​ബി എ​ന്നി​വ​യു​ൾ​പ്പെ​ടെ യു.​എ.​ഇ ത​ല​സ്ഥാ​ന​മാ​യ അ​ബൂ​ദ​ബി ഒ​ട്ടേ​റെ കാ​യി​ക ഇ​ന​ങ്ങ​ൾ​ക്ക് ആ​തി​ഥേ​യ​ത്വം വ​ഹി​ച്ചു.

ലോ​ക​ത്തെ പ്ര​മു​ഖ ടൂ​റി​സം വ്യ​വ​സാ​യ അ​വാ​ർ​ഡു​ക​ളി​ലൊ​ന്നാ​യി അ​ബൂ​ദ​ബി​യെ അം​ഗീ​ക​രി​ച്ച​തി​ൽ അ​ബൂ​ദ​ബി സാം​സ്‌​കാ​രി​ക ടൂ​റി​സം വ​കു​പ്പ് മെ​ന റീ​ജ​ന​ൽ പ്ര​മോ​ഷ​ൻ മാ​നേ​ജ​ർ ന​ബീ​ൽ എം. ​അ​ൽ സാ​റൂ​നി ചൂ​ണ്ടി​ക്കാ​ട്ടി. അ​ബൂ​ദ​ബി​യി​ൽ ടൂ​റി​സം പ്രോ​ത്സാ​ഹി​പ്പി​ക്കു​ന്ന​തി​നും ബി​സി​ന​സ്, കാ​യി​കം, വി​നോ​ദം, സം​സ്‌​കാ​രം എ​ന്നി​വ​യു​ടെ ആ​ഗോ​ള കേ​ന്ദ്ര​മാ​യി അ​ബൂ​ദ​ബി​യെ മാ​റ്റി​യ​തി​നു​മാ​ണ് അ​വാ​ർ​ഡ്.