വിനോദസഞ്ചാര ദിനം; നിരക്കിളവുമായി ഫുജൈറ ഹോട്ടലുകൾ

ഫു​ജൈ​റ: എ​മി​റേ​റ്റി​ലെ ഹോ​ട്ട​ല്‍ മേ​ഖ​ല​യു​മാ​യി സ​ഹ​ക​രി​ച്ച് ഫു​ജൈ​റ ടൂ​റി​സം, പു​രാ​വ​സ്തു വ​കു​പ്പ് ‘ഫു​ജൈ​റ ന​മ്മെ ചേ​ര്‍ത്തു നി​ര്‍ത്തു​ന്നു’ ത​ല​ക്കെ​ട്ടി​ൽ കാ​മ്പ​യി​ന്‍ സം​ഘ​ടി​പ്പി​ക്കു​ന്നു. അ​ന്താ​രാ​ഷ്ട്ര വി​നോ​ദ​സ​ഞ്ചാ​ര ദി​ന​മാ​യ സെ​പ്റ്റം​ബ​ർ 27 മു​ത​ൽ 30 വ​രെ നീ​ളു​ന്ന കാ​മ്പ​യി​നി​ല്‍ ഫു​ജൈ​റ​യി​ലെ വി​വി​ധ ഹോ​ട്ട​ലു​ക​ൾ പ​ങ്കാ​ളി​ക​ളാ​കും.

കാ​മ്പ​യി​ന്‍ കാ​ല​യ​ള​വി​ല്‍ ഹോ​ട്ട​ലു​ക​ളി​ല്‍ 20 ശ​ത​മാ​നം മു​ത​ൽ 40 ശ​ത​മാ​നം വ​രെ നി​ര​ക്കി​ള​വ്​ ല​ഭി​ക്കും. എ​മി​റേ​റ്റി​ലെ വി​നോ​ദ​സ​ഞ്ചാ​രം പ്രോ​ത്സാ​ഹി​പ്പി​ക്കാ​നും ഹോ​ട്ട​ൽ മേ​ഖ​ല​യെ സ​ജീ​വ​മാ​ക്കാ​നും ല​ക്ഷ്യ​മി​ട്ടാ​ണ് കാ​മ്പ​യി​നെ​ന്ന് ടൂ​റി​സം, പു​രാ​വ​സ്തു വ​കു​പ്പ് ഡ​യ​റ​ക്ട​ർ സ​യീ​ദ് അ​ൽ സ​മാ​ഹി വി​ശ​ദീ​ക​രി​ച്ചു.

ഫു​ജൈ​റ​യി​ലെ ഹോ​ട്ട​ലു​ക​ളി​ലെ​യും റി​സോ​ർ​ട്ടു​ക​ളി​ലെ​യും റ​സ്റ്റാ​റ​ന്റ് സേ​വ​ന​ങ്ങ​ൾ, റൂ​മു​ക​ള്‍, വി​നോ​ദ​സൗ​ക​ര്യ​ങ്ങ​ൾ എ​ന്നി​വ​ക്ക്​ ഇ​ള​വ്​ ബാ​ധ​ക​മാ​ണ്. കാ​മ്പ​യി​നി​ൽ പ​ങ്കാ​ളി​ക​ളാ​കു​ന്ന ഹോ​ട്ട​ലു​ക​ളു​ടെ പ​ട്ടി​ക പു​റ​ത്തു​വി​ട്ടു.

അ​ഡ്ര​സ് ബീ​ച്ച് റി​സോ​ർ​ട്ട് 40 ശ​ത​മാ​നം, അ​ൽ ബ​ഹാ​ർ ഹോ​ട്ട​ല്‍ ആ​ൻ​ഡ്​ റി​സോ​ർ​ട്ട് 25 ശ​ത​മാ​നം, കോ​ൺ​കോ​ർ​ഡ് ഹോ​ട്ട​ൽ 25 ശ​ത​മാ​നം, റോ​യ​ൽ എം ​ഹോ​ട്ട​ൽ 25 ശ​ത​മാ​നം, ഇ​ന്റ​ർ​കോ​ണ്ടി​നെ​ന്റ​ൽ റി​സോ​ർ​ട്ട് 25 ശ​ത​മാ​നം, മി​റാ​മ​ർ അ​ൽ അ​ഖ ഹോ​ട്ട​ൽ ആ​ൻ​ഡ് റി​സോ​ർ​ട്ട് 25 ശ​ത​മാ​നം, റൊ​ട്ടാ​ന 25 ശ​ത​മാ​നം, റൊ​ട്ടാ​ന റി​സോ​ർ​ട്ട്​ ആ​ൻ​ഡ്​ സ്പാ 25 ​ശ​ത​മാ​നം, റാ​ഡി​സ​ൺ ബ്ലൂ ​ഹോ​ട്ട​ൽ 25 ശ​ത​മാ​നം, മി​റാ​ഷ് ബാ​ബ് അ​ൽ ബ​ഹ​ർ റി​സോ​ർ​ട്ട് 25 ശ​ത​മാ​നം, നോ​വോ​ട്ട​ല്‍ ഹോ​ട്ട​ല്‍ 25 ശ​ത​മാ​നം എ​ന്നി​ങ്ങ​നെ​യാ​ണ്​ വി​വി​ധ ഹോ​ട്ട​ലു​ക​ൾ ന​ൽ​കു​ന്ന ഇ​ള​വ്. പൗ​ര​ന്മാ​ർ​ക്കും താ​മ​സ​ക്കാ​ർ​ക്കും വി​നോ​ദ​സ​ഞ്ചാ​രി​ക​ൾ​ക്കും അ​വ​രു​ടെ കു​ടും​ബ​ത്തോ​ടൊ​പ്പം ലോ​കോ​ത്ത​ര ആ​തി​ഥ്യ​വും ആ​ഡം​ബ​ര​വും ആ​സ്വ​ദി​ക്കാ​നു​ള്ള ന​ല്ല അ​വ​സ​ര​മാ​യി​രി​ക്കു​മി​തെ​ന്ന്​ അ​ധി​കൃ​ത​ർ പ​റ​ഞ്ഞു.