തെറ്റിദ്ധരിപ്പിക്കുന്ന വിവരങ്ങൾ കൈമാറി; മുൻ സ്വകാര്യ ബാങ്കർക്ക് 36 ലക്ഷം ദിർഹം പിഴ

ദു​ബൈ: ക​ള്ള​പ്പ​ണം വെ​ളു​പ്പി​ക്കു​ന്ന​തി​നെ​തി​രാ​യ നി​യ​മ​ങ്ങ​ളി​ൽ വീ​ഴ്ച​വ​രു​ത്താ​ൻ ക​മ്പ​നി​ക്ക്​ കൂ​ട്ടു​നി​ൽ​ക്കു​ക​യും തെ​റ്റി​ദ്ധ​രി​പ്പി​ക്കു​ന്ന രീ​തി​യി​ൽ വി​വ​ര​ങ്ങ​ൾ കൈ​മാ​റു​ക​യും ചെ​യ്ത എ​മി​റേ​റ്റി​ലെ മു​ൻ സ്വ​കാ​ര്യ ബാ​ങ്ക​ർ​ക്ക്​ 36 ല​ക്ഷം ദി​ർ​ഹം പി​ഴ ചു​മ​ത്തി ദു​ബൈ ഫി​നാ​ൻ​ഷ്യ​ൽ സ​ർ​വി​സ​സ്​ അ​തോ​റി​റ്റി (ഡി.​എ​ഫ്.​എ​സ്.​എ).

ദു​ബൈ ആ​സ്ഥാ​ന​മാ​യി പ്ര​വ​ർ​ത്തി​ക്കു​ന്ന ധ​ന ഇ​ട​പാ​ട്​ സ്ഥാ​പ​ന​മാ​യ മി​റാ​ബൗ​ദ്​ ലി​മി​റ്റ​ഡി​ലെ സ്വ​കാ​ര്യ​ ബാ​ങ്ക​റാ​യി​രു​ന്ന പീ​റ്റ​ർ ജോ​ർ​ജി​യു​വി​നാ​ണ് ഡി.​എ​ഫ്.​എ​സ്.​എ​ വ​ൻ തു​ക പി​ഴ ചു​മ​ത്തി​യ​ത്. പി​ഴ കൂ​ടാ​തെ ഡി.​എ​ഫ്.​എ​സ്.​എ അം​ഗീ​കാ​ര​മു​ള്ള സ്ഥാ​പ​ന​ങ്ങ​ളി​ൽ ജോ​ലി ചെ​യ്യു​ന്ന​തി​ൽ നി​ന്നും ഓ​ഫി​സ്​ പ്ര​വ​ർ​ത്തി​പ്പി​ക്കു​ന്ന​തി​ൽ​നി​ന്നും ഇ​ദ്ദേ​ഹ​ത്തെ വി​ല​ക്കി​യി​ട്ടു​ണ്ട്. സ്ഥാ​പ​ന​ത്തി​ൽ ജോ​ലി ചെ​യ്യു​മ്പോ​ൾ ക​ള്ള​പ്പ​ണം വെ​ളു​പ്പി​ക്ക​ലി​നെ​തി​രാ​യ ന​ട​പ​ടി​ക​ളെ​ക്കു​റി​ച്ച്​ ജോ​ർ​ജി​യു തെ​റ്റാ​യ വി​വ​ര​ങ്ങ​ളാ​ണ്​ ന​ൽ​കി​യ​തെ​ന്ന്​ അ​ധി​കൃ​ത​ർ പ​രി​ശോ​ധ​ന​യി​ൽ ക​ണ്ടെ​ത്തി​യി​രു​ന്നു.

ഇ​ട​പാ​ടു​കാ​ർ​ക്ക്​ ഇ​ദ്ദേ​ഹ​ത്തി​ന്‍റെ അ​റി​വോ​ടെ​യാ​ണ്​ തെ​റ്റാ​യ ഇ-​മെ​യി​ൽ സ​ന്ദേ​ശ​ങ്ങ​ൾ അ​യ​ച്ച​ത്. അ​ധി​കൃ​ത​രു​മാ​യു​ള്ള കൂ​ടി​ക്കാ​ഴ്ച​യി​ലും തെ​റ്റാ​യ വി​വ​ര​ങ്ങ​ളാ​ണ്​ ഇ​ദ്ദേ​ഹം ന​ൽ​കി​യ​തെ​ന്നും ഡി.​എ​ഫ്.​എ​സ്.​എ വ്യ​ക്ത​മാ​ക്കി. ക​ള്ള​പ്പ​ണം ത​ട​യു​ന്ന​തി​നാ​യു​ള്ള നി​യ​മ​ത്തി​ൽ വീ​ഴ്ച​വ​രു​ത്തി​യ​തി​ന്​ 2023 ജൂ​ലൈ​യി​ലും ക​മ്പ​നി​ക്കെ​തി​രെ 30 ല​ക്ഷം ഡോ​ള​ർ പി​ഴ ചു​മ​ത്തി​യി​രു​ന്നു.