യാ​ത്ര കൂ​ടു​ത​ൽ സു​ഗ​മ​മാ​ക്കാ​ൻ അ​ത്യാ​ധു​നി​ക സ്മാ​ർ​ട്ട് ഗേ​റ്റു​ക​ൾ

ദു​ബൈ: ദി​നം​പ്ര​തി ആ​യി​ര​ക്ക​ണ​ക്കി​ന് യാ​ത്ര​ക്കാ​ർ ക​ട​ന്നു​പോ​കു​ന്ന ലോ​ക​ത്തി​ലെ ഏ​റ്റ​വും തി​ര​ ക്ക​റി​യ എ​യ​ർ​പോ​ർ​ട്ടു​ക​ളി​ൽ ഒ​ന്നാ​യ ദു​ബൈ രാ​ജ്യാ​ന്ത​ര എ​യ​ർ​പോ​ർ​ട്ടി​ൽ എ​മി​ഗ്രേ​ഷ​ൻ ന​ട​പ​ടി​ക​ൾ അ​തീ​വ സു​ഗ​മ​മാ​ക്കി അ​ത്യാ​ധു​നി​ക സ്മാ​ർ​ട്ട് ഗേ​റ്റ് സം​വി​ധാ​നം. എ​യ​ർ​പോ​ർ​ട്ടി​ലെ പാ​സ്പോ​ർ​ട്ട് കൗ​ണ്ട​റു​ക​ളു​ടെ മു​ന്നി​ൽ സാ​ധാ​ര​ണ ഗ​തി​യി​ലു​ണ്ടാ​കു​ന്ന നീ​ണ്ട ക്യു​വി​ൽ കാ​ത്തു നി​ൽ​ക്കാ​തെ സെ​ക്ക​ൻ​റു​ക​ൾ കൊ​ണ്ട് ആ​ഗ​മ​ന​വും നി​ർ​ഗ​മ​ന​വും സാ​ധ്യ​മാ​ക്കു​ന്ന സ്മാ​ർ​ട്ട് ഗേ​റ്റി​ലൂ​ടെ​യു​ള്ള ന​ട​പ​ടി​ക​ൾ സ​ന്തോ​ഷ​ക​ര​മാ​യ യാ​ത്ര അ​നു​ഭ​വ​ങ്ങ​ളാ​ണ് സ​ഞ്ചാ​രി​ക​ൾ​ക്ക് പ​ക​രു​ന്ന​ത്. 122 സ്മാ​ർ​ട്ട് ഗേ​റ്റു​ക​ളാ​ണ്​ ഇ​വി​ടെ​യു​ള്ള​ത്. ക​ഴി​ഞ്ഞ വ​ർ​ഷം ദു​ബൈ എ​യ​ർ​പോ​ർ​ട്ടി​ലെ സ്മാ​ർ​ട്ട് ഗേ​റ്റ് ഉ​പ​യോ​ഗി​ച്ച് യാ​ത്ര ന​ട​ത്തി​യ​ത് 10.7മി​ല്യ​ൺ പേ​രാ​യി​രു​ന്നു. 2018 വ​ർ​ഷ​ത്തെ ദു​ബൈ​യി​ലെ ആ​കെ യാ​ത്ര​ക്കാ​രി​ലെ 22.3 ശ​ത​മാ​ന​വും ത​ങ്ങ​ളു​ടെ എ​മി​ഗ്രേ​ഷ​ൻ യാ​ത്ര ന​ട​പ​ടി​യ്ക്ക് ഉ​പ​യോ​ഗ​പ്പെ​ടു​ത്തി​യ​തും ഈ ​അ​ത്യാ​ധു​നി​ക സ്മാ​ർ​ട്ട് ഗേ​റ്റ് മു​ഖേ​ന​യു​ള്ള ന​ട​പ​ടി​യാ​ണ്.

2019-ലെ ​ആ​ദ്യ​ത്തെ മൂ​ന്ന് മാ​സ​ത്തി​നു​ള്ളി​ൽ 1,940,660 പേ​ർ ഇ​ത് ഉ​പ​യോ​ഗി​ച്ച​താ​യി അ​ധി​ക്യ​ത​ർ വെ​ളി​പ്പെ​ടു​ത്തു​ന്നു. ഈ​ദു​ൽ ഫി​ത്ത​ർ അ​വ​ധി ദി​ന​ങ്ങ​ളി​ൽ 352,306 യാ​ത്ര​ക്കാ​രാ​ണ് ഇ​തി​ലൂ​ടെ സേ​വ​നം തേ​ടി​യെ​ന്ന് ജ​ന​റ​ൽ ഡ​യ​റ​ക്ട​റേ​റ്റ് ഓ​ഫ് റ​സി​ഡ​ൻ​സി ആ​ൻ​ഡ് ഫോ​റി​നേ​ഴ്സ് അ​ഫ​യേ​ഴ്‌​സ് മേ​ധാ​വി മേ​ജ​ർ ജ​ന​റ​ൽ മു​ഹ​മ്മ​ദ് അ​ഹ്‌​മ​ദ്‌ റാ​ശി​ദ് അ​ൽ മ​റി അ​റി​യി​ച്ചു. ല​ളി​ത​മാ​യ ന​ട​പ​ടി ക്ര​മ​ങ്ങ​ളാ​ണ് സ്മാ​ർ​ട്ട് ഗേ​റ്റി​ലൂ​ടെ​യു​ള്ള യാ​ത്ര​ക്ക് വേ​ണ്ട​ത്​ .എ​മി​റേ​റ്റ്‌​സ് ഐ​ഡി,പാ​സ്പോ​ർ​ട്ട്, GDRFA dubai എ​ന്ന സ്മാ​ർ​ട്ട് ആ​പ്പ്,യു.​എ.​ഇ വാ​ല​റ്റ് ,എ​മി​റേ​റ്റ്‌​സ് സ്കൈ​വാ​ർ​ഡ്സ് എ​ന്നി​വ എ​ല്ലാം ഉ​പ​യോ​ഗ​പ്പെ​ടു​ത്തി ദു​ബൈ എ​യ​ർ​പോ​ർ​ട്ടി​ലെ സ്മാ​ർ​ട്ട് ഗേ​റ്റി​ലൂ​ടെ യാ​ത്ര ചെ​യ്യാം.​എ​മി​റേ​റ്റ്‌​സ് ഐ​ഡി ഉ​പ​യോ​ഗി​ച്ചു​ള്ള യാ​ത്ര ഏ​റ്റ​വും ല​ളി​ത​മാ​ണ്‌ .സ്മാ​ർ​ട്ട് ഗേ​റ്റി​ൽ പ്ര​വേ​ശി​ച്ചാ​ൽ ഗേ​റ്റി​ലെ പ്ര​ത്യേ​ക ഇ​ല​ക്ട്രി​ക് അ​റ​യി​ൽ ഐ.​ഡി നി​ക്ഷേ​പി​ക്കാ​നു​ള്ള ശ​ബ്​​ദ സ​ന്ദേ​ശ​വും ഗ്രാ​ഫി​ക് വീ​ഡി​യോ​യും സ്‌​ക്രീ​നി​ൽ തെ​ളി​യും. ഉ​ട​ൻ എ​മി​റേ​റ്റ്‌​സ് ഐ.​ഡി അ​തി​ൽ കാ​ണി​ക്കു​ക.​തു​ട​ർ​ന്ന് വി​ര​ല​ട​യാ​ളം ന​ൽ​കാ​നു​ള്ള നി​ർ​ദ്ദേ​ശം ല​ഭി​ക്കും. അ​ത് പൂ​ർ​ത്തി​യാ​ക്കി​യാ​ൽ മു​ഖം തി​രി​ച്ച​റി​യാ​നു​ള്ള സ്‌​ക്രീ​നി​ലേ​ക്ക് നേ​ക്കാ​നു​ള്ള നി​ർ​ദ്ദേ​ശ​വും ല​ഭി​ക്കും. ഉ​ട​ൻ ത​ന്നെ ന​ട​പ​ടി​ക​ൾ എ​ല്ലാം പൂ​ർ​ത്തി​യാ​ക്കി മു​ന്നി​ലെ എ​ക്സി​റ്റ്‌ ഗേ​റ്റ് തു​റ​ക്ക​പ്പെ​ടും.