മ​ല​ക​ൾ​ക്കി​ട​യി​ൽ കു​ടു​ങ്ങി​യ സ​ഞ്ചാ​രി​യെ ര​ക്ഷ​പ്പെ​ടു​ത്തി

ഫു​ജൈ​റ: ഫു​ജൈ​റ​യി​ലെ മ​ല​നി​ര​ക​ളി​ൽ കു​ടു​ങ്ങി​യ സാ​ഹ​സി​ക സ​ഞ്ചാ​രി​യെ ഹെ​ലി​കോ​പ്​​റ്റ​ർ ഉ​പ​യോ​ഗി​ച്ച്​ ര​ക്ഷ​പ്പെ​ടു​ത്തി. ഫു​ജൈ​റ ​പൊ​ലീ​സി​ന്‍റെ​യും സി​വി​ൽ ഡി​ഫ​ൻ​സി​ന്‍റെ സ​ഹാ​യ​ത്തോ​ടെ നാ​ഷ​ന​ൽ സെ​ർ​ച്ച്​ ആ​ൻ​ഡ്​ റ​സ്ക്യൂ സെ​ന്‍റ​ർ (എ​ൻ.​എ​സ്.​ആ​ർ.​സി) ആ​ണ്​ ര​ക്ഷാ​പ്ര​വ​ർ​ത്ത​നം ന​ട​ത്തി​യ​ത്.

ര​ക്ഷാ​പ്ര​വ​ർ​ത്ത​ക​ർ ക​ണ്ടെ​ത്തു​മ്പോ​ൾ ഇ​യാ​ൾ തീ​ർ​ത്തും അ​വ​ശ​നി​ല​യി​ലാ​യി​രു​ന്നു. തു​ട​ർ​ന്ന്​ ഹെ​ലി​കോ​പ്​​റ്റ​ർ ഉ​പ​യോ​ഗി​ച്ച്​ എ​യ​ർ ലി​ഫ്​​റ്റ്​ ചെ​യ്ത ശേ​ഷം യു​വാ​വി​നെ ആ​ശു​പ​ത്രി​യി​ൽ പ്ര​വേ​ശി​പ്പി​ച്ച​താ​യി എ​ൻ.​എ​സ്.​ആ​ർ.​സി വൃ​ത്ത​ങ്ങ​ൾ അ​റി​യി​ച്ചു.

വെ​ള്ളി​യാ​ഴ്ച ഉ​ച്ച​യോ​ടെ​യാ​ണ്​ സം​ഭ​വം. മ​ല ക​യ​റു​ന്ന​തി​നി​ടെ പി​ടി​വി​ട്ട്​ താ​ഴേ​ക്ക്​ വീ​ണ​താ​കാ​മെ​ന്നാ​ണ്​ സം​ശ​യി​ക്കു​ന്ന​ത്. സം​ഭ​വം റി​പ്പോ​ർ​ട്ട്​ ചെ​യ്ത ഉ​ട​ൻ ര​ക്ഷാ​പ്ര​വ​ർ​ത്ത​നം ആ​രം​ഭി​ച്ച ​ധ്രു​ത​ക​ർ​മ​സേ​ന ഹെ​ലി​കോ​പ്​​റ്റ​റി​ൽ സം​ഭ​വ​സ്ഥ​ലം തി​രി​ച്ച​റി​യു​ക​യും ഇ​യാ​ളു​ടെ അ​ടു​ത്തേ​ക്ക്​ ര​ക്ഷാ​പ്ര​വ​ർ​ത്ത​ക​രെ അ​യ​ക്കു​ക​യു​മാ​യി​രു​ന്നു. വൈ​കീ​ട്ടോ​ടെ​യാ​ണ്​ ര​ക്ഷാ​പ്ര​വ​ർ​ത്ത​നം അ​വ​സാ​നി​ച്ച​ത്.

മ​ല ക​യ​റാ​നെ​ത്തു​ന്ന നി​വാ​സി​ക​ളും സ​ന്ദ​ർ​ശ​ക​രും കൂ​ടു​ത​ൽ മു​ൻ​ക​രു​ത​ൽ സ്വീ​ക​രി​ക്ക​ണ​മെ​ന്ന്​ അ​ധി​കൃ​ത​ർ അ​ഭ്യ​ർ​ഥി​ച്ചു. മ​ല ക​യ​റു​ന്ന​വ​ർ​ക്ക്​ അ​തി​ജീ​വി​ക്കാ​നു​ള്ള ചി​ല ടി​പ്​​സു​ക​ളും മു​മ്പ്​ അ​ധി​കൃ​ത​ർ പു​റ​ത്തു​വി​ട്ടി​രു​ന്നു. കൂ​ടു​ത​ൽ വെ​ള്ള​വും ഭ​ക്ഷ​ണ​വും ക​രു​തു​ക, ഫോ​ൺ ഫു​ൾ ചാ​ർ​ജാ​ണെ​ന്ന്​ ഉ​റ​പ്പു​വ​രു​ത്തു​ക തു​ട​ങ്ങി​യ​വ ഇ​തി​ൽ പ്ര​ധാ​ന​മാ​ണ്. അ​ടി​യ​ന്ത​ര ഘ​ട്ട​ത്തി​ൽ 999 എ​ന്ന ന​മ്പ​റി​ൽ സ​ഹാ​യം തേ​ടാ​മെ​ന്നും ര​ക്ഷാ​സേ​ന അ​റി​യി​ച്ചു.