കോവിഡ്​ പ്രതിരോധപ്രവർത്തനങ്ങൾക്ക്​ നേതൃത്വം നൽകിയവർക്ക്​ ആദരം

ദുബൈ: കോവിഡ് കാല പ്രതിരോധ, സാമൂഹിക പ്രവര്‍ത്തനങ്ങള്‍ക്ക് ദുബൈയില്‍ നേതൃത്വം നല്‍കിയ ഐ.സി.എഫ്​, പ്രവാസി ഇന്ത്യ, ഐ.എം.സി.സി, എം.എസ്​.എസ്​, ഒാർമ തുടങ്ങിയ സംഘടനകളിലെ പ്രവര്‍ത്തകരെ വതനി അല്‍ ഇമാറാത്ത് ഡയറക്ടര്‍ ദിറാര്‍ ബല്‍ഹൂല്‍ അല്‍ ഫലാസി ദുബൈ മർകസിൽ നടന്ന ചടങ്ങിൽ ആദരിച്ചു.

മലയാളി സന്നദ്ധ പ്രവർത്തകരുടെ പ്രവർത്തനങ്ങൾ യു.എ.ഇയിലെ ആരോഗ്യ പ്രവർത്തകർക്കും പൊലീസിനും ഒപ്പം നിൽക്കുന്നതാണെന്ന് അൽഫലാസി പറഞ്ഞു. യു.എ.ഇ സർക്കാറിന്​ സേവന പ്രവർത്തകരോട്​ വലിയ കടപ്പാടുണ്ടെന്നും അദ്ദേഹം പറഞ്ഞു. മർകസ്‌ ഡയറക്​ടർ ഹക്കീം അസ്‌ഹരി, സലീം ഷാ, മുബാറക്​ അബ്​ദുൽ റസാക്‌, നാസർ ഊരകം, അബുല്ലൈസ്‌, ഫദ്​ല്​, യഹ്​യ എന്നിവർ നേതൃത്വം നൽകി.