അബൂദബി യാസ് ദ്വീപിൽ രണ്ടു ദിവസം കരിമരുന്നു പ്രയോഗം

അബൂദബി: പെരുന്നാൾ ആഘോഷത്തോടനുബന്ധിച്ച് അബൂദബിയിലെ പ്രധാന വിനോദകേന്ദ്രമായ യാസ് ദ്വീപിൽ കരിമരുന്ന് പ്രയോഗം നടന്നു. 13, 14 തീയതികളിൽ രാത്രി ഒമ്പതു മുതലായിരുന്നു കരിമരുന്നു പ്രയോഗം.

യാസ് ബേ വാട്ടർഫ്രണ്ടിൽ കരിമരുന്ന് പ്രയോഗം കാണാൻ നിരവധിപേരെത്തി.ദ്വീപിൽ കർശന കോവിഡ് നിയന്ത്രണങ്ങളുടെ ഭാഗമായി ഒത്തുചേരലുകൾ നിരോധിച്ചതിനാൽ യാസ് ദ്വീപ് ഇൻസ്​റ്റഗ്രാം ചാനലിൽ ദൃശ്യങ്ങൾ തത്സമയം സംപ്രേഷണം ചെയ്തു.