റമദാൻ സ്വകാര്യ സ്ഥാപനങ്ങളിലെ ജീവനക്കാർക്ക് രണ്ട് മണിക്കൂർ ജോലിയിളവ്

ദുബൈ: റമദാനിൽ യു.എ.ഇയിലെ സ്വകാര്യ മേഖല ജീവനക്കാരുടെ പ്രവൃത്തിസമയം പ്രഖ്യാപിച്ചു.

നിലവിലെ സമയത്തിൽനിന്ന് രണ്ടുമണിക്കൂർ ഇളവ് ലഭിക്കുന്ന രീതിയിലാണ് സമയം ക്രമീകരിക്കേണ്ടത്. സർക്കാർ ജീവനക്കാരുടെ റമദാൻ പ്രവൃത്തിസമയം നേരത്തേ തിങ്കൾ മുതൽ വ്യാഴം വരെ രാവിലെ ഒമ്പതുമുതൽ ഉച്ച 2.30 വരെയായി ചുരുക്കിയിരുന്നു. വെള്ളിയാഴ്ചകളിൽ ഉച്ചക്ക് 12 വരെ മാത്രമായിരിക്കും പ്രവൃത്തി സമയം. സ്വകാര്യ മേഖല ജീവനക്കാർക്ക് എല്ലാ ദിവസവും പ്രവൃത്തി സമയത്തിൽ രണ്ടുമണിക്കൂർ ഇളവുണ്ടാകും. ഏപ്രിൽ രണ്ടിന് റമദാൻ തുടങ്ങുമെന്നാണ് കരുതുന്നത്.