ഷാ​ർ​ജ​യി​ൽ സ്കൂ​ൾ കെ​ട്ടി​ട​ത്തി​ന്‍റെ മേ​ൽ​ക്കൂ​ര ത​ക​ർ​ന്ന്​ ര​ണ്ടു​മ​ര​ണം

ഷാ​ർ​ജ: ക​ൽ​ബ സി​റ്റി​യി​ൽ നി​ർ​മാ​ണ​ത്തി​ലി​രു​ന്ന സ്കൂ​ൾ കെ​ട്ടി​ട​ത്തി​ന്‍റെ മേ​ൽ​ക്കൂ​ര ത​ക​ർ​ന്ന്​ ​ ര​ണ്ട്​ തൊ​ഴി​ലാ​ളി​ക​ൾ മ​രി​ച്ച​താ​യി ഷാ​ർ​ജ പൊ​ലീ​സ്​ അ​റി​യി​ച്ചു. മൂ​ന്നു​പേ​ർ​ക്ക്​ പ​രി​ക്കേ​റ്റു. ഞാ​യ​റാ​ഴ്ച ഉ​ച്ച​യോ​ടെ​യാ​ണ്​​ അ​പ​ക​ട​മു​ണ്ടാ​യ​ത്.

ഉ​ട​ൻ ഷാ​ർ​ജ സി​വി​ൽ ഡി​ഫ​ൻ​സ്​ അ​തോ​റി​റ്റി, ക​ൽ​ബ കോം​ബ്രി​ഹെ​ൻ​സീ​വ്​ പൊ​ലീ​സ്​ സ്​​റ്റേ​ഷ​ൻ ഉ​ദ്യോ​ഗ​സ്ഥ​ർ, ക്രൈം ​സീ​ൻ ടീം, ​നാ​ഷ​ന​ൽ ആം​ബു​ല​ൻ​സ്, ക​ൽ​ബ മു​നി​സി​പ്പാ​ലി​റ്റി ഉ​ദ്യോ​ഗ​സ്ഥ​ർ എ​ന്നി​വ​ർ സം​ഭ​വ സ്ഥ​ല​ത്തെ​ത്തു​ക​യും ര​ക്ഷാ​പ്ര​വ​ർ​ത്ത​നം ന​ട​ത്തു​ക​യു​മാ​യി​രു​ന്നു.

പ​രി​​ക്കേ​റ്റ​വ​രെ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചി​രി​ക്കു​ക​യാ​ണെ​ന്ന്​ കി​ഴ​ക്ക​ൻ മേ​ഖ​ല ​പൊ​ലീ​സ്​ ഡി​പ്പാ​ർ​ട്ട്​​മെ​ന്‍റ്​ ഡ​യ​റ​ക്ട​ർ കേ​ണ​ൽ ഡോ. ​അ​ലി അ​ൽ ഖ​മൂ​ദി പ​റ​ഞ്ഞു. അ​റ​ബ്, ഏ​ഷ്യ​ൻ പൗ​ര​ന്മാ​ർ​ക്കാ​ണ്​ പ​രി​ക്കേ​റ്റ​ത്. മ​രി​ച്ച​വ​രു​ടെ വി​വ​ര​ങ്ങ​ൾ പൊ​ലീ​സ്​ വെ​ളി​പ്പെ​ടു​ത്തി​യി​ട്ടി​ല്ല. സം​ഭ​വ​ത്തി​ൽ കേ​സെ​ടു​ത്ത ഷാ​ർ​ജ പൊ​ലീ​സ്​ അ​ന്വേ​ഷ​ണം ആ​രം​ഭി​ച്ചി​ട്ടു​ണ്ട്. അ​പ​ക​ട കാ​ര​ണം ക​ണ്ടെ​ത്തി​യി​ട്ടി​ല്ല.