ദു​ബൈ ക്രീ​ക്ക്​ ഹാ​ർ​ബ​റി​ൽ ര​ണ്ട്​ ജ​ല​ഗ​താ​ഗ​ത പാ​ത​ക​ൾ

ദു​ബൈ: ദു​ബൈ ക്രീ​ക്ക്​ ഹാ​ർ​ബ​ർ നി​വാ​സി​ക​ളു​ടെ യാ​ത്ര സൗ​ക​ര്യം മെ​ച്ച​പ്പെ​ടു​ത്തു​ന്ന​തി​നാ​യി ര​ണ്ട്​ ജ​ല​ഗ​താ​ഗ​ത ലൈ​നു​ക​ൾ​കൂ​ടി വി​ക​സി​പ്പി​ച്ച്​ ദു​ബൈ റോ​ഡ്​ ഗ​താ​ഗ​ത അ​തോ​റി​റ്റി (ആ​ർ.​ടി.​എ). പ്ര​മു​ഖ നി​ർ​മാ​താ​ക്ക​ളാ​യ ഇ​മാ​ർ പ്രോ​പ്പ​ർ​ട്ടീ​സു​മാ​യി സ​ഹ​ക​രി​ച്ചാ​ണ് പു​തി​യ ​പാ​ത​ക​ൾ വി​ക​സി​പ്പി​ച്ച​ത്. ദു​ബൈ ക്രീ​ക്ക്​ ഹാ​ർ​ബ​റി​നും ദു​ബൈ ഫെ​സ്റ്റി​വ​ൽ സി​റ്റി​ക്കും ഇ​ട​യി​ലാ​ണ്​ ആ​ദ്യ ലൈ​ൻ.

വാ​രാ​ന്ത്യ ദി​ന​ങ്ങ​ളാ​യ ശ​നി, ഞാ​യ​ർ ദി​വ​സ​ങ്ങ​ളി​ൽ വൈ​കീ​ട്ട്​ നാ​ല്​ മു​ത​ൽ രാ​ത്രി 11.55 വ​രെ​യാ​ണ്​ ​സ​ർ​വി​സ്. അ​ൽ ജ​ദ്ദാ​ഫ്​ ​മ​റൈ​ൻ ട്രാ​ൻ​സ്​​പോ​ർ​ട്ട്​ സ്​​റ്റേ​ഷ​നെ​യും അ​ൽ ഖോ​ർ മെ​ട്രോ സ്​​റ്റേ​ഷ​നെ​യും ദു​ബൈ ക്രീ​ക്ക്​ ഹാ​ർ​ബ​റു​മാ​യി ബ​ന്ധി​പ്പി​ക്കു​ന്ന​താ​ണ്​ ര​ണ്ടാ​മ​ത്തെ ലൈ​ൻ.

തി​ങ്ക​ൾ മു​ത​ൽ വെ​ള്ളി​വ​രെ രാ​വി​ലെ 7.30 മു​ത​ൽ 10.50 വ​രെ​യും വൈ​കീ​ട്ട്​ നാ​ലു​മു​ത​ൽ രാ​ത്രി 10.50 വ​രെ​യു​മാ​ണ്​ ഈ ​റൂ​ട്ടി​ൽ സ​ർ​വി​സ്. ഓ​രോ സ്​​​റ്റോ​പ്പി​നും ര​ണ്ട്​ ദി​ർ​ഹ​മാ​ണ്​ ടി​ക്ക​റ്റ്​ നി​ര​ക്ക്. എ​മി​റേ​റ്റി​ലെ വി​നോ​ദ കേ​ന്ദ്ര​ങ്ങ​ളു​മാ​യി ബ​ന്ധി​പ്പി​ക്കു​ന്ന രീ​തി​യി​ലാ​ണ്​ ഈ ​ര​ണ്ട്​ ലൈ​നു​ക​ളു​ടെ​യും രൂ​പ​ക​ൽ​പ​ന.

ദു​ബൈ​യി​ലെ വി​നോ​ദ​കേ​ന്ദ്ര​ങ്ങ​ൾ, പാ​ർ​പ്പി​ട മേ​ഖ​ല​ക​ൾ എ​ന്നി​വ ന​വീ​ക​രി​ക്കു​ന്ന​തി​നും വാ​ട്ട​ർ​ഫ്ര​ണ്ട്​ ക​മ്യൂ​ണി​റ്റി​ക​ൾ​ക്കും മ​റ്റ്​ വി​ക​സ​ന പ​ദ്ധ​തി​ക​ൾ​ക്കും ഗ​താ​ഗ​ത സേ​വ​ന​ങ്ങ​ൾ കാ​ര്യ​ക്ഷ​മാ​യി ന​ൽ​കു​ന്ന​തി​നു​മാ​യി​ ആ​ർ.​ടി.​എ​യും ഇ​മാ​ർ പ്രോ​പ്പ​ർ​ട്ടീ​സും ത​മ്മി​ൽ ഒ​പ്പു​വെ​ച്ച സ​ഹ​ക​ര​ണ ക​രാ​റി​നെ​തു​ട​ർ​ന്നാ​ണ്​ പു​തി​യ ലൈ​നു​ക​ൾ വി​ക​സി​പ്പി​ച്ച​ത്.

​ആ​ർ.​ടി.​എ​യു​ടെ പൊ​തു​ഗ​താ​ഗ​ത ഏ​ജ​ൻ​സി സി.​ഇ.​ഒ അ​ഹ​മ്മ​ദ് ബ​ഹ്​​റൂ​സി​യ​നും ഇ​മാ​ർ പ്രോ​പ്പ​ർ​ട്ടീ​സ് എ​ക്‌​സി​ക്യൂ​ട്ടി​വ് ബോ​ർ​ഡ് അം​ഗം അ​ഹ​മ്മ​ദ് അ​ൽ മ​ത്രൂ​ഷി​യു​മാ​ണ്​ ക​രാ​റി​ൽ ഒ​പ്പു​വെ​ച്ച​ത്. പൊ​തു​ജ​ന​ങ്ങ​ളു​ടെ ആ​വ​ശ്യം നി​റ​വേ​റ്റു​ന്ന​തി​ൽ പ​ദ്ധ​തി വ​ൻ വി​ജ​യ​മാ​ണെ​ന്ന്​ അ​ഹ​മ്മ​ദ്​ ബ​ഹ്​​റൂ​സി​യാ​ൻ പ​റ​ഞ്ഞു.

2022 ആ​ഗ​സ്റ്റി​ൽ ലൈ​നു​ക​ൾ വി​ക​സി​പ്പി​ക്കു​മ്പോ​ൾ പ്ര​തി​മാ​സം ശ​രാ​ശ​രി 3,000 യാ​ത്ര​ക്കാ​ർ​ക്കാ​ണ്​ സേ​വ​നം ന​ൽ​കി​യി​രു​ന്ന​ത്. ഇ​പ്പോ​ഴ​ത് പ്ര​തി​മാ​സം​ 30,000 ആ​യി വ​ർ​ധി​ച്ചു. 900 ശ​ത​മാ​ന​മാ​ണ്​ വ​ർ​ധ​ന. ഇ​മാ​ർ പ്രോ​പ്പ​ർ​ട്ടീ​സു​മാ​യു​ള്ള സ​ഹ​ക​ര​ണ​ത്തി​ന്‍റെ ഫ​ല​മാ​യി വ്യ​ത്യ​സ്ത​മാ​യ മ​റൈ​നു​ക​ളെ ഉ​ൾ​ക്കൊ​ള്ളാ​ൻ കൂ​ടു​ത​ൽ ബ​ർ​ത്തു​ക​ൾ നി​ർ​മി​ച്ച്​ അ​ടി​സ്ഥാ​ന സൗ​ക​ര്യ​ങ്ങ​ൾ മെ​ച്ച​പ്പെ​ടു​ത്താ​ൻ സാ​ധി​ച്ചു​വെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.

കൂ​ടാ​തെ ടി​ക്ക​റ്റ്​ വി​ൽ​പ​ന​ക്കാ​യി കി​യോ​സ്കു​ക​ളും അ​നു​വ​ദി​ക്കു​ന്ന​തി​ലൂ​ടെ ഉ​പ​ഭോ​ക്താ​ക്ക​ളു​ടെ സം​തൃ​പ്തി വ​ർ​ധി​പ്പി​ക്കാ​നും സാ​ധി​ച്ചു. മ​റൈ​ൻ സേ​വ​ന​ങ്ങ​ളു​മാ​യി ബ​ന്ധ​പ്പെ​ട്ട കൂ​ടു​ത​ൽ വി​വ​ര​ങ്ങ​ൾ​ക്ക്​ www.rta.ae എ​ന്ന വെ​ബ്​​സൈ​റ്റ്​ സ​ന്ദ​ർ​ശി​ക്കു​ക​യോ ആ​ർ.​ടി.​എ​യു​ടെ സ്മാ​ർ​ട്ട്​ ആ​പ്​ ഉ​പ​യോ​ഗി​ക്കു​​ക​യോ ചെ​യ്യാം.