ജി​ന്ന്​ രാ​ജാ​വ്’​ അ​ധീ​ന​ത​യി​ലു​ണ്ടെ​ന്ന്​ വി​ശ്വ​സി​പ്പി​ച്ച് ദു​ർ​മ​ന്ത്ര​വാ​ദം; യു.​എ.​ഇ​യി​ൽ ഏ​ഴു​പേ​ർ​ക്ക്​ ത​ട​വും 50,000 ദി​ർ​ഹം പി​ഴ​യും

ദു​ബൈ: ദു​ർ​മ​ന്ത്ര​വാ​ദം ന​ട​ത്തു​ക​യും ജ​ന​ങ്ങ​ളെ ക​ബ​ളി​പ്പി​ക്കു​ക​യും ചെ​യ്ത കേ​സി​ൽ ഏ​ഴു പേ​ർ​ക്ക് യു.​എ.​ഇ​യി​ൽ ആ​റു മാ​സം ത​ട​വും 50,000 ദി​ർ​ഹം പി​ഴ​യും ശി​ക്ഷ. ശ​രീ​ര​ത്തി​ൽ കു​ടി​കൊ​ള്ളു​ന്ന ‘ജി​ന്ന്​’ അ​സു​ഖ​ങ്ങ​ളെ സു​ഖ​പ്പെ​ടു​ത്തു​മെ​ന്ന്​ വി​ശ്വ​സി​പ്പി​ച്ച്​ ത​ട്ടി​പ്പ്​ ന​ട​ത്തി​യ കേ​സി​ലാ​ണ്​ ബു​ധ​നാ​ഴ്ച കോ​ട​തി വി​ധി പ്ര​സ്താ​വി​ച്ച​ത്​. 400 വ​ർ​ഷം പ്രാ​യ​മു​ള്ള ‘ജി​ന്ന്​ രാ​ജാ​വ്​’ ത​ന്‍റെ അ​ധീ​ന​ത​യി​ലു​ണ്ടെ​ന്നാ​യി​രു​ന്നു പ്ര​തി​ക​ളി​ൽ ഒ​രാ​ൾ അ​വ​കാ​ശ​പ്പെ​ട്ടി​രു​ന്ന​തെ​ന്ന്​ പ​ബ്ലി​ക്​ ​പ്രോ​സി​ക്യൂ​ഷ​ൻ വ്യ​ക്ത​മാ​ക്കി. ഇ​വ​രു​ടെ ത​ട്ടി​പ്പി​ന്​ ഇ​ര​യാ​യ വ്യ​ക്തി ന​ൽ​കി​യ പ​രാ​തി​യി​ൽ മു​ഴു​വ​ൻ പ്ര​തി​ക​ളും നേ​ര​ത്തേ അ​റ​സ്​​റ്റി​ലാ​യി​രു​ന്നു. തു​ട​ർ​ന്ന്​ കോ​ട​തി​ക്ക്​ കൈ​മാ​റി​യ കേ​സി​ലാ​ണ്​ ഇ​ന്ന​ലെ വി​ധി പ്ര​സ്താ​വി​ച്ച​ത്.

പ്ര​തി​ക​ൾ​ക്കെ​തി​രാ​യ കു​റ്റം തെ​ളി​ഞ്ഞ​താ​യി വ്യ​ക്ത​മാ​ക്കി​യ കോ​ട​തി ഏ​ഴു പേ​രും പി​ഴ​ശി​ക്ഷ​യോ​ടൊ​പ്പം കോ​ട​തി ചെ​ല​വും കെ​ട്ടി​വെ​ക്ക​ണ​മെ​ന്ന്​ ഉ​ത്ത​ര​വി​ട്ടു. ഫെ​ഡ​റ​ൽ നി​യ​മ​പ്ര​കാ​രം യു.​എ.​ഇ​യി​ൽ ദു​ർ​മ​ന്ത്ര​വാ​ദം, വ​ഞ്ച​ന എ​ന്നി​വ ക​ടു​ത്ത ശി​ക്ഷ ല​ഭി​ക്കാ​വു​ന്ന കു​റ്റ​ങ്ങ​ളാ​ണ്. സം​ശ​യ​ക​ര​മാ​യ ഇ​ത്ത​രം പ്ര​വൃ​ത്തി​ക​ൾ ശ്ര​ദ്ധ​യി​ൽ​പെ​ട്ടാ​ൽ ബ​ന്ധ​പ്പെ​ട്ട​വ​രെ അ​റി​യി​ക്ക​ണ​മെ​ന്നും പ​ബ്ലി​ക്​ പ്രോ​സി​ക്യൂ​ഷ​ൻ വ്യ​ക്ത​മാ​ക്കി.