ദിർഹത്തിലും രൂപയിലും നേരിട്ടുള്ള വ്യാപാരത്തിന്​ ഇന്ത്യയും യു.എ.ഇയും

അബൂദബി: യു.എസ്​ ഡോളർ ഉൾപ്പെടെയുള്ള വിദേശ കറൻസിക​ളെ മാറ്റിനിർത്തി ദിർഹത്തിലും രൂപയിലും പരസ്​പരം നേരിട്ടുള്ള വ്യാപാരം സാധ്യമാക്കുന്ന ചരിത്രപരമായ കരാറിൽ ഇരു രാജ്യങ്ങളും ഒപ്പുവെച്ചു. യു.എ.ഇയും ഇന്ത്യയും തമ്മിലുള്ള ഉഭയകക്ഷി വ്യാപാരം വർധിച്ചുകൊണ്ടേയിരിക്കുന്ന സാഹചര്യത്തിൽ ഇരു രാജ്യങ്ങളിലെയും ബിസിനസ്​ സമൂഹത്തിന്​ ഏറെ ലാഭമുണ്ടാക്കുന്നതാണ്​ കരാർ. ഇന്ത്യൻ പ്രധാനമന്ത്രി നരേന്ദ്രമോദിയുടെ ദ്വിദിന യു.എ.ഇ സന്ദർശനത്തിൽ ഒപ്പിട്ട ധാരണാപത്രങ്ങളുടെ അനുബന്ധമായാണ്​ ഇൗ കരാറിലെത്തിയതെന്ന്​ മോദിയുടെ സന്ദർശന അവലോകനത്തിൽ യു.എ.ഇയിലെ ഇന്ത്യൻ സ്​ഥാനപതി നവ്​ദീപ്​ സിങ്​ സൂരി വ്യക്​തമാക്കി. 

മറ്റു രണ്ടു അനുബന്ധ കരാറുകളിൽ കൂടി ഇരു രാജ്യങ്ങളും ഒപ്പുവെച്ചിട്ടുണ്ട്​. കറൻസി കൈമാറ്റ കരാറാണ്​ ഇതിലൊന്ന്​. ഇരു രാജ്യങ്ങളിലെയും സെൻട്രൽ ബാങ്കുകൾ തമ്മിലാണ്​ ഇൗ കരാർ. കരാർ പ്രകാരം ഇരു രാജ്യത്തെയും ബിസിനസുകാർക്ക്​ യു.എസ്​ ഡോളർ വഴിയല്ലാതെ രൂപയിലും ദിർഹത്തിലും നേരിട്ട്​ വ്യാപാരം നടത്താൻ സാധിക്കും. ഇത്​ ബിസിനസ്​ സമൂഹത്തിന്​ ഏറെ ലാഭമുണ്ടാക്കും. ഇരു രാജ്യങ്ങളും തമ്മിലുള്ള വ്യാപാരം കൂടുതൽ കാര്യക്ഷമമാകുമെന്നും സൂരി പറഞ്ഞു.

ദിർഹം യു.എസ്​ ഡോളറിനെ അടിസ്​ഥാനമാക്കി നിശ്ചയിച്ചിട്ടുണ്ടെങ്കിലും ഇന്ത്യയും യു.എ.ഇയും തമ്മിലുള്ള കറൻസി കൈമാറ്റ കരാർ ഇരു രാജ്യങ്ങൾക്കുമിടയിലെ വ്യാപാരത്തിൽ ഗുണകരമായ ഫലമുണ്ടാക്കും. രണ്ടാമത്തെ കരാർ നടപടികളെല്ലാം പൂർത്തീകരിച്ചിട്ടുണ്ടെന്നും ഇൗയാഴ്​ച ഒപ്പുവെക്കുമെന്നും സൂരി വ്യക്​തമാക്കി. കള്ളപ്പണം തടയുന്നതിന്​ യോജിപ്പ്​ പ്രവർത്തിക്കുന്നതിനുള്ള കരാറാണിതെന്നും അദ്ദേഹം പറഞ്ഞു. 
1982ൽ ഇന്ത്യയും യു.എ.ഇയും തമ്മിലുണ്ടായിരുന്ന 18.2 കോടി ഡോളറി​​​െൻറ വ്യാപാരം ഇന്ന്​ 5300 കോടി ഡോളറി​േൻറതായി ഉയർന്നായി മോദിയുടെ സന്ദർശന സമാപനത്തി​​​െൻറ ഭാഗമായി ഇരു രാജ്യങ്ങളും പുറത്തിറക്കിയ സംയുക്​ത പ്രസ്​താവനയിൽ അറിയിച്ചിട്ടുണ്ട്​.