വ്യക്​തിശുചിത്വ ഉൽപന്നങ്ങൾ യൂനിയൻ കോപ്പിൽ യഥേഷ്​ടം ലഭ്യം -ഡോ. അൽ ബസ്​തക്കി

ദുബൈ: പകർച്ച വ്യാധി പ്രതിരോധ പ്രവർത്തനങ്ങളുടെ ഭാഗമായി വർധിച്ച ആവശ്യം കണക്കിലെടുത്ത്​ യു.എ.ഇയിലെ മുൻനിര ​സഹ കരണ ഉപഭോക്​തൃ സംരംഭമായ യൂനിയൻ കോപ്പ്​. വ്യക്​തി ശുചീകരണ ഉൽപന്നങ്ങളുടെയും ശുചീകരണ വസ്​തുക്കളുടെയും വിപുലമാ യ സ്​റ്റോക്ക്​ ഒരുക്കിയതായി ഹാപ്പിനസ്​ ആൻറ്​ മാർക്കറ്റിങ്​ വിഭാഗം ഡയറക്​ടർ ഡോ. സുഹൈൽ അൽ ബസ്​തക്കി വ്യക്​തമാക്കി.

കൈ അണുമുക്​തമാക്കാൻ ഉപയോഗിക്കുന്ന ഹാൻറ്​ സാനിറ്റൈസർ ഉൾപ്പെടെയുള്ള ഉൽപന്നങ്ങൾക്ക്​ വില വർധനയില്ലാതെ ആവശ്യാനുസരണം ലഭ്യമാക്കാൻ എല്ലാ യൂനിയൻ കോപ്പ്​ ബ്രാഞ്ചുകളിലും സ്​റ്റോക്ക്​ ചെയ്​തിട്ടുണ്ട്​. ഇത്തരമൊരു സാഹചര്യത്തിൽ ശുചീകരണ വസ്​തുക്കളുടെ വില വർധന എന്നത്​ യൂനിയൻ കോപ്പി​​െൻറ അടിസ്​ഥാന തത്വങ്ങൾക്ക്​ വിരുദ്ധമാണ്​. ഭക്ഷണവും സുരക്ഷയും ഉറപ്പുവരുത്തുന്ന സുസ്​ഥിരമായ ദേശീയ സമ്പദ്​വ്യവസ്​ഥയാണ്​ നാം വിഭാവനം ചെയ്യുന്നത്​.
വിലയിൽ കൃത്രിമം സൃഷ്​ടിക്കൽ ഉൾപ്പെടെയുള്ള മോശം പ്രവണതകൾ തടയുവാനും യൂനിയൻ കോപ്പ്​ എല്ലാവിധ പദ്ധതികളും ആവിഷ്​കരിച്ചിട്ടുണ്ട്​. ബന്ധപ്പെട്ട അധികൃതരുമായി കൂടിയാലോചന നടത്തി വിലതട്ടിപ്പും ഉൽപന്ന ക്ഷാമവും തടയുവാനുള്ള നടപടികളും സ്വീകരിച്ചിട്ടുണ്ട്​.

ഭക്ഷ്യ^​ഭക്ഷ്യേതര ഉൽപന്നങ്ങൾ, വ്യക്​തിഗത ആവശ്യത്തിനുള്ള വസ്​തുക്കൾ എന്നിവയുടെ ദൗർലഭ്യതയെക്കുറിച്ച്​ ജനങ്ങൾ ആശങ്കപ്പെടേണ്ടതില്ല എന്നും ഡോ. അൽ ബസ്​തക്കി അറിയിച്ചു. വിതരണക്കാരും ഉൽപാദകരും ഫാക്​ടറി അധികൃതരുമായി ഏകോപനം നടത്തി ഇത്തരം ഉൽപന്നങ്ങൾ ആവ​ശ്യാനുസരണം ലഭ്യമാക്കാൻ സംവിധാനമൊരുക്കിയിട്ടുണ്ട്​. അവശ്യവസ്​തുക്കൾ യഥേഷ്​ടം സ്​റ്റോക്ക്​ ചെയ്യുകയും ഉപഭോക്​താക്കൾക്ക്​ ലഭ്യമാക്കുകയും ചെയ്യുക എന്നത്​ യൂനിയൻ കോപ്പി​​െൻറ തന്ത്രപ്രധാനമായ പ്രവർത്തന രീതിയാണെന്നും അദ്ദേഹം കൂട്ടിച്ചേർത്തു.