കുട്ടിയെ കടിച്ചുകീറിയ നായകളുടെ ഉടമക്ക്​ തടവും പിഴയും 

അബൂദബി: ഒമ്പത്​ വയസ്സുള്ള കുട്ടിയെ ആക്രമിച്ച്​ ഗുരുതരമായി പരിക്കേൽപിച്ച നായകളുടെ ഉടമക്ക്​ അബൂദബി ക്രിമിനൽ കോടതി  തടവും പിഴയും വിധിച്ചു. 
അമേരിക്കക്കാരനായ പ്രവാസിക്കാണ്​ കോടതി ആറ്​ മാസം തടവും 50,000 ദിർഹം പിഴയും വിധിച്ചത്​.  അമേരിക്കക്കാ​ര​​െൻറ വീട്ടു​േജാലിക്കാരി കൊണ്ടുപോവുകയായിരുന്ന മൂന്ന്​ നായകളിൽ രണ്ടെണ്ണം വില്ലയുടെ വളപ്പിൽ കളിച്ചുകൊണ്ടിരുന്ന കുട്ടികൾക്ക്​ നേരെ പാഞ്ഞടുക്കുകയായിരുന്നു. മറ്റെല്ലാ കുട്ടികളും ഒാടിരക്ഷപ്പെ​െട്ടങ്കിലും ഇൗജിപ്​തുകാരനായ ഒമ്പത്​ വയസ്സുകാരൻ നായകളുടെ പിടിയിൽ പെടുകയായിരുന്നു. വീട്ടുവേലക്കാരിയുടെ ശ്രദ്ധക്കുറവാണ്​ നായകളുടെ ആക്രമണത്തിന്​ ഇടയാക്കിയതെന്ന്​ പ്രോസിക്യൂഷൻ അന്വേഷണത്തിൽ തെളിഞ്ഞിരുന്നു. 

കൂടാതെ മറ്റൊരു സ്​പോൺസറിൽനിന്ന്​ ഒളിച്ചോടിയ സ്​ത്രീയെയാണ്​ അമേരിക്കക്കാ​രൻ ജോലിക്കാരിയായി നിർത്തിയ​െതന്നും കണ്ടെത്തി. ഉത്തരവാദിത്തമില്ലാത്ത ജോലിക്കാരിയെ നായകളെ നോക്കാൻ ഏൽപിച്ചതിനാണ്​ അമേരിക്കക്കാരന്​ ആറ്​ മാസം തടവ്​​. സ്​ത്രീയെ അനധികൃതമായി ജോലിക്ക്​ വെച്ചതിന്​ 50,000 ദിർഹം പിഴയും വിധിച്ചു. അതേസമയം, കുട്ടിയുടെ മാതാപിതാക്കൾ നഷ്​ടപരിഹാരത്തിന്​ കേസ് കൊടുത്തിട്ടുണ്ടോയെന്ന്​ വ്യക്​തമല്ല.