പാറിപ്പറന്നു, ചതുർവർണ പതാക

ദുബൈ: രാജ്യം കൈവരിച്ച നേട്ടങ്ങളുടെ പ്രതീകമായ ചതുർവർണ പതാക വാനിലുയർത്തി യു.എ.ഇ ദേശീയ പതാകദിനം ആഘോഷിച്ചു.കോവിഡ്​ പ്രതിരോധ രംഗത്ത്​ മുൻനിരയിൽ പ്രവർത്തിച്ച പോരാളികൾക്ക്​ ഈ ദിനം സമർപ്പിക്കുന്നുവെന്ന പ്രഖ്യാപനത്തോടെ യു.എ.ഇ വൈസ്​ പ്രസിഡൻറും ​പ്രധാനമന്ത്രിയും ദുബൈ ഭരണാധികാരിയുമായ ശൈഖ്​ മുഹമ്മദ്​ ബിൻ റാശിദ്​ ആൽ മക്​തൂം ദേശീയപതാക ഉയർത്തി.മുഹമ്മദ്​ ബിൻ റാശിദ്​ യൂനിവേഴ്​സിറ്റി ഓഫ്​ മെഡിസിൻ ആൻഡ്​ ഹെൽത്ത്​ സയൻസിലാണ്​ പതാക ഉയർത്തിയത്​. രാവിലെ 11ന്​ രാജ്യത്തി​െൻറ വിവിധ ഭാഗങ്ങളിൽ ദേശീയപതാക ഉയർന്നു.

ശൈഖ്​ ഖലീഫ​ ബിൻ സായിദ്​ ആൽ നഹ്​​യാൻ യു.എ.ഇ പ്രസിഡൻറായി സ്​ഥാന​േമറ്റെടുത്തതി​െൻറ ഒാർമ പുതുക്കിയാണ്​ ദേശീയ പതാകദിനം ആചരിച്ചത്​.രാജ്യത്തി​െൻറ ഐക്യവും അഖണ്ഡതയും പ്രകടമാക്കാനുള്ള അവസരമാണ്​ ദേശീയപതാക ദിനമെന്ന്​ ശൈഖ്​ മുഹമ്മദ്​ പറഞ്ഞു.

രാജ്യത്തെ വിവിധ സമൂഹങ്ങളുടെ ക്ഷേമത്തിനായി കോവിഡ്​ കാലത്ത്​ പ്രവർത്തിച്ചവർക്ക്​ നന്ദി അർപ്പിക്കുന്നു. യു.എ.ഇയി​ലെ പൗരന്മാരും താമസക്കാരും ഐക്യത്തി​െൻറ ഉദാഹരണങ്ങളാണ്​. അവർ ഒത്തൊരുമയോടെ പ്രവർത്തിച്ചതി​െൻറ ഫലമായാണ്​ വെല്ലുവിളികളെ അതിജീവിക്കാൻ കഴിഞ്ഞതെന്നും അദ്ദേഹം പറഞ്ഞു.രാജ്യത്തെ വാഹനങ്ങളും വീടുകളും ചതുർവർണ പതാകകളാൽ അലംകൃതമായി.

യു.എ.ഇ വൈസ്​ പ്രസിഡൻറും ​പ്രധാനമന്ത്രിയും ദുബൈ ഭരണാധികാരിയുമായ ശൈഖ്​ മുഹമ്മദ്​ ബിൻ റാശിദ്​ ആൽ മക്​തൂമി​െൻറ നിർദേശപ്രകാരം 2013 മുതലാണ്​ രാജ്യത്ത്​ ​പതാകദിനം ആചരിച്ച്​ തുടങ്ങിയത്​. ഇമറാത്തി പൗരന്മാരും പ്രവാസികളും സന്ദ​ർശകരും ആഘോഷത്തിൽ പങ്കുചേർന്നു.ഷോപ്പിങ്​ മാളുകൾ, മാർക്കറ്റുകൾ, റീ​ട്ടെയിൽ സ്​റ്റോറുകൾ, ലൈബ്രറികൾ തുടങ്ങിയ സ്ഥലങ്ങളിലെല്ലാം ദേശീയപതാക ഉയർത്തി.

ദുബൈ സ്​പോർട്​സ്​ കൗൺസിലി​െൻറ നേതൃത്വത്തിൽ ഹംബദാൻ സ്​പോർട്​സ്​ കോംപ്ലക്​സിൽ നടന്ന ചടങ്ങിൽ പതാക ഉയർത്തി. 4000 പതാകകൊണ്ട് കടൽത്തീരത്ത് ദുബൈ ഭരണാധികാരിയുടെയും കിരീടാവകാശിയുടെയും ചിത്രം തീർത്താണ് ദുബൈ മീഡിയ ഓഫിസ് പതാകദിനം ആചരിച്ചത്. ദുബൈ കൈറ്റ് ബീച്ചിലായിരുന്നു ഈ വേറിട്ട കാഴ്ച.ഷാർജ ബുക്ക് അതോറിറ്റി ആസ്ഥാനത്ത് നടന്ന ചടങ്ങിൽ ചെയർമാൻ അഹമ്മദ് ബിൻ റക്കാദ് അൽ അംറി പതാക ഉയർത്തി. ഡയറക്ടർമാരും ജീവനക്കാരും യു.എ.ഇ സ്ഥാപക പിതാക്കന്മാർക്ക് ആദരാഞ്ജലി അർപ്പിക്കുകയും നേതൃത്വത്തിനും ജനങ്ങൾക്കും സമർപ്പണം പ്രകടിപ്പിക്കുകയും ചെയ്തു.