ഇന്ത്യയിൽ നിന്ന്​ യു.എ.ഇയിലേക്ക്​ മടങ്ങാൻ ടിക്കറ്റ്​ ബുക്കിങ്​ ആരംഭിച്ചു

ദുബൈ: യു.എ.ഇയിലേക്ക്​ മടങ്ങി വരുവാൻ ആഗ്രഹിക്കുന്ന താമസ വിസയുള്ള ഇന്ത്യക്കാർക്കായി ഉടനെ സർവീസ്​ ആരംഭിക്കുമെന്ന്​ എയർ ഇന്ത്യ എക്​സ്​പ്രസ്​. ഇൗ മാസം 12 മുതൽ 26 വരെയുള്ള തീയതികളിലെ യാത്രക്കായി ടിക്കറ്റ്​ ബുക്കിങ്​ ആരംഭിച്ചിട്ടുണ്ട്​. http://airindiaexpress.in വെബ്​സൈറ്റ്​, അംഗീകൃത ട്രാവൽ ഏജൻറുമാർ, കാൾ സ​​െൻറർ എന്നിവ മുഖേനെ ടിക്കറ്റ്​ ബുക്ക്​ ചെയ്യാം. യു.എ.ഇയിലേക്ക്​ മടങ്ങിയെത്തുന്നതിന്​   ഫെഡറൽ അതോറിറ്റി ഫോർ ​െഎഡൻറിറ്റി ആൻറ്​ സിറ്റിസൻഷിപ്പ്​ (​െഎ.സി.എ) അല്ലെങ്കിൽ ജനറൽ ഡയറക്​ടറേറ്റ്​ ഒഫ്​ റസിഡൻസി ആൻറ്​ ഫോറിൻ അഫയേഴ്​സ്​ അനുമതി ലഭിച്ചവർക്ക്​ മാത്രമാണ്​ ടിക്കറ്റ്​ എടുക്കാനാവുക. 

യാത്രക്ക്​ 96 മണിക്കൂർ മുൻപ്​ ലഭിച്ച കോവിഡ്​ നെഗറ്റീവ്​ ആണെന്ന പി.സി.ആർ പരിശോധനാഫലം നിർബന്ധമാണ്​. ഹെൽത്​ ഡിക്ലറേഷൻ ഫോം പൂരിപ്പിക്കണം,അൽഹൊസൻ,ഡി.എക്​സ്​.ബി സ്​മാർട്ട്​ആപ്പുളും ഡൗൺലോഡ്​ ചെയ്​തിരിക്കണം.

കോവിഡ്​ പ്രതിസന്ധിയെ തുടർന്ന്​ പ്രതിരോധ പ്രവർത്തനങ്ങളുടെ ഭാഗമായി യു.എ.ഇ വിദേശത്തു നിന്നുളള യാത്രക്കാർക്ക്​  ​ വിലക്ക്​ ഏർപ്പെടുത്തിയിരുന്നു. ഇന്ത്യയും സമ്പൂർണ ലോക്​ഡൗൺ പ്രഖ്യാപിച്ചു. അവധിക്കും മറ്റ്​ ആവശ്യങ്ങൾക്കുമായി നാട്ടിലേക്ക്​ പോയ ആളുകൾക്ക്​ അതോടെ തിരികെയെത്താൻ കഴിയാതെയായി.

യു.എ.ഇ വ്യോമാതിർത്തികൾ തുറന്നു കൊടുക്കുകയും ഇവിടെ നിന്ന്​ ആളുകൾക്ക്​ ഇന്ത്യയിലേക്ക്​ പറക്കാൻ അനുമതി ലഭിക്കുകയും ചെയ്​തെങ്കിലും ഇന്ത്യയിൽ നിന്നുള്ള സർവീസുകൾ ആരംഭിക്കാത്തതിനാൽ നാലു മാസമായി മടങ്ങി വരാനാവാതെ ആളുകൾ നാട്ടിൽ കുടുങ്ങിപ്പോവുകയായിരുന്നു. പലർക്കും ഉടനടി മടങ്ങിയെത്തി ഇവിടെ ജോലികളിൽ പ്രവേശിക്കേണ്ടതുണ്ട്​. ഇതിനു പുറമെ നാട്ടിൽ കഴിയുന്ന കുഞ്ഞുങ്ങൾക്ക്​ രക്ഷിതാക്കൾക്കരികിൽ എത്താൻ കഴിയാത്തസാഹചര്യവുമുണ്ടായിരുന്നു. ​െഎ.സി.എ അനുമതി നേടി കാത്തിരിക്കുകയും വിമാന സർവീസ്​ ആരംഭിക്കാത്തതു മൂലം അത്​ കാലഹരണപ്പെട്ടുപോവുകയും ചെയ്​തവർ നിരവധിയാണ്​.