ശുക്രനിലേക്ക്​ ബഹിരാകാശ ദൗത്യവുമായി യു.എ.ഇ

ദുബൈ: ചന്ദ്ര, ചൊവ്വാ ദൗത്യങ്ങൾക്ക്​ ശേഷം ബഹിരാകാശത്തെ അൽഭുതങ്ങൾ തേടിയുള്ള യു.എ.ഇയുടെ സഞ്ചാരം പുതിയ ദിശയിലേക്ക്​ പ്രവേശിക്കുന്നു. ശുക്ര ഗ്രഹത്തി​െൻറയും സൗരയൂഥത്തിലെ എഴ്​ ഛിന്നഗ്രഹങ്ങളെയും പര്യവേക്ഷണം നടത്താനുള്ള പദ്ധതി​ ഇതി​െൻറ ഭാഗമായി പ്രഖ്യാപിച്ചു​.

രാജ്യത്തി​െൻറ സുവർണ ജൂബിലി ആഘോഷങ്ങളുടെ ഭാഗാമായി അവതരിപ്പിക്കുന്ന പദ്ധതികളുടെ ഭാഗമായ ദൗത്യം യു.എ.ഇ വൈസ്​ പ്രസിഡൻറും ​പ്രധാനമന്ത്രിയും ദുബൈ ഭരണാധികാരിയുമായ ശൈഖ്​ മുഹമ്മദ്​ ബിൻ റാശിദ്​ ആൽ മക്​തൂമാണ്​ പ്രഖ്യാപിച്ചത്​. ചൊവ്വക്കും വ്യാഴത്തിനും ഇടയിലെ ഛിന്നഗ്രഹ വലയം പര്യവേക്ഷണം ചെയ്യുകയെന്ന പ്രാഥമിക ലക്ഷ്യത്തോടെ 2028ലാണ്​ പര്യവേക്ഷണം ആസൂത്രണം ചെയ്​തിരിക്കുന്നത്​. ഭൂമിയിലേക്ക്​ പതിക്കുന്ന മിക്ക ഉൽക്കകളുടെയും ഉൽഭസ്​ഥാനമെന്ന നിലയിലാണ്​ ഇവിടം പഠനത്തിന്​ തിരഞ്ഞെടുത്തത്​.

3.6 ബില്യൺ കിലോമീറ്റർ, ചൊവ്വയിലേക്കുള്ള ഹോപ്​ പേടകത്തി​െൻറ ഏഴ്​ മടങ്ങ് യാത്ര, പിന്നിട്ട്​ ആദ്യ അറബ് ബഹിരാകാശ ദൗത്യം ഛിന്നഗ്രഹത്തിൽ എത്തിച്ചേരുന്ന ദൗത്യമാണിതെന്ന്​ ശൈഖ്​ മുഹമ്മദ്​ ബിൻ റാശിദ്​ ട്വിറ്ററിൽ കുറിച്ചു. രാജ്യത്തി​െൻറ വളർന്നുവരുന്ന ബഹിരാകാശ പദ്ധതികൾക്ക്​ ഒരു പുതിയ ലക്ഷ്യം രൂപപ്പെടുത്തുന്നതാണ്​ പദ്ധതിയെന്ന്​ അബൂദബി കിരീടാവകാശിയും യു.എ.ഇ സായുധ സേനയുടെ ഡെപ്യൂട്ടി സുപ്രീം കമാൻഡറുമായ ശൈഖ്​ മുഹമ്മദ്​ ബിൻ സായിദ്​ ആൽ നെഹ്​യാൻ ട്വീറ്റ്​ ചെയ്​തു.

യു.എ.ഇ ഭരണനേതൃത്വത്തി​െൻറ സാന്നിധ്യത്തിൽ ബഹിരാകാശ ഏജൻസി അധ്യക്ഷയും നൂതന ശാസ്ത്ര സഹമന്ത്രിയുമായ സാറാ അൽ അമീരി പദ്ധതി വിശദീകരിച്ചു. പര്യവേക്ഷണ പേടകം രൂപപ്പെടുത്താൻ ഏഴ്​ വർഷമെടുക്കുമെന്നാണ്​ കരുതപ്പെടുന്നത്​. അഞ്ചുവർഷത്തെ യാത്രയും ഛിന്നഗ്രഹത്തിൽ എത്തിച്ചേരുന്നതിന്​ ആവശ്യമായി വരും.

ബഹിരാകാശ ഏജൻസിയുടെ ദൗത്യത്തി​െൻറ ഭാഗമായി അഞ്ച്​ പുതിയ പദ്ധതികൾ ആരംഭിക്കാൻ തീരുമാനിച്ചിട്ടുണ്ട്​. ഇമാറാത്തി ബഹിരാകാശ ബിസിനസ്​ വളർത്തിയെടുക്കുക, കരാറുകളിൽ യു.എ.ഇ കമ്പനികൾക്ക്​ മുൻഗണന നൽകുക, യുവാക്കളെ പരിശീലിപ്പിക്കുന്നതിന്​ ​പ്രോഗ്രാം സംഘടിപ്പിക്കുക, പ്രദേശികവും അന്താരാഷ്​ട്ര തലത്തിലുള്ളതുമായ സർവകലാശാലകളെ ദൗത്യത്തി​െൻറ ഭാഗമാക്കുക എന്നിവ ഇതിൽ ഉൾപ്പെടുന്നു.

ശുക്രഗ്രഹത്തെയും ഛിന്നഗ്രഹങ്ങളെയും ലക്ഷ്യം വെക്കുന്ന ബഹിരാകാശ ദൗത്യത്തിന്​ തുടക്കമിടുന്ന അഞ്ചാമത്തെ ലോകരാജ്യമാണ്​ യു.എ.ഇ. 1997ൽ ആദ്യ വാർത്താവിനിമയ സാറ്റലൈറ്റ്​ പദ്ധതി ആരംഭിച്ചതോടെയാണ്​ ഇമാറാത്ത്​ ബഹിരാകാശ ദൗത്യങ്ങൾക്ക്​ തുടക്കമിട്ടത്​. 2014ലാണ്​ ചൊവ്വാ ദൗത്യം ആരംഭിച്ചത്​.