നി​യ​മം പാ​ലി​ച്ച് വാ​ഹ​ന​മോ​ടി​ച്ച​വ​ർ​ക്ക്​ അ​ഭി​ന​ന്ദ​ന​വു​മാ​യി പൊ​ലീ​സ്

അ​ബൂ​ദ​ബി: ഗ​താ​ഗ​ത​നി​യ​മം പാ​ലി​ച്ച് വാ​ഹ​ന​മോ​ടി​ച്ച ഡ്രൈ​വ​ര്‍മാ​രെ അ​ഭി​ന​ന്ദി​ച്ച് അ​ബൂ​ദ​ബി പൊ​ലീ​സ്. തെ​രു​വു​ക​ളി​ല്‍ പ​ട്രോ​ളി​ങ് ന​ട​ത്തി​യാ​ണ് പൊ​ലീ​സ് ഡ്രൈ​വ​ര്‍മാ​ര്‍ക്ക് അ​പ്ര​തീ​ക്ഷി​ത ആ​ദ​ര​വ് ന​ല്‍കി​യ​ത്. ഗ​താ​ഗ​ത​നി​യ​മം ലം​ഘി​ക്കു​ന്ന​വ​ര്‍ക്ക് പി​ഴ​ചു​മ​ത്തു​ന്ന പൊ​ലീ​സ് ഉ​ദ്യോ​ഗ​സ്ഥ​രാ​ണ് പ​ല​യി​ട​ത്തും പ​തി​വു​കാ​ഴ്ച​യെ​ങ്കി​ല്‍ നി​യ​മം അ​നു​സ​രി​ക്കു​ന്ന​വ​ര്‍ക്ക് അ​ഭി​ന​ന്ദ​ന​വു​മാ​യി അബൂദബി പൊലീസ് പട്രോള്‍ സംഘം തെ​രു​വു​ക​ളി​ലെ​ത്തി​യ​ത്.

നി​ങ്ങ​ളു​ടെ ജീ​വി​തം സു​ര​ക്ഷി​ത​മാ​ണ് എ​ന്ന​പേ​രി​ല്‍ ഗ​ള്‍ഫ് ഗ​താ​ഗ​ത വാ​ര​ത്തോ​ട​നു​ബ​ന്ധി​ച്ച് അ​ബൂ​ദ​ബി പൊ​ലീ​സ് ഡ​യ​റ​ക്ട​റേ​റ്റ് ന​ട​ത്തി​യ ബോ​ധ​വ​ത്ക​ര​ണ​ത്തി​ന്‍റെ ഭാ​ഗ​മാ​യാ​ണ് ന​ട​പ​ടി. ബോ​ധ​വ​ത്ക​ര​ണ പ​രി​പാ​ടി​ക​ള്‍ ഞാ​യ​റാ​ഴ്ച അ​വ​സാ​നി​ക്കും. നി​യ​മം അ​നു​സ​രി​ച്ച് വാ​ഹ​ന​മോ​ടി​ച്ച ഡ്രൈ​വ​ര്‍മാ​രെ പു​റ​ത്തേ​ക്ക് വി​ളി​ച്ചി​റ​ക്കി​യ ശേ​ഷം സ​മ്മാ​ന​പ്പൊ​തി​യും പൊ​ലീ​സ് കൈ​മാ​റി. ഗ​താ​ഗ​ത നി​യ​മം പാ​ലി​ക്കു​ന്ന​വ​രെ അ​ഭി​ന​ന്ദി​ക്കു​ക​യും അ​വ​ര്‍ക്ക് സ​മ്മാ​ന​ങ്ങ​ള്‍ ന​ല്‍കു​ക​യും ചെ​യ്യു​ന്ന​തി​ലൂ​ടെ നി​യ​മം പാ​ലി​ക്കു​ന്ന​തി​ല്‍ മ​റ്റു​ള്ള​വ​ര്‍ക്ക് ഇ​വ​ര്‍ അ​നു​ക​ര​ണീ​യ മാ​തൃ​ക​യാ​കു​മെ​ന്നാ​ണ് പൊ​ലീ​സി​ന്‍റെ പ്ര​തീ​ക്ഷ.

ദു​ബൈ പൊ​ലീ​സും മു​മ്പ് ഇ​ത്ത​രം സ​മ്മാ​ന​വി​ത​ര​ണം ഡ്രൈ​വ​ര്‍മാ​ര്‍ക്കി​ട​യി​ല്‍ ന​ട​പ്പാ​ക്കി​യി​രു​ന്നു. റോ​ഡ് ഉ​പ​യോ​ക്താ​ക്ക​ളു​ടെ സു​ര​ക്ഷ​യും സ്വ​ന്തം സു​ര​ക്ഷ​യും ക​ണ​ക്കി​ലെ​ടു​ത്ത് സു​ര​ക്ഷി​ത​മാ​യ ഡ്രൈ​വി​ങ് പാ​ലി​ക്ക​ണ​മെ​ന്ന് വാ​ഹ​ന​ങ്ങ​ള്‍ ഓ​ടി​ക്കു​ന്ന​വ​രോ​ട് പൊ​ലീ​സ് അ​ഭ്യ​ര്‍ഥി​ച്ചു. മി​ക​ച്ച ഡ്രൈ​വി​ങ് സം​സ്‌​കാ​രം വ​ള​ര്‍ത്തി​യെ​ടു​ക്കു​ന്ന​തി​നാ​യി റോ​ഡ് സു​ര​ക്ഷ പ്രോ​ത്സാ​ഹി​പ്പി​ക്കു​ന്ന​തി​നും ജീ​വ​നും സ്വ​ത്തും സം​ര​ക്ഷി​ക്കു​ന്ന​തി​നും അ​ബൂ​ദ​ബി പൊ​ലീ​സ് മി​ക​ച്ച സം​വി​ധാ​ന​ങ്ങ​ളും രീ​തി​ക​ളും സ്വീ​ക​രി​ക്കു​മെ​ന്നും സ​മ്മാ​ന​ങ്ങ​ള്‍ വി​ത​ര​ണം ചെ​യ്യു​ന്ന​തി​നി​ടെ അ​ധി​കൃ​ത​ര്‍ വ്യ​ക്ത​മാ​ക്കി. നി​യ​മം ലം​ഘി​ച്ച് പി​ഴ​ശി​ക്ഷ​ക്ക് വി​ധേ​യ​രാ​വാ​തെ, നി​യ​മ​ങ്ങ​ള്‍ അ​നു​സ​രി​ച്ച് സ​മ്മാ​ന​ങ്ങ​ള്‍ വാ​ങ്ങാ​ന്‍ പ്രാ​പ്ത​രാ​ക്കി ഡ്രൈ​വ​ര്‍മാ​രു​ടെ മ​നോ​ഭാ​വം മാ​റ്റി​യെ​ടു​ക്കു​ക​യാ​ണ് ല​ക്ഷ്യം.