റമദാനിൽ വ്യായാമത്തിന്​ സൗകര്യവും പോഷക ഭക്ഷണവുമൊരുക്കി ദുബൈ നഗരസഭ

ദുബൈ: റമദാൻ മാസത്തിലും ജനങ്ങളുടെ വ്യായാമവും ആരോഗ്യ സംരക്ഷണവും ഉറപ്പാക്കുന്നതിന്​ ദുബൈ നഗരസഭയുടെ പ്രത്യേക പദ്ധതി. അൽ റവാബിയുമായി സഹകരിച്ച്​ നഗര സഭയുടെ പാർക്കുകളിലാണ്​ പദ്ധതി നടപ്പാക്കുന്നത്​. പൊതു പാർക്കുകളിൽ സ്​ഥാപിച്ച ഫ്രിഡ്​ജുകളിൽ പഴച്ചാർ, പാല്​, മറ്റ്​ പാലുൽപന്നങ്ങൾ, ഇൗന്തപ്പഴം തുടങ്ങിയ ആരോഗ്യ ദായകമായ ഭക്ഷണം നിറച്ചു വെച്ചിട്ടുണ്ട്​. വ്യായാമങ്ങളിൽ ഏർപ്പെടുന്നവരുടെ ഉപയോഗാർഥമാണത്​. ദാന വർഷത്തിലെ റമദാനിൽ ജനങ്ങളുടെ ആരോഗ്യ സംരക്ഷണത്തിനാവശ്യമായ ബോധവത്​കരണവും സൗകര്യങ്ങളും ഒരുക്കുന്നതി​​​െൻറ ഭാഗമായാണ്​ പദ്ധതി നടപ്പാക്കുന്നതെന്ന്​ സാമൂഹിക വിഭാഗം അസി. ഡി.ജി മുഹമ്മദ്​ മുബാറക്​ അൽ മുതൈവി വ്യക്​തമാക്കി.  
സുഫൂഹ്​, നാദൽ ശേബ, സബീൽ, സഫ, ഖുർആൻപാർക്ക്​, ഖവാനീജ്​, നാദൽ ഹമർ, മിർദിഫ്​, അപ്​ടൗൺ മിർദിഫ്​, അൽ വറഖ2,3,  അൽ നഹ്​ദ പോണ്ട്​ പാർക്ക്​, അൽ തവാർ1,2,3, ഉമ്മു സുഖീം, ഖിസൈസ്​, അബുഹൈൽ ബർഷ 1, അൽ ഖൂസ്​, മുഹൈസിന, മിസ്​ഹർ എന്നിങ്ങനെ 22 പാർക്കുകളിലായി 30 ​ഫ്രിഡ്​ജുകളാണ്​ സ്​ഥാപിച്ചിരിക്കുന്നത്​. 
ആ​േരാഗ്യ സംരക്ഷണത്തിനും ​ശ്രദ്ധ നൽകേണ്ട മാസമാണ്​ റമദാനെന്നും വ്യായാമത്തിന്​ സവിശേഷ പ്രാധാന്യമുണ്ടെന്നും മുതൈവി ഉണർത്തി.