സു​ഡാ​നി​ൽ​നി​ന്ന്​ വി​വി​ധ രാ​ജ്യ​ക്കാ​രെ ര​ക്ഷി​ച്ച്​ യു.​എ.​ഇ

ദു​ബൈ: ആ​ഭ്യ​ന്ത​ര സം​ഘ​ർ​ഷം രൂ​ക്ഷ​മാ​യ സു​ഡാ​നി​ൽ​നി​ന്ന്​ പൗ​ര​ന്മാ​രെ​യും വി​വി​ധ രാ​ജ്യ​ക്കാ​രെ​യും യു.​എ.​ഇ ര​ക്ഷി​ച്ചു. കി​ഴ​ക്ക​ൻ സു​ഡാ​നി​ലെ തു​റ​മു​ഖം വ​ഴി​യാ​ണ്​ കു​ടു​ങ്ങി​ക്കി​ട​ന്ന​വ​രെ ര​ക്ഷി​ച്ച​ത്. പൗ​ര​ന്മാ​ർ​ക്കു​പു​റ​മെ 19 വ്യ​ത്യ​സ്ത രാ​ജ്യ​ക്കാ​രാ​യ ദു​ർ​ബ​ല വി​ഭാ​ഗ​ങ്ങ​ൾ​ക്കാ​ണ്​ ര​ക്ഷാ​പ്ര​വ​ർ​ത്ത​ന​ത്തി​ൽ മു​ൻ​ഗ​ണ​ന ന​ൽ​കി​യ​ത്. ര​ക്ഷ​പ്പെ​ടു​ത്തി​യ​വ​രെ സ്വ​ന്തം രാ​ജ്യ​ങ്ങ​ളി​ലേ​ക്ക്​ അ​യ​ക്കാ​നു​ള്ള സം​വി​ധാ​നം അ​ധി​കൃ​ത​ർ ഒ​രു​ക്കും. അ​തു​വ​രെ ഇ​വ​ർ​ക്ക്​ ആ​വ​ശ്യ​മാ​യ സൗ​ക​ര്യ​ങ്ങ​ൾ ഏ​ർ​പ്പെ​ടു​ത്തു​മെ​ന്നും വി​ദേ​ശ​കാ​ര്യ, അ​ന്താ​രാ​ഷ്ട്ര സ​ഹ​ക​ര​ണ മ​ന്ത്രാ​ല​യം അ​റി​യി​ച്ചു. കു​ടി​യൊ​ഴി​പ്പി​ക്ക​ലി​ൽ ഏ​റ്റ​വും ദു​ർ​ബ​ല​രാ​യ വി​ഭാ​ഗ​ങ്ങ​ളാ​യ രോ​ഗി​ക​ൾ, കു​ട്ടി​ക​ൾ, പ്രാ​യ​മാ​യ​വ​ർ, സ്ത്രീ​ക​ൾ എ​ന്നി​വ​ർ​ക്കാ​ണ്​ മു​ൻ​ഗ​ണ​ന ന​ൽ​കി​യ​ത്.

മാ​നു​ഷി​ക സ​ഹ​ക​ര​ണ​ത്തി​ന്‍റെ​യും ആ​ഗോ​ള ഐ​ക്യ​ദാ​ർ​ഢ്യ​ത്തി​ന്‍റെ​യും കാ​ഴ്ച​പ്പാ​ടി​ലൂ​ന്നി​യാ​ണ്​ ര​ക്ഷാ​പ്ര​വ​ർ​ത്ത​നം ന​ട​ത്തി​യ​തെ​ന്ന്​ മ​ന്ത്രാ​ല​യം പ്ര​സ്താ​വ​ന​യി​ൽ വ്യ​ക്​​ത​മാ​ക്കി. സു​ഡാ​നീ​സ് ജ​ന​ത​യു​ടെ താ​ൽ​പ​ര്യ​ങ്ങ​ൾ സം​ര​ക്ഷി​ക്കു​ന്ന​തി​ന് വി​വി​ധ പ​ങ്കാ​ളി​ക​ളു​മാ​യും അ​ന്താ​രാ​ഷ്ട്ര സ​മൂ​ഹ​വു​മാ​യും സ​ഹ​ക​രി​ച്ച്​ പ്ര​വ​ർ​ത്തി​ക്കു​മെ​ന്നും പ്ര​സ്താ​വ​ന​യി​ൽ കൂ​ട്ടി​ച്ചേ​ർ​ത്തു. ക​ഴി​ഞ്ഞ ദി​വ​സം യു.​എ.​ഇ പൗ​ര​ന്മാ​രാ​യ ഏ​താ​നും പേ​രെ സൗ​ദി സം​ഘം ര​ക്ഷ​പ്പെ​ടു​ത്തി​യി​രു​ന്നു. വി​വി​ധ രാ​ജ്യ​ങ്ങ​ളി​ലെ പൗ​ര​ന്മാ​രെ ര​ക്ഷ​പ്പെ​ടു​ത്താ​ൻ മു​ൻ​കൈ​യെ​ടു​ത്ത സൗ​ദി അ​റേ​ബ്യ​ക്ക്​ യു.​എ.​ഇ വി​ദേ​ശ​കാ​ര്യ, അ​ന്താ​രാ​ഷ്ട്ര സ​ഹ​ക​ര​ണ വ​കു​പ്പ്​ മ​ന്ത്രി ശൈ​ഖ്​ അ​ബ്​​ദു​ല്ല ബി​ൻ സാ​യി​ദ്​ ആ​ൽ ന​ഹ്​​യാ​ൻ ന​ന്ദി അ​റി​യി​ക്കു​ക​യും ചെ​യ്തി​രു​ന്നു. സൗ​ദി വി​ദേ​ശ​കാ​ര്യ മ​ന്ത്രി ഫൈ​സ​ൽ ബി​ൻ ഫ​ർ​ഹാ​ൻ രാ​ജ​കു​മാ​ര​നു​മാ​യി ന​ട​ത്തി​യ ഫോ​ൺ സം​ഭാ​ഷ​ണ​ത്തി​ലാ​ണ്​ ഇ​ക്കാ​ര്യം അ​റി​യി​ച്ച​ത്.