സ​ഹാ​യ വ​സ്തു​ക്ക​ളു​മാ​യി യു.​എ.​ഇ ക​പ്പ​ൽ ഗ​സ്സ​യി​ലെ​ത്തി

ദു​ബൈ: ഭ​ക്ഷ്യ വ​സ്തു​ക്ക​ളു​മാ​യി യു.​എ.​ഇ​യി​ൽ നി​ന്ന്​ പു​റ​പ്പെ​ട്ട ച​ര​ക്കു ക​പ്പ​ൽ സൈ​പ്ര​സ്​ വ​ഴി ഗ​സ്സ​യി​ലെ​ത്തി.

സൈ​പ്ര​സി​ലെ ല​ർ​ന​ക്ക ഇ​ട​നാ​ഴി വ​ഴി​യാ​ണ്​ ക​പ്പ​ൽ ഗ​സ്സ​യി​ലേ​ക്ക്​ പ്ര​വേ​ശി​ച്ച​തെ​ന്ന്​ യു.​എ.​ഇ​യു​ടെ അ​ന്താ​രാ​ഷ്ട്ര സ​ഹ​ക​ര​ണ വ​കു​പ്പ്​ സ​ഹ​മ​ന്ത്രി റീം ​ബി​ൻ​ത്​ ഇ​ബ്രാ​ഹിം അ​ൽ ഹാ​ഷ്മി അ​റി​യി​ച്ചു.

യൂ​റോ​പ്യ​ൻ യൂ​നി​യ​ൻ, ഐ​ക്യ​രാ​ഷ്ട്ര സ​ഭ, യു.​എ​സ്, സൈ​പ്ര​സ്, യു.​കെ എ​ന്നി​വ​യു​​ടെ സം​യു​ക്ത​മാ​യാ​ണ്​​ വ​ട​ക്ക​ൻ ഗ​സ്സ​യി​ലെ ജ​ന​ങ്ങ​ൾ​ക്കാ​യി ഭ​ക്ഷ്യ വ​സ്തു​ക്ക​ൾ എ​ത്തി​ക്കു​ന്ന​ത്.

ക​പ്പ​ലി​ലെ​ 252 ട​ൺ ഭ​ക്ഷ്യ സ​ഹാ​യ വ​സ്തു​ക്ക​ൾ ദാ​റു​ൽ ബ​ലാ​ഹി​ലെ യു.​എ​ൻ ഗോ​ഡൗ​ണി​ൽ എ​ത്തി​യി​ട്ടു​ണ്ട്. ഇ​വ ഫ​ല​സ്തീ​ൻ ജ​ന​ത​ക്ക്​ വി​ത​ര​ണം ചെ​യ്യു​ന്ന​തി​നു​ള്ള ന​ട​പ​ടി​ക​ൾ​ക്കാ​യി കാ​ത്തി​രി​ക്കു​ക​യാ​ണ്. യു​ദ്ധം ആ​രം​ഭി​ച്ച ശേ​ഷം ഗ​സ്സ​യി​ലേ​ക്ക്​ യു.​എ.​ഇ ഇ​തു​വ​രെ 32,000 അ​ടി​യ​ന്ത​ര സ​ഹാ​യ വ​സ്തു​ക്ക​ൾ വി​ത​ര​ണം ചെ​യ്തി​ട്ടു​ണ്ട്. ​

260 വി​മാ​ന​ങ്ങ​ൾ, 1243 ട്ര​ക്കു​ക​ൾ, 49 എ​യ​ർ​ഡ്രോ​പ്പു​ക​ൾ എ​ന്നി​വ വ​ഴി​യാ​ണ്​ ഭ​ക്ഷ്യ വ​സ്തു​ക്ക​ൾ, മെ​ഡി​ക്ക​ൽ ഉ​പ​ക​ര​ണ​ങ്ങ​ൾ എ​ന്നി​വ ഗ​സ്സ​ക്ക്​ കൈ​മാ​റി​യ​ത്.

യു.​എ.​ഇ പ്ര​സി​ഡ​ന്‍റ്​ ശൈ​ഖ്​ മു​ഹ​മ്മ​ദ്​ ബി​ൻ സാ​യി​ദ്​ ആ​ൽ ന​ഹ്​​യാ​ൻ പ്ര​ഖ്യാ​പി​ച്ച ഗാ​ല​ന്‍റ്​ നൈ​റ്റ്​ 3 സം​രം​ഭ​ത്തി​ന്‍റെ ഭാ​ഗ​മാ​യാ​ണ്​ ഗ​സ്സ​ക്ക്​ സ​ഹാ​യ വി​ത​ര​ണം. കൂ​ടാ​തെ, യു​ദ്ധ​ത്തി​ൽ പ​രി​ക്കേ​റ്റ ഫ​ല​സ്തീ​നി​ക​ളെ ചി​കി​ത്സി​ക്കു​ന്ന​തി​നാ​യി യു.​എ.​ഇ റെ​ഡ് ക്ര​സ​ന്‍റി​ന്‍റെ നേ​തൃ​ത്വ​ത്തി​ൽ ഗ​സ്സ മു​ന​മ്പി​ൽ ഫ്ലോ​ട്ടി​ങ്​ ഹോ​സ്പി​റ്റ​ലു​ക​ൾ സ്ഥാ​പി​ക്കു​ക​യും ക​ട​ൽ​വെ​ള്ളം ശു​ദ്ധീ​ക​രി​ച്ച കൂ​റ്റ​ൻ പ്ലാ​ന്റു​ക​ൾ നി​ർ​മി​ച്ചു ന​ൽ​കു​ക​യും ചെ​യ്തി​രു​ന്നു.

പ​രി​ക്കേ​റ്റ​വ​രി​ൽ വി​ദ​ഗ്ധ ചി​കി​ത്സ ആ​വ​ശ്യ​മു​ള്ള​വ​രേ​യും അ​ർ​ബു​ധ ബാ​ധി​ത​രേ​യും ആ​കാ​ശ മാ​ർ​ഗം യു.​എ.​ഇ​യി​ലെ ​പ്ര​മു​ഖ ആ​ശു​പ​ത്രി​യി​ലെ​ത്തി​ക്കു​ക​യും ചെ​യ്യു​ന്നു​ണ്ട്.